مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   المنتدى يزهم هل الفزعه (http://www.zaub.com/vb/showthread.php?t=3927)

علي بن مديبغ 26th August 2008 15:23

المنتدى يزهم هل الفزعه
 
السلام عليكم ورحة الله وبركاته


هذه حماسيه لشحذ الهمهم

وكلكم فيكم بركه ونخوه


واللي يشارك بارك الله فيه


واللي مشغول من الدنيا كفانا الله شرها معذووووور....

يقول بن مديبغ...


المنتدى مبطي على ذ الحاله....ما نتركه بعيوننا نشتاله

وانا من ارجاله وألم اجزاءه...لكن وين الباقي من ارجاله

المنتدى ( بيرق ) وطاح البيرق...يصعب على رجل ٍ يجيه لحاله

قامت دول كثره ب ( شحذ الهمه )...والمبغضين كثار والعياله

الفرس والرومان مَـن ورثـّـها ؟...ما جاتهم عن كابر وعن آله

واحد جمع ربعه وصاح ويزهم...واللي به حميا فزع و أصغاله

ماني بزاهمكم نقوم دوله...وخابركم اهل الفزعه الشعـّـاله

المنتدى صوّت وهل العبره...و ( علي ) يناديكم ويرمي عقاله


وسلااااااااااااااااا اااااااااااامتكم...



الشاعر : علي غنيم عبدالله بن مديبغ الزعبي

ابوجاسم 26th August 2008 18:12

المنتدى صوّت وهل العبره...و ( علي ) يناديكم ويرمي عقاله

ابشرررررررررر بعزك يا بو غنيم


واعدك واعد المنتدى ان اكون متابعين له كل يوم باذن الله


بس ودنا من المشرفين الكرام يرسلون القصيده لكل الاعضاء

حتى يجتمعون وينهضون بالمنتدى مثل الاول واحسن

وصح لسانك

تحياتي لك
ابو جاسم

علي بن مديبغ 26th August 2008 22:23

لاهنت يابو جاسم على مرورك


وبارك الله فيك



وبإنتظار بقيه الاعضاء



يا مال العافيه يابو جاسم

ابوهلا 12th September 2008 15:04

صح لسانك يابوغنيم


لاهنت علي حماسك وغيرتك يالقرم


والمنتدى انتوا بيارقه يالأعضاء


ونخوتك مسموعه وملباه وجاهك وعقالك عزيز وابشرك وابشر الغيورين علي المنتدى انهم بيشوفون اللي يسرهم


وبالنسبه لقصيدتك ياعلي ارسلتها لي بالهاتف بالليل وجاك الرد بعدها بيوم علي النقال لاكن دامك مصصمم ونزلتها بالمنتدى اجل توكلنا علي الله



يامرحبا في مرسل الرساله - ترحيبة ن تكرم عن الحثاله

بالغالي اللي لعتزى لبيته - وانا اذكره لاصك جال بجاله

يشكى علي من باب حب وغيره - واجاوبه من مبدأ الشكاله

الشعـــر موروث ن لنا من مبطى - له عندنا عن الزلل كفااااله

واقوله صرح ن بنيته باقي - بنيان عز ن تحرسه خياله

فرسانه اهل المرجله من ربعي - انتوا وكل اللي دخل مجاله

والبيرق الشامخ هو اول مرجع - كل ن نقل منه وثقف حاااله

يوم ن كل مالقى اجابه - المنتدى جاوب علي سؤاااااله

واليوم كل ن ينسبه تحت اسمه - مايذكر المصدر علي المقاله

ماضرنا لوننجحد من ناس ن - عاشت علي الدنيا مجرد عاااله

الحق دايم يزعل اهل الفتنه - والكذب له صفاااقه وطبااااله

واقول للي حرفوواا واحترفوااا - يحليلكم يمسلسل الحياااااله

مايامن الدنيا حكيم وعاقل - اليا حبلتله مايفك حباله

وبقعااا تخيّــر كل يووم معزب - نزااالة ن بين البشر رحااااله

نحى ونفنا والنواياا بيضاا - مابين صكااات الزمن واهواله

تبقى الحقيقه واضحه محميه - في ظل ربعي محتمين القااااله


واختاامهااا صللوا علي محمد - تمت بعــز وجــل الله جلااله


__________


من المعروف ان الرد لازم يكون بنفس عدد الابيات او يزيد قليلا لاكن تكسر القاعده احيانا بتعمد




وسلامتكم

علي بن مديبغ 18th September 2008 17:08

يا هلابك يابو هلا



ولاهنت على ردك اللي اكثر من رائع


قصيده جزله ولاهو غريب عليك الجزاله



وصح لسان



لا هنت طال عمرك

مبارك الزعبي 21st October 2008 03:07

يا مرحبا يا بوغنيم


صح لسانك و سلمت


ولا تجيب الا الجزل .. جاهك عزيز يابو غنيم وابشر بالسعد

وعزالله انا مقصرين فالمنتدى ... لكن ان شاءالله يرد مثل ماكان واحسن


................

مدرسه يا بونايف

صح لسانك وسلمت

وشهادتي فيك مجروحه

علي بن مديبغ 23rd October 2008 21:50

صح بدنك يابو فالح



ولاهنت على مرورك





بارك الله فيك

ابوطلال الحليو 1st December 2008 00:51

صح للسانك يا علي وبيض الله وجهك على حرصك واهتمامك , ونحن موجودين لخدمة منتدى قبيلتنا العزيز على

قلوبنا , وبصراحه اشتقت لكم وياليت نعود مثل أول واحسن يابوهلا .

علي بن مديبغ 5th December 2008 19:46

لاهنت يابو طلال على مرورك


وصح بدنك




وبارك الله فيك


الساعة الآن 07:33

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir