مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس المحاورات الشعرية والقلطة (http://www.zaub.com/vb/forumdisplay.php?f=23)
-   -   عبدالله بن عتقان السلمي وحسن المسعودي ومحاوره طازجه (http://www.zaub.com/vb/showthread.php?t=1741)

ابوهلا 20th August 2004 18:03

عبدالله بن عتقان السلمي وحسن المسعودي ومحاوره طازجه
 
انقل لكم هذه المحاوره الجميله بين الأخ والصديق الشاعر عبدالله بن عتقان الدوملوكي والشاعر الرائع حسن المسعودي من منتدي النداوي

اتمنى ان تنال على اعجابكم


[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
حسن المسعودي

ياسلامي يبن عتفـان والمغـزى بعيـد"="شدحيلـك والسرايـر قطيـبٍ سـدهـا

يوم وصلت الرساله مع ساعـي البريـد"="قمت تنشد ويش مزح العرب من جدهـا



عبدالله بن عتقان

مرحبا واهليـن والله يدبـر مـا يريـد"="ربمـا بينـي وبينـك توصـل حدهـا

يوم دزيت الرسالـه لهـارون الرشيـد"="انقضت شهريـن عيـا يجينـي ردهـا



حسن المسعودي

البقـاء والليـل تـوه ياعبـدالله جديـد"="والمواقـف مالهـا إلا شجيـعٍ قـدهـا

علم الـي فـاد والـي يادوبـه يستفيـد"="الوسميه فـي صباهـا وسمنـا خدهـا




عبدالله بن عتقان

يا حسن يا خوك مال الحديد"=" الا الحديـداول الليـل ابتـدت واخـره لا بـدهـا

ادري إن ابنوك قحطان مليانـه رصيـد"="والقصور الشامخـه مستحيـل انهدهـا




حسن المسعودي

لدروب القشر يدفعـك شيطـانٍ مريـد"="والشياطيـن المريـده لعـنـا جـدهـا

الوعد يوم الملاقـاء ولاغيـره وعيـد"="احسب اذنوبك قبل قبل لاتموت وعدهـا




عبدالله بن عتقان

منهجي ماهو كذا وافهـم العلـم الاكيـد"="ما اتبع الشيطان واكبر جيوش اصدهـا

كنت احسبك رمح شالح وسيف ابن الوليد"="اثر ابوتركي على الموت عينـه لدهـا




حسن المسعودي

الهواء ماطيح من الجبـل لاكـان حيـد"="والسيوف الحدب فوق الرقـاب انحدهـا

انتبـه ياصاحبـي لاتجيـك ام العبيـد"="العـرب هـذا نضاهـا وهـذا عدهـا




عبدالله بن عتقان

الله اعلم بالشقـي والله اعلـم بالسعيـد"="واجد الغلطات لو فيـه شخـص يعدهـا

لو نهر النيل في مصر ملـكٍ للصعيـد"="كان ماشربت هل القاهـره لـو ودهـا




حسن المسعودي

الكرم والجود ماجاك من كـفٍ زهيـد"="كل كلمه في ضميـرك تقرقـع بدهـا

تالي الايام شفنا مـن الاخصـام كيـد"="كل لحيه مالهـا غيـر مشـط ايكدهـا




عبدالله بن عتقان

انت لك عامين ثابت ما تنقص ما تزيـد"="لو عطيت أخطام ريمـه ترجـع شدهـا

مشكلة قحطان عشاقت الاطـرش فريـد"="كل ماتنـذاع اغانيـه تطـرب عندهـا




حسن المسعودي

يبن عتقان المعاني مثل حـب الحصيـد"="لو حصدناها على طـول غلـق مدهـا

مشكلة قحطان خلتك بين النـاس سيـد"="عشت في هيبة ذرهـا وشعلـة زندهـا




عبدالله بن عتقان

راعي البندق يحاول يصيد اللي يصيـد"="وانت لا تعطي رصاصـه ولا ترتدهـا

من خوالـي ماتعـودت بالمـد الزهيـد"="ومن بني عمي سيوفٍ يشـرف حدهـا




حسن المسعودي

كل جرحٍ لاطواه الزمن جالـه صديـد"="اخذها مني ولقصـى الخلايـق ودهـا

ليش تدعس شرد الفكر والبيـت الفريـد"="لاتمزهلت بعشاء القـوم بكـره غدهـا




عبدالله بن عتقان

ياحسن مافيه ثـوبٍ يعمـر مـا يبيـد"="والعمر عدت محطات نـا قـف ندهـا

الملازم لو تلعثم فهـو خـوف العقيـد"="لاتجـي دون أمنياتـه ولا مـن سدهـا

[/poet]

ابوطلال الحليو 26th August 2004 20:00

الله لايهنيك ابوهلا وماقصرت

تقبل تحياتي

ابو تركي 3rd September 2004 01:28

السلام عليكم ورحمة الله وبركاته


اخي الغالي ابوهلا


اسعد الله جميع اوقاتك بكل خير وموده


وتسلم والله على نقل هذه المحاوره الراقيه للشاعرين حسن المسعودي وعبدالله بن عتقان

فعلا امتعونا بمحاورتهم


شكرا لك على نقلها



تقبل تحيات اخوك

ابو تركي

ابوهلا 8th September 2004 15:05

السلام عليكم ورحمة الله وبركاته


هلا ابو طلال وابو تركي اسعدني مروركم وتوقيعكم


لاهنتوا


الساعة الآن 14:02

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir