مجالس قبيلة زعب - محاوره بين ابن مدلاج و فهد العازمي العتيبي

مجالس قبيلة زعب (http://www.zaub.com/vb/index.php)

- مجلس المحاورات الشعرية والقلطة (http://www.zaub.com/vb/forumdisplay.php?f=23)

محاوره بين ابن مدلاج و فهد العازمي العتيبي

السلام عليكم ورحمة الله وبركاته

هذي محاورة بين الشاعر: سعود بن مدلاج الزعبي و الشاعر : فهد العازمي العتيبي

فهد العازمي:

في محل الرجال و في حضور الرجال***يا سلامي على الحفلة و زوارها
يالله انــك تحــل مــعــقــدات الحبــال***الإذاعة سمعنا وش هي اخبارها

سعود الزعبي:

مرحـبا عـد ما نسنس هبـوب الشـمــال***عنـد قــوم(ن) نقــدرها بمــقدارها
السوالــف كثيـــرة وانــت روح و تعال***يا وسيع الفكر بأفكارك اختارها

فهد العازمي:

يا سعود الفزوع لحال وانت لحال***مالقيناك بأيمانها و ايسارها
كم ســود الليال وكـم بيض الليال***لا تعد النجوم تضيع بأنوارها

سعود الزعبي:

فزعت(ن) باطلة مالي معاها مجال***روح معها وانا ادور على ثمارها
يا فهد لا تلـوي في طـوال الحبال***كيف تطمـع ذبيحـة عنـد جـزارها

فهد العازمي:

انت اشـريك وابيـعـك بواحـد ريــال***ليلة(ن) للرجال تمــيز اسعـارها
و انت منت بردي لكن يا ابن الحلال***على قدمك جهنم تشتعل نارها

سعود الزعبي:

انت اضنك تحاول لك بشي(ن) محال***و العور ماسك(ن) بدلتك من زرارها
و الغريبه مامنكـم واحد(ن) قال قال***يــوم ذيك المقـرد كـثرت افكـارهـا

فهد العازمي:

العور حط ربي وسـط عينه خلال***كــنــه عيــبــه اللــي يــدرج فــارها
يا سعود انت دمك مثل دم الغزال***مكسب(ن) لي من الطرقه و مشوارها

سعود الزعبي:

ما عــلانا من الله يا صحيبـي ظـلال***مثل نـاس(ن) هنــيه لـعنــبوا عـــارهــا
تيه يا العازمي سافر على كل حال***خاو لك ناس(ن) ماتحرص على اعمارها

عسى ان تحوز على اعجابكم

مع تحيات اخوكم: ابومتعب

مشاركة: محاوره بين ابن مدلاج و فهد العازمي العتيبي

ابو متعب

مرحبا بك وبمشاركتك الجميله

محاوره جزله

صح الله لسان ابن مدلاج وفهد العازمي

شعراء مشهورين

شكراً لك على متابعتك ونقلك الفريد

لاعدمنا تواجدك يابو متعب

مشاركة: محاوره بين ابن مدلاج و فهد العازمي العتيبي

يامرحبا يابو متعب ,,

مشاركه طيبه ,,,

لاهنت يالقرم ,,

سعود بن مدلاج وفهد العازمي شعراء على مستوى ,, مشهود لهم

لاهنت يابومتعب

مشاركة: محاوره بين ابن مدلاج و فهد العازمي العتيبي

لاهنت يابو متعب علي نقل هذه المحاوره الرائعه

وصح لسان الشاعر سعود بن مدلاج والشاعر فهد العتيبي

الف شكر يالقرم ولاعدمنا مشاركاتك

محاوره ممتازه واختيار موفق وهاذي عوايدك الطيبه يابومتعب وصح الله لسان الشاعرين

السلام عليكم ورحمة الله وبركاته .....!

الله لا يهينكم على المرور الطيب

الله لايهينك ابو متعب هالمحاورة انا حاضرها وبصراحة شاعرنا سعود ابدع في تلك الليلة وبيض وجيه الجماعة