محاورة بين الشاعرين / حبيب العازمي و/ عبدالله بن عتقان السلمي
 

[poem font="Simplified Arabic,6,black,norma l,normal" bkcolor="transparent " bkimage="backgrounds/6.gif" border="none,4,gray" type=0 line=0 align=center use=ex num="0,black"]
جرت هذه المحاورة يو الثلاثاء الموافق ( 23/6/1425هـ ) بقصر الروابي بجدة




حبيب العازمي
سلامي سلام مسيرٍ يطرق الباب=على ساير العربان ماهو بغادي
أنا ياكبار سليم للحق طلاب=أنادي ولا ادري من يجيب المنادي



عبدالله بن عتقان
هلا مرحبا ياضيف مليون ترحاب= على سنة الأسلام والجو هادي
تنادي يأبو فيصل بدون أية أسباب= تراها مواقف بالسيوف الحدادي



حبيب العازمي
نعد الليالي مالها عد وحساب=وبين البحر والضلع تسعين وادي
تشوف النجوم وتحسب إن القمر غاب= وأنا أعرف هبوبك حر وألا برادي



عبدالله بن عتقان
ليا سلمت اللحيه وسلمن الأشناب=لا تسمع لنشره عابره فالروادي
يجوز إن به ناسٍ يثيرون الأرهاب= يبون النصر يقضي على الإتحادي



حبيب العازمي
يازين المروه لو على قطع الأرقاب=وراع المطيه محتفظ بالشدادي
أنا مارتفع ضغطي على حرق الأعصاب= أعرف المنافق والكذوب الربادي



عبدالله بن عتقان
وأنا مأعتبرت الرجل مخطي ولا صاب=ياليت أعتقادك يتفق بعتقادي
تعجلت يالروقي بتاريخ الأنساب= وأنا حاسب إنك بالحياة أقتصادي



حبيب العازمي
مزال القلوب إنظاف والنور جذاب= أبمزح معك واللي حصل شي عادي
يقولون قلع الضرس يثر على الناب=وأنا أقول قلع الضرس مفروض بادي



عبدالله بن عتقان
أنا معك فالوقفه بسيفٍ ومشعاب=ولا أمزح معك لو كنت غاية مرادي
قلعنا الضروس وهونت كل الأحزاب= وهالحين مافيها عناد وجهادي



حبيب العازمي
على طاري المشعاب والرمح وذياب=مشاعيبكم كثرت سواة الجرادي
إذا ماهداك الله ترى فيك مضراب=وهات الفتيله عند خشم الزنادي



عبدالله بن عتقان
مشاعيبنا فالروس سوت لها أعجاب= وخلتك تهرب من عشيرة وغادي
وياكم من هرجة عطت كل مجناب= ولا دنست قوم الثياب الجدادي[/poem]

هلا وغلا
 

هلا وغلا بك ياعبدالله

محاورة غاية في الابداع

ابن عتقان شاعر ابن شاعر

مبدع في محاوراته

عسى نشوفة قريبا عملاق من عمالقة الشعراء الذين سبقوه والحاضرين من بني سليم
رواد الشعر

الله لا يهينك ياعبدالله
الف شكر على مشاركتك المميزه

صح السان الشعار :

حـــــبــــــيــــــ ب الـــــعــــــازمـــ ـــي

و

عـــــبــــــدالله بـــــــــــن عـــتــــقــــان



ونطلب منك المزيد اخي عبدالله


لك احترامي .

محاوره رائعه وراقيه خصوصا انها مع شاعر محاوره عملاق مثل حبيب العازمي العتيبي

صح لسانك يابن ياعبدالله وصح لسان الشاعر حبيب العازمي العتيبي

[grade="000000 FF6347 008000 A0522D"]أنا معـك فالوقفـه بسيـفٍ ومشعـاب =-=-=-=-=-= ولا أمزح معك لو كنت غايـة مـرادي
قلعنا الضروس وهونت كـل الأحـزاب =-=-=-=-=-= وهالحيـن مافيهـا عنـاد وجـهـادي [/grade]
يا سلااااااام


محاوره رائعه وممتعه


مشكور يا ابن عتقـــان

صح السان الشعار :


حبيب العازمي

عبدالله بن عتقان


على هذه المحاوره ولك جزيل الشكر ..




لك تحيتي .



.

الأخ العزيز/ العبيدي
مشكور جداً على مرورك وإطرائك الجميل
وأتمنى دائماً وأبداً أن اكون عند حسن الظن
تقبل تحياتي وأشواقي

الأخ العزيز/ المعتصم بالله
مرورك شرف يالغالي
أشكرك جزيل الشكر
ولك مني كل الحب والتقدير

الأخ العزيز/ عطر المجالس
شرفني مرورك على مشاركتي المتواضعه
اشكرك من كل قلبي
وأرسل لك تحياتي وأشواقي القلبيه

الاخ العزيز / مخلد الخالدي
ياهلا وياغلا بمخلد
والف شكر على هذا المرور الجميل كجمال قلبك يأبو خلووووود
تقبل تحياتي وحبي وتقديري