مايكسب الطولات من لا له عزوم (للثميري)
 

السلام عليكم ورحمة الله وبركاته


وصبحكم الله بالخير جميع


اهدي لكم هذه القصيده للشاعر عبدالله محمد الثميري (يرحمه الله)


[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
لا رحم أبوكم ياكبار الوسايد = مضيعين الوقت في اللعب والنوم
بين البلوت وبين قاصر وزايد= دواديٍ مابه طراوات وعلوم
الأجنبي يكسب جميع الفوايد= وراعي الوطن من طاقته شبه محروم
كم تاجرٍ مبداه جمع الجرايد = والا مجاود في المنازل وملطوم
واليوم يلبس بشت عقب الطرايد = من عقب ماهو خادمٍ صار مخدوم
ويدعونه الشيخ الكريم (أبو قايد)= لاجلٍ رصيده بالملايين مزحوم
لومي على الشبان واللوم كايد = المملكه فيها مجالات بالكوم
فيها الفرص ماتنحصا بالعدايد = امنين ما وجهت فالخير مركوم
خلوا الكسل ياطيبين العوايد = مايكسب الطولات من لا له عزوم
جدانكم عاشوا بعصر الشدايد = ياكم ليالي ما تهنوا بمطعوم
وانتم بأيام الرخا والرغايد = والبعض منكم عالةً ما ادرج الحوم
الحر إلى منه نهض قيل صايد = والبوم في وسط الخرايب قعد بوم
[/poet]

لاهنت ابو تركي
 

قصيدة رائعه وهادفة




وكل الشكر لابو تركي



على نقله للقصائد الرائعه

لاهنت يابو تركى
 

قصيده قديمه وكأن شاعرها يعيش بيننا ويرى ويسمع مايجرى رحمه الله رحمة واسعه




خلـوا الكسـل ياطيبيـن العـوايـد
مايكسب الطولات من لا له عـزوم
جدانكـم عاشـوا بعصـر الشدايـد
ياكـم ليالـي مـا تهنـوا بمطعـوم
وانتـم تعيشون الـرخـا والرغـايـد
والبعض منكم عالةً ما ادرج الحوم
الحر إلى منه نهـض قيـل صايـد
والبوم في وسط الخرايب قعد بوم




رحم الله الشاعر ولاهنت يابو تركى تتحفنا دائما بمثل هذه الدرر


تقبل تحياتى واحترامى

الاخوان الاعزاء


اخو وضحى

ابو فهد

ابو هلا

ابو شبيب

شكرا على مروركم وشكرا على كل حرف كتبتموه وعسانا انكون عند حسن ضنكم


تقبلوا تحيات اخوكم
ابو تركي