محاورة بن الشاعر/عبدالله بن عتقان السلمي والشاعر/شايع القحطاني
جرت هذه المحاورة عام 1425ه
شــايـــع الـعـيـافــي سلام رديه تعـم الحاضريـن مـن الرجـال *******وان خصت السلمان ما يحتاج والمخرج ملـي انا مسوي لي من اهل العرف ربح وراس مال******يارب ترفع لـي درجاتـي وترضـى بعملـي عـبـدالله بـــن عـتـقـان يامرحبا ترحيبةٍ ترقـى علـى روس الجبـال ******بالشافعـي والحنفـي والمالكـي والحنبـلـي المعرفه بيـن النشامـا عـز مافيهـا جـدال *******منهاج ياشايـع مـن ايـام الزمـان الاولـي شــايـــع الـعـيـافــي اليا نوينا مايشيـل حمولنـا غيـر الجمـال****** مير اوردي يالشارده وان ساعف الحظ اقبلي ياسليم يا طول الصبر معكم ويا قصر الحبـال***** واقصى دعاوينا عسى ضيم الليالـي ينجلـي عـبـدالله بـــن عـتـقـان بعض الحمول اهوينه والبعض الأخر ما تشال *****واللي عجز عنها محمد مـا يوصلهـا علـي اللي يبا يارد على هـداج يشـرب مـن زلال ***** واللي يبى حربٍ ضروسه فيه نـارٍ تصتلـي شــايـــع الـعـيـافــي اليوم يمشي من شروق الشمس لاوقت الزوال *******والكسب يفرق يا سنام شعيل ياقـرن الطلـي هداج عد فالشمـال يكودنـا يابـن الحـلال ******والنار لو تالع نزلنا غصب في ساحـل بلـي عـبـدالله بـــن عـتـقـان كم واحدٍ يمشي سنين من الجنوب إلى الشمال *****يروح قحطانـي ويرجـع فالنهايـه عبدلـي عشره فناجيل أجمعوها أصحابنا وأربـع دلال *****وتوزعت بين الجماعه عند ميحـات الدلـي شــايـــع الـعـيـافــي صيحتك لو جربتها بيـن النعانيـع الطـوال ****مانته مزلزل الارض لو وايقت ريـعٍ معتلـي يا صاحبي لا تلبس الغتره وتكشـخ بالعقـال ***** انت سلمي والنـاس والله ماتسميـك هذلـي عـبـدالله بـــن عـتـقـان مافيه صيحـه يالعيافـي زال مافيهـا قتـال****** هرجة سلام ومرحبا وش قلتلـك وش قلتلـي من فضل ربي ما غدالي لا جنيـه ولا ريـال *****وإذ وقفت أوقف بسيف العز مانـي بعزلـي شــايـــع الـعـيـافــي قلنا الجبرتي مات واثر الله مورث له عيـال *****لكـن ماشفنـا بهـم واحـد نبـيٍ مرسلـي علم يقـال وعلـم اظنـه لايـذاع ولا يقـال ******دام السحيمي معك ربـع الله يعيـن المبتلـي عـبـدالله بـــن عـتـقـان أشدادنا فوق الجمـل وقـتٍ قديـم ومايـزال ****اليوم وألا من على أيـام الزمـان الجاهلـي شايع من السرعه توسط بين جايز وإحتمـال ****لكـن يابركـان ثـور ويابسيطـه زلـزلـي |
سيف القبيـــــــــــــــ ــله
لاهنت على النقل يالقرم مشكور على كل جهودك لاعدمتك |
الله لا يهينك يا سيف القبيله
مشكور على المحاوره |
لاا هنت يا العبيدي تشكر تشكر
دمتـ ودام وجودك |
ابوووجاسم يعطيك الف عاافيه
علي المرور الطيب ودمتـ بووود |
محاوره رائعه بالفعل
صح الله لسان الشاعر شايع العيافي وصح الله لسان المتألق ابو هذال لاهنت |
اخووي ابو هلا مشكوور على المروور
صح بدنك تقبل تحياتي |
السلام عليكم ........
صح لسان الشاعرين الشاعر : عبدالله بن عتقان السلمي الشاعر : شايع العيافي ولااااهنت يا سيف القبيله على النقل .. يعطيك العافيه تقبل تحياتي اخووك :: سطام الزعبي |
سطااام
اشكر لك مرورك العطر وكلامك الجميل وما مرورك الا تشريف لمتصفحي ودافع لي لتقديم المزيد من الموضيع انشاء الله بينال رضاك ورضاء المتصفحين تحياتي وتقديري لك |
الساعة الآن 10:14 |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir