قصيده للسديري
 

السلام عليكم .. اخواني الاعضاء

هذه قصيده للشاعر الامير محمد الاحمد السديري
وهي من قصائده التي اعجبتني واحببت ان اكتبها في المنتدى.

لـزيـت نفسـي مـير عـــيت تـلـزا .. وقهوتها غصبن على غير ماجاز
مير انها شامت تبـي درب عـــزا .. وتــبي من الاحـراز تـظهر للابراز
ان صـار مـن بـعض الشارب تكزا .. النـفس ماتغصب على غير ماجاز
وش حـيلـتي لا صار فكري مجزا .. وقـته رمـاه وفـرقـه مـثل عـناز
كـن المـنا شــر لــه وتــحــــــزا .. وكـنه يـكظه قالع الضرس بالكاز
عـين اللـي نـامـت عـيون الاعزا .. ياقـف لـها عـن لـذة النـوم حـجاز
وعـن الهـــمـوم اليـا بغيت اعزا .. تجهـز على جــموعها فرد واجواز
رايـاتــها وسـط الضـماير تــرزا .. لـيتــه يـذاودهـا عـن الـنوم حـواز
اكنــها والــها بــصـدري مـوزا .. اخــاف يـقضـب غـيبـتي كـل لماز
حلـون كـلامـه مـير قــلبه مـخزا .. وده يحـطـك وسـط نارن من الغاز
واسهر وعـندي شنفن تقل وزا .. وانا لـهن مـن ضـيقة الصدر معتاز
فنـجالـهن بـين الشـفايـا يــمزا .. اشـقر ومشـروبه عـن الخـمر يمتاز
وافـرح بـعـلـم صـادق مــبرهزا .. وابـي علـى سـكانه القدس ملكاز



للشاعر : الامير محمد الاحمد السديري




تقبلووا تحياتي


مبارك بن وشمي

صح لسان الشاعر الامير محمد الاحمد السديري

ان صـار مـن بـعض الشارب تكزا .. النـفس ماتغصب على غير ماجاز
وش حـيـلـتي لا صار فــكري مجزا .. وقـتــه رمـاه وفـرقـه مـثـل عـناز


وسلمت يمينك يا مبارك بن وشمي

قصيده جزله ومعانيها قوويه

اخووك راعــــي الدهــــما

لاهنت يامبارك
 

وافـرح بـعـلـم صـادق مــبرهزا .*****. وابـي علـى سـكانه القدس ملكاز







والله يرحم الامير والشاعر محمد السديرى ويرحم اموات المسلمين فقد اثرى

الشعر النبطي وهو مدرسه ولاتخلوا قصائده من الحكم.




وتسلم على اختيارك



تقبل تحياتي
اخوك ابوهلاااااااا

راعي الدهما

ابو هلا

الزناد


حياكم الله ... وتشرفني طلتكم علينا

هذا القصيد اليا منهم قالوا وين القصيد

الله يعطيك العافية يامبارك

وتحياتي لك