|
يا صاحبي في عيونك سجلّ إعجابـي
السلام عليكم هبت هبوب القريحـه وانفتـح بابـي يا ليتني ما عرفت الشعـر وطروقـه شيبّي الشعر ميـر القـاف ماشابـي دايم يجـدد صبـاه ويحيـي عروقـه يشيل من لحيتـي ويحـط فـأشنابـي وأشيل مـا حطّهـا وأحطّهـا فوقـه عديّت بالصـوت والمرقـاب مرقابـي وكل ٍ حسب منطقه يبـدي بمنطوقـه يا صاحبي في عيونك سجلّ إعجابـي وبلغّ لي صبيّ عينك يفطـن لموقـه وأسلم وسلّم عليها واحسب حسابـي وأحفظ عهود الغرام الصـح وحقوقـه وشلون خليّتني عايش على اعصابـي ومكانتي في عيون الحـب مرموقـه قابلتنـي بالجفـا وافـتـرّ دولابــي والهجر خيلّ سمـاه ولاحـت بروقـه عز الله انك معـي صـادق وكذابـي دايـم هقاويـك مطـروده وملحوقـه أحسنت فـالظن مير الظن ما صابـي وانا جروحي لهـا عاميـن مفتوقـه كم ليلـة ٍ مرّنـي طاريـك واومابـي يسوقني مع هجوع الخلـق وأسوقـه مع نجمة الصبح كم غنيّت ممـاّ بـي ( يا نجمة الصبح كبدي منك مرهوقه ) هذا حصيلي من أول وآخـر أحبابـي ورده وذبلانه .. وشمعه ومحروقـه ؟ سدّاح ،،، |
طابت اوقاتكم جميعاً
لم اكتب ولم اعقب في هذا المنتدى العزيز الى قلبي من فترة ليست بالقليلة ليس تعالياً ولكن لظروف منعتني من ذلك وعلى الرغم من كل ذلك كل ماتصفحت من خلال هذه الشبكة العظيمه اجد منتديات زعب الشامخة امامي مالذي اتى بها حرصي اولاً على متابعة اقلام اقف امامها احتراماً وانهل من معينها الصافي افضل مايسطر واصدق مايكتب . واليوم وعند قراءة هذه الشامخة ل SHaaLe7 والذي قادتني لقراءتها اكثر من مره وقد حاولت اقتباس بيتاً منها في تعليقي هذا فتعذر علي ذلك لقوة جميع ابياتها وجمالها وكم تمنيت ان اقرأها باسم كاتبها الحقيقي (بدون استعارة اسماء) لانها والله ماكتبها الا شاعر عملاق ابيات تزداد قوة بيتاً تلو بيت واليوم يكتب الشعر للشهره كون الساحة مليئه بالشعراء فيبرز في تلك الكثرة امثال شاعرنا SHaaLe7 صح الله لسانك مدد بلاعدد والى الامام ايها العذب ولازلت اتمنى معرفة الاسم الحقيقي وتقبلوا خــــــــــــالص المنى |
اختيار موفق ياشالح لشاعر له بصمته وله اسم حركي حجب اسماء صريحه كثيره وجعله ماركه مسجله لقلمه المبدع وفكره المتجدد المواكب لكل حدث
وصح الله لسان الأخ والشاعر الخلوق جدا ياسر العتيبي ( سداح ) مرحبا يالعبيدي وجودك ومرورك وتعليقاتك اشبه بأريج محلات القرشي للمسك والعنبر والعود كم يفرحني وجود اسمك اخي الرائع والشهم العبيدي السلمي لك مني جزيل الشكر والأمتنان |
صح الله اللسان شاعرها
ولاهنت اخوي شالح |
كم ليلـة ٍ مرّنـي طاريـك واومابـي يسوقني مع هجوع الخلـق وأسوقـه مع نجمة الصبح كم غنيّت ممـاّ بـي ( يا نجمة الصبح كبدي منك مرهوقه ) هذا حصيلي من أول وآخـر أحبابـي ورده وذبلانه .. وشمعه ومحروقـه ؟ يا سلام عليك يا شالح أختيار في محله صح الله لسان شاعرها وتسلم يمينك يا ناقلها |
الاخ الغالى / العبيدي اسعد الله اوقاتك بكل الخير تحيه مغلفه بأجمل الورود والبخور لشخصكم الكريم دوما تجدون علينا باطلالتكم الكريمه وكلماتكم المعبره الصادره من القلب الى القلب الف شكر والف تحيه لاعدمناكم ولا عدمنا تواصلكم |
الاخ / ابو هلا اسعد الله جميع اوقاتك بكل خير اسعدنى حضورك وتشريفك واسعدنى كلماتكم الجميله واطرائكم العذب لك منى اجمل التحيه ولا عدمنا تواصلكم أما ياسر فهو صديق لـ سداح الاّ وهو المستقل وهذا اللي أعرف لاعدمناك |
ابو طلال
صح بدنك ولاأنـت ،، |
هلا وغلا بـ ملاوح يسعدلى جميع اوقاتك بكل الخير الابداع هو تشريفكم وقمه السعاده هى اعجابكم تقبل مني الشكر |
اقتباس:
|
| الساعة الآن 12:14 |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir