لحون السامرية
 

السلام عليكم ورحمة الله وبركاته ....

أنا كلي شوق للتفاعل مع المنتدي العزيز على قلبي . وأرجو المعذرة على الانقطاع لكثرة المشاغل .

وعندي لكم هالمساجلة بيني وبين ماجد سلطان الصبيح وفيها أكشف عن أسمي وذلك تواضعا لأخوتي الاعزاء

(أبو هلا -- والعبيدي ).

هذه قصيدة ماجد بن سلطان يقول فيها:

يامغرف من بحر والشك زايل ....يامعدل ميلة البيت القوية

يامبارك بن فهد والليل طايل ....ياقوافي أسعفي راع الحمية

خل من يرفع حموله والثقايل....ولاتبدل كل حسناتك بسية

أن طلبتك بالمعاني لاتمايل ....مثل بنت تلعب الحيله شوية

زوجها شايب ومابه من جمايل ...والذهانه عندها روحة وجيه

ومات ذالشايب وتبقى البنت حايل...كله بسبة حبتن بنفسجية

أن فهمت القصد. شف ثم بعد خايل ...لا تغني مثل صوت الراعبية

أفلست عقب الرخا والحظ مايل ...والنوايا مثل ماقالوا مطية

وياسلام الله عدد ماسال سايل....وعد زول وعد قول وعد نيه.

الرد:

مرحبابك يامكاتيب ورسايل ...مرحبابك يامزون العقربية

ياغيوم بالسماء تهمل همايل....دام فضل الله علينا والعطية

ياقلم أكتب وعدل كل مايل....وخبر أبن جحيش وأرسله هدية

ماعسرنا القاف ونجيب الجمايل....وما تخوفنا لحون السامرية

لوثقل حمل الجمل للحمل شايل ....يوم غيره ضايع بالمهمهية

وش تقول بشاعر ضاع القوايل ...ركب الأبيات في بنت ردية

ودام جبت علوم صابغت الجدايل ...ذاك وقت راح ياويله عليه

والردي ماهو وليف أبن القبايل...وأنت تفداك الرقاب بدون دية

والمثل يضرب على رجال الحمايل ....والنساء ماتنذكر لاجت هفية

والحكي نقصان بالفايت وزايل ....والليالي يوم ولت سرمدية

وياسلام الله عددماسال سايل ....وعد زول وعد قول وعد نية.

وسلامتكم .

مبارك بن فهد بن وافي (( الكاشف)).

مشاركة: لحون السامرية
 

الكاشف مرحبا تراحيب المطر
لي عتب بلا رحمة

سوف اعود للتعليق لاحقا

مشاركة: لحون السامرية
 

الاخ العزيز
مبارك بن فهد بن وافي
او الكاشف كما يحب ان يسمي نفسه

تحية اعجاب وتقدير

تشرفنا بمعرفتك طال عمرك
وقد سعدنا كثيراً حين كشفت لنا عن الكاشف

نكرر لك ترحيبنا واعجابنا بشاعريتك
انت شاعر جزل ومتمكن ومشاركاتك كانت محل التقدير

ندعوك لمواصلت مشاركاتك وابداعاتك كما عهدنا منك ونحن واثقين انها ستكون

رائعة بروعة مفاجأتك خاصة وانها ستكون بدون تحفظ


الكاشف
صح الله لسانك على هذه المساجلة الجزله مع الشاعر ماجد سلطان الصبيح

وصح الله لسان الشاعر ماجد الصبيح

مشاركة: لحون السامرية
 

الشكر كل الشكر للأخوة المشرفين ..


وخاصة العبيدي لتواصلة الجيد مع الشعراء .


.................تحي اتي................. ..

مشاركة: لحون السامرية
 

الاخ مبارك بن فهد بن وافي


اسعد الله مساءك بكل خير


تغيب ولكن تحضر لنا الجزل



صح الله لساانكم مليون



قصيده ورديه جزله



ولكن المفاجأه بماجد سلطان


توني دريت انه يكتب الشعر وطول هالفتره وحنا معه ولايعلم :)


صح الله لسانكم مره ثانيه



وتقبل تحيات اخوك
ابو تركي

مشاركة: لحون السامرية
 

صح لسانك يا مبارك بن فهد بن وافي

وصح لسان ماجد بن سلطان



لاهنتوا

مشاركة: لحون السامرية
 

صح لسانك مبارك بن فهد بن وافي


وصح لسان ماجد بن سلطان




رديه رائعه .. لاعدمناكم .

مشاركة: لحون السامرية