مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس القصص (http://www.zaub.com/vb/forumdisplay.php?f=24)
-   -   امك تغازل من ورى ابوك بالدس (http://www.zaub.com/vb/showthread.php?t=2240)

العبيدي 18th February 2005 10:26

امك تغازل من ورى ابوك بالدس
 
بسم الله الرحمن الرحيم
هذه القصه حصلت مع الشاعر مرير الحمادي
وهذا الشاعر في يوم من الايام سمع في جهاز النداء (الكنود)
بنت تراسل الشباب وتغازل ..
وتضحك مع فلان وترد على فلان
والوضع ماشي عندها ولا كأنها مسويه شي أبد

وحاول يكلمها وينصحها ويعلمها بخطاها
وهي أبد سافهته ولا ترد عليه ولاكأنها تسمعه ...

المهم .. وهو يحاول ينصحها
سمع صوت بكا ورع صغير عندها وهي تحاول تسكته

فعرف شاعرنا إن المره هذي متزوجه
من صوتها اللي يوضح إنها ماهيب صغيره
ومن بكا ورعها

فحس بالقهر من اللي تسويه هالمره

وكتب هالأبيات ... في هذا الموقف اللي حصل معه ...

يابنت قلبك يفعل العيب ما حـس
وان ما هداه الله عسى الله يخسـه
يكفي غزل للناس ياخاينـه بـس
خلي حلالك قفـر لأحـد يعسـه
أبليس لك يابنت في الشر وسوس
تعـوذي بالله لعـلـه يخـسـه
الستر له ثوب من العـز يلبـس
وجسم الشرف ما كل رجل يجسه
عار ونار مذهب البنـت يلمـس
وعرض المره ادناة شيء يهسـه
يابنت عرضك بالمجالس يدنـس
حدر النصايب جعل ربعك تدسه
ولا جايك الا مثل ما قيل واخس
واللي شرفها غالـي مـا نمسـه
ياورع ياللي عندها بان لك حس
قلبك على امك يوم خانتك نسـه
امك تغازل من ورى ابوك بالدس
والله مـن رجـل تلـذذ بحسـه
قله تراخي الحبل يحتاج له مـس
وعلم لأبوك الحبـل لازم يمسـه
ولا يشيـل العارلاعـاد يجلـس
في وسط بيت عاش ما فيه هسـه
قله يجوز عن النجس لا يتنجـس
ثم يقلعـه ياليـن يقلـع مرسـه
ولا تلحقونه من حسايف ليا طس
عسى العمى في نون عينه يطسه



منقول مع التحيه

العميد 18th February 2005 12:55

مشاركة: امك تغازل من ورى ابوك بالدس
 
تسلم يالعبيدي

نسئل الله ان يهدي المسلمين الى طريق الخير و يهدي ضالهم

عبدالعزيز 18th February 2005 16:10

مشاركة: امك تغازل من ورى ابوك بالدس
 
[poem font="Simplified Arabic,4,white,bold, normal" bkcolor="transparent " bkimage="backgrounds/3.gif" border="ridge,3,whit e" type=0 line=1 align=center use=ex num="0,black"]
ياورع ياللي عندها بان لك حس=قلبك على امك يوم خانتك نسـه


امك تغازل من ورى ابوك بالدس=والله مـن رجـل تلـذذ بحسـه

***[/poem]


ياسلام عليك وعلى اختياراتك يالعبيدي

قصيده ممتعه ومسليه وتحمل النصح والأرشاد

جزاك الله خير

تسلم يمينك




لك التحيه ..



ـــــــــــــ

العبيدي 19th February 2005 16:13

مشاركة: امك تغازل من ورى ابوك بالدس
 
ابو زيد

حياك الله

اشكرك على طيب مرورك

العبيدي 19th February 2005 16:17

مشاركة: امك تغازل من ورى ابوك بالدس
 
ابو سعــــــــــود

ارحب

هذا من طيبك يابو سعود

اختياراتي لان اللي يطلع نخبه تستحق الجيد

اشكرك على اطرائك ومرورك العذب

لاعدمتك

زعبي من المجمعة 22nd March 2005 22:43

مشاركة: امك تغازل من ورى ابوك بالدس
 
مشكووور أخوي العبيدي على الموضوع الجميل...

العبيدي 31st July 2005 21:23

مشاركة: امك تغازل من ورى ابوك بالدس
 
زعبي من المجمعه

شكرا على المرور

لاعدمناك

راعي الصفرا 1st August 2005 00:19

مشاركة: امك تغازل من ورى ابوك بالدس
 
الستر له ثوب من العـز يلبـس وجسم الشرف ما كل رجل يجسه

ياسلام ياسلام ياسلام

اختيار موفق يالعبيدي ولاهنت على النقل

العبيدي 5th August 2005 05:07

مشاركة: امك تغازل من ورى ابوك بالدس
 
راعي الصفراء

مشكـــــــــــــــــ ور على مرورك

لاعدمتك


الساعة الآن 11:39

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir