مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   اهل المحبه بدو (http://www.zaub.com/vb/showthread.php?t=2532)

حمد السلمي 2nd July 2005 01:46

اهل المحبه بدو
 
صباح الخير ياخوان 00 من القصايد التي اعجبتني هذه القصيده 00 واتمنى ان تعجبكم ايضا 00 ولكم فائق احترامتي 0

ياراكب اللي خذو من شبكه لنوره *** شلقه ومن رفرفينه شلقه وشلقه

الين ماعاد للفكسار ديكوره *** الا شعار التايوتا حلقه وحلقه

اليا نطحته تحلف ان راس تنوره *** نيرانها تو خشم الجيب معتلقه

كن فتحه السقف لولو فوق بلوره *** غيره مرهم وهو من مصنعه خلقه

ابيض كما زيبق في حلق ماصوره *** الله يجيره من ال معيض والعلقه

اهدا من السالف في همس سيوره *** وارسى من الباخره واسبق من الطلقه

عده على واحد با موت من جوره *** وان مت من سبته نشبت في حلقه

الصاحب المرمس اللي ما لعب دوره *** في مسلسل مرني حلقه ورى حلقه

لكن سوى ذبحتي مايرضى غروره *** رد اعتبار ابله في الحب منزلقه

وانا البري من مواعيده وبلفوره *** خشف ولو انويه ما مس كود ذا العلقه

عليه ردو من اقصى القلب مذخوره *** تحيتن من وراها النار منذلقه

للغالي للي نزل والقاع محظوره *** والليل يغري وعين ابليس منبلقه

وقولوله اني بعد ما حطني شوره *** في حلقه مفرغه وادور في الحلقه

مازلت احبه واحاول ماجرح اشعوره *** ولو كان مغرور واداني كذا علقه

وقولو له الجرح ماله غير دكتوره *** واهل المحبه بدو ونفوس قلقله

من عله اللي برك كله على زوره *** ماهيب عله شباب ضايق خلقه

قدله وكن حالته بالصوت والصوره *** بزرن ليا قام من نومه بكى غلقه


شعر \ ضيدان بن قضعان العجمي



ولكم تحياتي وتقديري

مبارك الزعبي 5th July 2005 04:25

مشاركة: اهل المحبه بدو
 
لاهنت يا حمد السلمي


نشكر تواصلك معنا بمشاركاتك الرائعه



وصح لسان الشاعر ضيدان بن قضعان

ابوهلا 6th July 2005 01:13

مشاركة: اهل المحبه بدو
 
صح لسان الشاعر بن قضعان شاعر جزل


لاهنت ياحمد ولاعدمنااااااك


الساعة الآن 11:15

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir