مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الطرائف (http://www.zaub.com/vb/forumdisplay.php?f=26)
-   -   قصه راعي الديك00 (http://www.zaub.com/vb/showthread.php?t=631)

راعي المعنا 24th April 2003 00:26

قصه راعي الديك00
 
قصه راعي الديك00 اتحدى اي واحد ما يضحك!!


فيه ولد طفران (ماعنده ولا ريال) راح لابوه وقاله : عطني 15 ريال,,ودي اشتري كوره 00

الاب : أقول إنقلع عني تراها واصله معي 0

الولد : تكفا يبه,,بس 15 ريال والا اقولك خلها عشرة ريالات 0

الاب : ماعندي فلوس ... إذا تبي فلوس روح بيع الديك مالك المريض اللي بالحوش ..

الولد :بس هذا مريض ومحد بيشتريه

الاب : ماعليّ منك ,,, دبر نفسك

والله الولد استسلم للأمر الواقع واخذ الديك

أول واحد قابله في وجهه اكيد أبوه .... قاله الولد: تشتري الديك؟

الاب : اقول بتنقلع عني ولا أقوم أدوسك في بطنك؟

الولد :خلاص خلاص لاتنفخ طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله … فلانه هذي كانت وحده متزوجه بس للأسف كانت رايحه فيها .

راح لها الولد عشان يبيع عليها الديك

الولد : تشترين الديك تكفين؟

هلا والله بحبيبي .. تعال قرب مني حبيبي ولهانه عليك

الولد : اقول ماني فاضي لك .. خذي مني الديك وخليني اروح
تروح مين ياعمري !! انا ماصدقت إني شفت رجال عندي في البيت ...

الولد :ومنهو اللي قالك إن انا رجال ؟ خذي مني الديك وخليني أروح
شوي الا الباب يدق خافت الحرمه وقالت للولد تعال اتخبا هنا في الدولاب لايطلع زوجي ثم نروح فيها.

حطت الولد في الدولاب وراحت فتحت الباب إلا وطلعلها صديقها اللي ما يحتاج ..
الحرمه : هلا والله بعمري وحياتي

الرجال : يا هلا فيك عمري ما أمدا الرجال يكمل كلمته إلا والباب يطق

الحرمه : ياويلي ويلاه ,, هذا شكله زوجي ,,, تعال وادخل في الدولاب

دخل أخونا في الدولاب وفجاه في عز الظلام سمع صوت خفيف يكلمه داخل الدولاب ويقوله: تشتري الديك؟

الرجال: خفض صوتك الله يرحم والديك لاتفضحنا !!!

الولد : بصوت أعلى أقول تشتري الديك؟

الرجال : ياخوي خلاص بشتري الديك بس قصر على حسك تكفا,,,

الولد : طيب

الرجال: بس بكم تبيعه؟

الولد :ب100 ريال

الرجال : ايش!!!!!!!!!!!! هالديك ب 100ريال !!!!!!!!!!!!

الولد : تبي تشتري ولا ارفع صوتي؟

الرجال : لا لا خلاص ,, بشتري وأمري لله جلسو 5 دقايق

الولد :تبيع الديك؟

الرجال : توك بايعه على يابن الحلال!!

الولد :تبيعه علي ولا ارفع صوتي؟

الرجال: لا لا خلاص,,اببيعه وأمري لله,,بكم تشتريه؟

الولد :بريال

الرجال: أيش!! بريال !!!! انا مشتريه منك ب 100 ونت تشتريه مني بريال!!!!!

الولد : تبيعه علي ولا ارفع صوتي؟

الرجال : لا لا خلاص,,اببيعه وأمري لله جلسو 5 دقيق

الولد : تشتري الديك؟

الرجال : ياخوي توني مشتريه منك!

الولد : تبي تشتري ولا ارفع صوتي؟

الرجال : لا لا خلاص,,ابشتري وأمري لله,,,بكم تبيعه؟

الولد :ب200 ريال

الرجال: الله يمحط بك انشالله,,,,توني مشتريه منك ب 100 ريال!

الولد : تبي تشتري ولا ارفع صوتي؟

الرجال : لا لا خلاص,,ابشتري وأمري لله جلسو 5 دقايق

الولد : تبيع الديك؟ -الرجال: انا لله وإنا إليه راجعون,,,,,بكم تبي تشتريه؟

الولد : بريال

الرجال : وش تبيني أقول !! تبيني أبكي ولا أشقق هدومي,,,, يالله خذ الديك وببلاش بعد … اخذ الولد الديك

شوي ألا الحرمه فاتحه عليهم الدولاب وقالتلهم : يالله بسرعه انحاشو دام إن زوجي في الحمام ,, بس واحد ورا الثاني وبشويش عشان لايحس فيكم زوجي
طلع الرجال وانحاش ولحقه الولد بعده ب5 دقايق المهم ,,, قام الولد يتمشى في الشارع وهو مستانس لأنه صار معاه فلوس .. بعدين راح للبيت يوم دخل البيت شاف ابوه قدامه .. راح قال لابوه: تشتري الديك؟

الأب يشوف الولد والشرار طالع من عيونه وقاله: مايكفيك يابن (??) الــ 300 ريال اللي لطشتها مني في الدولاب؟؟؟

فهد بن سالم 29th June 2004 23:52

الله يسعدك ياراعي المعنا

والله توني اشوف المشاركة ، ومابغيت اوقف عن الضحك

من وين جايبها هذي

مشكور على المشاركة الطريفة وبانتظار جديدك

تقبل تحياتي

المجيني 7th July 2004 10:47

مشكوووووووووووووووور على هالمشاركه الرائعه

SAGER2000 7th July 2004 12:59

SAGER2000
 
مشكور اخي على القصة
اضحكتنا، اضحك الله يوم القيامة
وتقبل احترامي

راعي المعنا 11th July 2004 06:03

هلا والله بفهد بن سالم

ويسعدك ربي معاي

مشكور على المرور ولاهنت وابشر ان شاءالله ماراح اقصر في مشاركاتي

راعي المعنا 11th July 2004 06:04

هلا فيك اخوي المجيني وانا سعيد جدا بمرورك

راعي المعنا 11th July 2004 06:09

اهلا SAGER2000
وان شاءالله تكون دايم ضحوك
ولاهنتوا على المرور

حياز 15th August 2005 00:30

راعي المعنى حسبي الله ونعم الوكيل ذبحتني من الضحك والله اني تمنيت ان الديك بيدي عشان اقطعه بيدي ابك فقع مرارت الرجال وذله ذل هههههههههههههههههههه هههههههه

راعي الصفرا 15th August 2005 00:38

هاهاهاهاهاهاه

اقوى نكته مرت علي حسبي الله على الديك وراعيه

لاهنت ياراعي المعنا على هالمشاركه القمه

تقبل تحياتي

][ عاليه الصيت ][ 15th August 2005 05:08

هههههههههههههههههههه هههههههه
هههههههههههههههههههه ههههههه
هههههههههههههههههههه ههههههه
يعطيك العاافيه اخوي راعي المعنا


الساعة الآن 08:57

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir