جديدمن العود
 

هذه القصيده من ابو عبيد البرطمي في شقيقه عند سفره خارج البلاد
مع تحيات اخوكم العود::-

يالله يامنشى غزبرات الامطـــــــــــار** ** يامنبت الاعشاب بارض(ن) سهالي
تقبل دعاة اللي من الضيق في نــــــار**** ودمـــــــــوع عينه فوق خده سوالي
على عضيد(ن) حط في الجو معبـــار ****من فوق طـــــــــــــياره تعد الجبالي
حط البحر والبر من بينا وطــــــــــار**** اقفا وانا عقبه اعد الـــــلـــــــــيال ي
مالي جدا يكود هلات الاعبـــــــــــار** ** ومصبر(ن) نفسي علي ضيق بالــي
يهزني شوقي وعقليبه احتـــــــــــــار **** ابو حمد اللي علي القلب غالــــــي
الله يجيره من صواديف الاقـــــــــدار**** حيثه عزيز(ن) ما مشي بالميالــــي
من صغره ينشد علي صنف الاخـيار **** عقل رزين(ن) ما وطي بالخمالــي
عز الضعيف ليا تقفوه الاشــــــــرار ****ومسير(ن) نفسه بحق الرجالـــــــي
والخاتمه صلوا علي سيد الابــــــرار ****علي نبي(ن) مرشد(ن) للعدالـــــي

ابوعبيد البراطمي

اخوووي العوود اختيار موفق

صح لسان ابو عبيد البرطمي

وسلمت يمينك


الله يجيره من صواديف الاقـــــــــدار**** حيثه عزيز(ن) ما مشي بالميالــــي
من صغره ينشد علي صنف الاخـيار **** عقل رزين(ن) ما وطي بالخمالــي
عز الضعيف ليا تقفوه الاشــــــــرار ****ومسير(ن) نفسه بحق الرجالـــــــي

اخووك راعــــــي الدهــــــما

الله لايهينك يا العود

وصح لسان الشاعر البراطمي

ما شاء الله عليك قادم وبقوه تستحق الشكر والتبجيل ايها الشهم

واحببت أن ابلغك ياعزيزي بان الاخوان قد خصصوا مجالس (اقسام) للمنتدى من ضمنها (مجلس القصه والشعر والخواطر) فهذا القسم هو المكان المخصص لمثل هذه المشاركه ليتم الاطلاع عليها من قبل الاخوه الاعضاء والزوار بشكل اكبر ولتكون في مكانها المناسب مع مثيلاتها من القصائد .. ولا يسعني إلا ان اشكرك مره اخرى وإلى الامام يا عزيزي ولا تحرمنا من مشاركاتك القيّمه المميزه اطال الله في عمرك وادام وجودك عزيزاً غالياً ودمت لنا .

اخوك الزناد

تسلم يالعود على نقل القصيده

صح لسانك