ربعه هل الحيزا حذوا حذوا الابطال @@@ بذكرلك الـواقـع بـدون التـفـاصـيـل
السلام عليكم ورحمة الله وبركاته :
بسم الله الرحمن الرحيم هذي قصيده لمحمد بن خلف الوهيبي الزعبي في مدح سامي بن سعد القليص اترككم مع القصيده :: خـاويت رجـال عن الـفـيـن رجــال @@@ سـامـي خـذالـه شـان بين الرياجيل طيبه فريد النوع والكـيـف والـحـال @@@ لو تنــفـش الدنيــا جـيـل ورا جيـل طيبه يـهـز جـبـال وجـبـال وجـبـال @@@ يـفـرح بـه الـعـالـم كما جية السيل طيبه كـمـا دسـتـور مـرجـع للاجيال @@@ دسـتـور ثـابـت مـايـبـي اي تعديل طيبه كـمـا الـنـيــسـان يقطع بالاميال @@@ يقطع صعاب دروب ميل ورا ميل لانـه حـلـيـم يـتـبـع الـقـول بـأفـعـال @@@ افـعـالـه الـلـي صـيتها واصل النـيـل زعـبـي عـريب الجد والعم والخال @@@ وفـنـجـالـهـم يـزهـى بـيـن الـفـناجيل ربعه هل الحيزا حذوا حذوا الابطال @@@ بذكرلك الـواقـع بـدون التـفـاصـيـل ربعه حموا عن جارهم غدر محتال @@@ غدره قصور وبـفـعـلتــه كنه الذيل ربـعـه صقور(ن) فـعـلهم يـطرب الـبال @@@ ماهم من اللي فعلهـم كـالـمـهـابـيـل خيـالهم يـسطى على الـفـيـن خـيـال @@@ وقـت الـشـدايـد مـايـجي نقص تكميل نـالـوا وسـام الـعـز والـدم شـلال @@@ وخـذوا ثـمـار الـمـجـد بين المحاصيل هذي مزايا زعب وافين الاخصال @@@ مـاقــل دل وزايــد الـهـرج تـظـليـل يالله يـامـنـزل تـبـارك والانـفـال @@@ ويامـنـٌـزل الـقـرآن مـن بـعـد الانـجـيـل تعطيه من فضلك اجر صالح اعمال @@@ وتجعل دروب الخير بوجهه تساهيل وصـلاة ربـي عـد مـامـر هـمـال @@@ عـلـى نـبـي الـكـون سـيـد الـمـراسـيل وسلامتكم .. واذا فيه ملاحظاات على القصيده لا تبخلون فيها علينا تحياتي ... |
السلام عليكم ورحمة الله وبركاته
صح لسان الشاعر محمد بن خلف الوهيبي ونعم في سامي بن سعد القليص ويعطلك العافيه ياذيبان علي اظافة هذه القصيده الرائعه لك جزيل الشكر والتقدير |
صح اللسان من قالها وابيات لاتحتاج الى تعليق -- ومشكور على النقل ياذيبان
تقبل تحياتي |
قصيدة رائعة وصح لسانك ولسان اللي قايلها
|
زعـبـي عـريب الجد والعم والخال @@@ وفـنـجـالـهـم يـزهـى بـيـن الـفـناجيل
ربعه هل الحيزا حذوا حذوا الابطال @@@ بذكرلك الـواقـع بـدون التـفـاصـيـل ربعه حموا عن جارهم غدر محتال @@@ غدره قصور وبـفـعـلتــه كنه الذيل ربـعـه صقور(ن) فـعـلهم يـطرب الـبال @@@ ماهم من اللي فعلهـم كـالـمـهـابـيـل صح لسانك اخوي لاهنت قصيده جزله وربي ربي يعطيك العافيه يالغالي كفيت ووفيت تقبل مني ارق التحايا لشخصك الكريم تحيتي لك |
الساعة الآن 09:27 |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir