مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   ردية بين الشاعر سعد البحيري وأخو وضحى.. (http://www.zaub.com/vb/showthread.php?t=761)

أخو وضحى 1st July 2003 14:12

ردية بين الشاعر سعد البحيري وأخو وضحى..
 
السلام عليكم ورحمة الله وبركاته


أخواني الأعضاء والزوار أقدم لكم هذه الردية بين الشاعر/ سعد بن فهد البحيري الزعبي وبين أخوكم أخو وضحى وأرجو من الله أن تحوز على أعجابكم ورضاكم:


أبيات الشاعر سعد البحيري


[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لاقلت درب الشوق مقفول بابه
=يطلع علي من العنا باب مفتوح
ويصير لي وسط المحبة طلابة
=ونتيجة القصة يجي صمتي البوح
كله لعين اللي بقلبي صوابه
=اللي له أسمى آيات الأشواق ممنوح
اللي شكا همه وخففت مابه
=وضحيت لأجله بالمصاعب وبالنوح
وهو جزاني بالمودة عذابه
=واللي يجي منه من الضيم مسموح
أبيع عمري له وأسدد غيابه
=وماكان جاني منكتب داخل اللوح
لكن يامحمد بعيد اللقا به
=فزعتك يوم انك بالأحساب ممدوح
أما يجي بالطيب والطيب جابه
=حتى يجي من بيننا العشق مدموح
ولا على دربه يرحل ركابه
=دربك عسى دربك تساهيل وسموح
ومن لامني جعله بذل ومهابة
=يمسي بهم ويصبح بهم مفضوح
الحب مايرحم ومر شرابه
=كم شيخ قوم بالغنادير مذبوح
قبلي ذبح عنتر وقيس التجى به
=اللي على ليلى جرا الدمع مفيوح
حتى الهلالي سيف الأحباب صابه
=وأبطى وهو من خدر الأعيان مذبوح
لو أسرد سطور الشعر والكتابه
=ماأحصي عدد منهو من الحب مطروح
الحب سلطان القلوب أنكوى به
=وبعض الأوادم للعوشيق مشفوح
يمشي وفي عمياه يطرد سرابه
=وخطاه ماهو له من الناس مدموح
أفضل له المصحف وقول الصحابة
=يقرا النبأ والكهف وآيات من نوح
حيث أن في ممشاه يجرح شبابه
=إن ركز جهوده ولا فيه مصلوح
إذا شكى الأنسان من حر مابه
=لابد له يصبر من الضيم والنوح
يارب يامعبود أكتب ثوابه
=وأغفر ذنوب العبد لاراحت الروح
[/poet]



رد أخوكم أخو وضحى




[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الشاعر اللي مندمج بالكتابه
=سمعت وناته وانا كلي جروح
جدد صوابي جدد الله صوابه
=وانا أحسبن الهرج ضحكات ومزوح
ياليتني ما شفت خط(ن) لفى به
=لاصار يشكي لي هوى بارق الضوح
مايشكي العاشق لشخص درى به
=أنه ورا عشق الغنادير مذبوح
اللي لعب فيني ويضحك بنابه
=لو قال بح مني فلاهوب مبيوح
لين خفوقي عقب ذيك الصلابة
=من عقب ماكان الهوى شي مدموح
لاعاد لي صيت ولالي مهابة
=سليت في عشقه وحرمت مابوح
سجيت من نفسي وكل القرابة
=كله لعينه وان بغى زود مفتوح
عيشني بهمن وحزن وكآبه
=علمه ردي ياخوك ماهوب ممدوح
والحين عفت العشق واللي سعى به
=ماعاد لي بدرب العواشيق مصلوح
جاهدت نفسي لين بين صوابه
=ونزعت كل اللي لجى داخل الروح
والحين أنا ناصح وعندي إجابه
=واسمع كلامي يابن الأجواد بوضوح
خلك عسر ياصاحبي سد بابه
=ولا تحمل دوخة الراس والنوح
لا تصير رومانسي وتطرد سرابه
=ترقب عصافيره تغني على الدوح
إن كان طعمه مر وش ينبغى به
=ماينجبر حر(ن) ولو كان مطروح
خلك على درب النبي والصحابة
=تقرا كتاب الله وتطهٌر اللوح
[/poet]


أخوكم / محمد بن عبدالله السحوب





وتقبلوا خالص تحياتي

أخو وضحى

الراوي 1st July 2003 14:47

ونعم
 
الله اكبر

يا شعار

شوق
+
حب
+
عشق
+
تضحية
+
هم
+
عذاب
وأحسنت يا خووضحى

اقتباس:

خلك على درب النبـي iiوالصحابـة
ii تقـرا كتـاب الله وتطهٌـر iiاللـوح

الفهد 2nd July 2003 01:31

اللة يعطيكم العافية

واللة يكثر من امثالكم

وانتمنا ياخو وضخى حضور الشاعر سعد ابن فهد البحيري معانا
بالموقع عشان يتحفنا اكثر

وحنا بانتظار الرديات الجدد

ابوهلا 2nd July 2003 07:53

السلام عليكم ورحمة الله وبركاته
 
اسعد الله اوقاتكم بكل خير


صح لسان سعد البحيرى وصح لسانك يالقرم



ياخوى وضحى عيد طباعة القصايد مره ثانيه الله لايهينك ترى الواضح عندى
الشطر الاول من كل بيت بس الشطر الثانى مايبين




ولى عوده للأستمتاع بقرائتها انشالله




تحياتى للجميع

ابو شبيب 2nd July 2003 10:48

اخى العزيز / اخو وضحى

تحية صباحيه فاخرة بين يديك
تحية لهذه المشاعر التي تفوح صدقا وطهارة
شكرا لك وللشاعر /سعد على هذين النصين الجميلين
الذي لا أمل من الغرق فيه ابحرنا داخل احرفكم اليانعه
وارتوينا من معين جملكم الشعريه
فشكرا لملامسة الغيم ومصافحة القلوب

دمتم لنا

ابو شبيب

ابوهلا 3rd July 2003 00:23

تسلم يالقرم على اعادة طباعاتها
 
اشكرك على اعادة الطباعه وابشرك واااااااااضحه


أفضل له المصحف وقول iiالصحابـة
ii يقرا النبأ والكهف وآيات مـن iiنـوح

حيث أن في ممشـاه يجـرح iiشبابـه
ii إن ركز جهـوده ولا فيـه iiمصلـوح

إذا شكى الأنسـان مـن حـر iiمابـه
ii لابد له يصبر مـن الضيـم والنـوح

يـارب يامعبـود أكـتـب iiثـوابـه
ii وأغفر ذنوب العبد لاراحـت iiالـروح



اللهم امين

صح لسانك مليووون ولا يكفون

ومثل ماقال اخوى الفهد حنا ننتظرك تسجل معنا عضو وراعى محل



اللي لعـب فينـي ويضحـك بنابـه
ii لو قال بح منـي فلاهـوب iiمبيـوح

لين خفوقي عقـب ذيـك iiالصلابـة
ii من عقب ماكان الهوى شي iiمدمـوح

لاعاد لـي صيـت ولالـي iiمهابـة
ii سليت في عشقه وحرمـت مابـوح


صح لسانك صح لسانك صح لسانك ملياار

رد جزل على قصيده جزله

وبيض الله وجيهكم



وترانا ننتظر منكم الكثير ولا تبخلوا علينا ولا على اخوانكم الاعضاء ونتمنى من الاخوان ان يضييفوا فى منتداهم كل ابداعاتهم لان الموقع مجلس للجميع



تقبلوا تحياتى واحترامى

أخو وضحى 5th July 2003 14:55

مشكووووووووووووووووو ر يالراوي على المرور


وشاكر لك التعليق الجميل


تقبل تحياتي

أخو وضحى

أخو وضحى 5th July 2003 14:57

حياك الله يالفهد وشاكر لك المرور


ورسالتك وصلناها لسعد وأن شاء الله يشاركنا عن قريب


تقبل تحياتي

أخو وضحى

أخو وضحى 5th July 2003 14:59

صح بدنك يابوهلا


وشاكر لك المرور ياراعي الأولة والتعليق اللي أفرحني


تقبل تحياتي

أخو وضحى

أخو وضحى 5th July 2003 15:01

مرحبا ومسهلا يابو شبيب


شاكر لك المرور والأطراء العذب وكلك ذوق يالغالي


تقبل تحياتي

أخو وضحى


الساعة الآن 10:46

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir