|
محاوره لابو هذال
محاوره لشاعرنا الكبير ابو هذال مع الشاعر حسين الحارثي
حسين الحارثي ياسـلام الله سـلامٍ فيـه ليـن وفيـه شـدّه ********** لين للاصحاب واعدانـا نـوى يلعـن ثواهـا وين عبدالله سفير اسليـم فـي مكـه وجـدّه ********** دام مثـل لـه قبيلـه لايـنـزل مستـواهـا عبد الله عتقان مرحبـا واللـي يقـدم طيبـه كـلٍ يــوده *********** والعلوم اللـي بعدهـا مـن يدورهـا لقاهـا جاك فارس مـن قبيلـه فعلهـم كـلٍ يعـده ********* ماينزل مستوى ربعـه ولا يكسـر عصاهـا حسن الحارثي البقـا ياللـي ترحـب والمعانـي مجرهـده ********** والعلوم الثانيه تبـرق وترعـد فـي سماهـا إعرف انك ياشمنصيـر الهـدا منتـه بقـده ***********حتى لو إتجمع السلمان في راسـك حصاهـا عبدالله عتقان يابنـي الحـارث عليكـم تالـي الأيـام لـده *********** لدةٍ من حرب والهذلان مـدري وش وراهـا؟ بيتنا ساسه حجـر وأسمنـت قاسـي ماتهـده *********** ماسكنا فـي بيـوتٍ جـرد مايـذري ذراهـا حسين الحارثي لاتلـف ولاتـدور وسيفنـا يمـك نـحـده *********** ربعنا ماتنقرب في الحـرب لادارت رحاهـا من تخلا عن دخيلـه فاللقـاء وسمـت خـده *********** حتى كل الناس تعرف فعلته لو هـو نساهـا عبدالله عتقان تفخـرون بسيفكـم لكنـه أدنـى مايـصـده ************** لو تهاجمكم ذئـابٍ جايعـه رحتـوا عشاهـا فكركم تحت اللحاف وروسكم فـوق المخـده *********** ياعسى دنيا بنـي الحـارث تعـدل ياعساهـا حسين الحارثي ياولد عتقان لاتركـب علـى غيـر الاشـده ************ وان مشيت إعرف طريقك والرجل ميّز خِطاها الصك اللي من قَبل شهرين أو اكثر جاك رده ********** لاتقل لي صعبه إحروفـه وقاضيكـم قراهـا عبدالله عتقان أنت لك راسٍ عكش والمشـط عيـا لا يكـده ***********أدهنه من شجر الزيتون وابعـد عـن سِواهـا يالحسيكي وش تبا فالموقف اللي منـت قـده **********رحت مثل اللي كحل عينه ولا كنـه عماهـا حسين الحارثي احسب إنك تسبح البحر الحمر جـزره ومـده*********** وإتضح لي تسبح أبركه ثلاثـه امتـار ماهـا الحسيكـي فالملاقـا يالدميحـي منـت نـده ********** ياخساره ياشوارب مامشـت ممشـى لحاهـا عبدالله عتقان مـن تجـاوز حـده المحـدد بالقـوه نـرده ************* كلمتي هذي تراهـا حاصلـه ركـز علاهـا كنت أحسب أصفوفكم لليوم الاكبـر مستعـده*********** وأثرها صارت تحرك من خلاها في خلاهـا حسين الحارثي من تكاسل عـن لزومـه والله إنّـا مانـوده ************وايضا مانحسب حسابه فالخبوت وفي قراهـا من بخل بالجاه اقل لارحم ابو خالـه وجـده ********** ميته ناره ومـن زود البخـل طفـى سناهـا عبدالله عتقان كان ضلع طويق يصعب تطلعه مـر وتعـده ********* أستريح بديرتك ميسان وإجلـس فـي حماهـا الحسيكـي تالـي المشـوار لابـده لابــده ************ يرضخ لسيف الهواجر لين ما يكسب رضاهـا منقول |
مشاركة: محاوره لابو هذال
الاخ الغالي العبيدي
اسعد الله صباحك بكل خير وموده شكرا لك على نقل هذه المحاورة الرائعه للشاعرين حسين الحارثي وعبدالله بن عتقان وصح الله لسانهم تقبل تحيات اخوك ابو تركي |
مشاركة: محاوره لابو هذال
الاخ الكريم العبيدي مشكور على نقل المحاورة تسلم يمينك *** |
مشاركة: محاوره لابو هذال
الاخــــــــــوه الاعزاء
ابو تركي ابو سالم الله يحييكم واسعد الله اوقاتكم بكل خير مروركم على مشاركتي شرف لي لاعدمت تواجدكم والله لايهينكم |
مشاركة: محاوره لابو هذال
صح لسان الشاعرين حسين الحارثي وعبدالله بن عتقان
محاوره جزله وابو هذال معودنا دائما علي التألق وفاقدينه هاليومين وانشالله يكون المانع خير لاهنت يامشرفنا ابراهيم |
مشاركة: محاوره لابو هذال
مرحـــبا ومسهلا يابو هـــــــــلا
والله هاليومين اللي فاقدينهم كثيرين الله يعجل بردتهم وانا معك يابو هلا ابوهذال له وحشه لكن ابو هذال ماينسانا دايم اذا طول جاب الجديد والرائع لك جزيل الشكر يابو هــــــــــــــلا |
مشاركة: محاوره لابو هذال
استاذي/ العبيدي
كل عام وانتم بخير واشكرك من كل قلبي على هذا الاهتمام الغير مستغرب منك وانا اتوارء خجلاً من كرمك الحاتمي تجاه مشاركاتي في مواقع مختلفه على الشبكه العنكبوتيه واستسمحكم عذراً في فترة غيابي السابق للظروف الإمتحانات كل عام والكل بخير وعيد سعيد |
مشاركة: محاوره لابو هذال
ابو هــذال
الله يحييكم وشرفتوا المشاركه وهذال جزء قليل من واجبنا تجاهكم الله يوفقكم لكل خير وكل عام وانتم بخير |
اخوي العبيدي محاوره قمه في الروعه وعلى الرغم من معرفتي بمستوى الشاعر الكبير عبدالله بن عتقان الا انه لااخفي عليك باني بهرت بمستوى الحارثي فقد كان هو الاخر رائع وشكرن لك لنقلك المحاورات الرائعه دائماّ
|
| الساعة الآن 23:20 |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir