مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   قصيدة شيطانية والرد ايملني (http://www.zaub.com/vb/showthread.php?t=1435)

ا لوهـيبى 1st March 2004 14:52

قصيدة شيطانية والرد ايملني
 
تذكرون قصيدة الرجال اللي يقول بمطلعة ( لا ضاق صدري رحت أقلـّـب عربسات ) ... والتي موجوده في اخر الرساله وهذا رد من احد الشباب عليها
لاضاق صدري رحت أقلّب عربسات



لاضــاق صدري رحـت أقـلّب عـربسات قـمـت أتـفـكــــر في عـجــايب زمــاني



مـتـنـقـلٍ مــابـيـن ذيـك الـمـحـطـات بـإبـهــــامـي ألــفّ الأرض في ثـواني



ومـاشــدّ ني مـن بـيـن كــل الـقـنوات الـلـي بـهـــا نـاظـرت شـيٍ دهــــاني


قـم يانـديـمي فـوق زيـن الـموديـلات VXR تـوّه صـــادرٍ بـالـمــواني

النوع TOYOTAمن أرقى الموديلات JAPAN صـنع الأ فـنــــس الكيفراني

يصـبر عـلى قـطـع الـوعـور الصعـيبات يـطـــوي صحــاصـيح الخــلا مايعــاني

عـلـيه مطـنـوخٍ يحـفــظ الــوصــــيات عـنـد اللــوازم ذيـب مـاهـــو هـــداني

شــيـّك عـليـه وجـهّــزه لـلــمهــمات ثـم فـلــّله من (شـيـشـة) المسلـمـــاني

وخــذ الـنـفـود قـطوع صـوب الـقــريات وعَـدْ الحــدود لــدار صــاف الـثـمــاني

مـتـنـحـرٍ دار الـطــــرب والـونـاســات عشــايـرٍ مـن قـــوم)طـوني) و (هاني)



الـديـرة الـلي سَــلـم أهـلـها خـذ وهــات مـاللـحـيا بـطبـوع ربعـــه مـعـاني


لاجـيـتـهـم تلـقـا الـهـنـا والـمســرّات والـضـيف لـه قـيـمــة وقــدر ومكــاني


يْـقلطـون (الـتـرتـه) ومعــه (كـيـكـات) ومشــروبهـم .. مشـروبهم شكـل ثاني


حــيـاتـهــم هـــزٍ .. ووزٍ .. ود بـكــات ويـرددون الــهـابـط مـْـن الأغــــاني

دارٍ بــهـا لـلــزيـن وســمٍ وبـصـمــات بـه ناعـســات الـطـرف سـيـد الغـواني

لاشـفــت أنـا هــاك الغــنج والـحـركـات مسـكـت راسـي ثـم قــلـت آه يااااااااني

وأخـص أنا بالـقــول باسـكــال بالـذات هي شيء .. والـلي غـيرهـا شيْ ثاني

عـلـيـه عـيـونٍ تـقـطـع القـلـب بسكـات همت .. ضعـت و(جـمدت) بمكـاني

تـبـلـغــه شـــوق وسـلام وتـحـــيـات وتحـب جـبهـت عـودهـا (مشعـلاني)

صـحيح قـالـوا قـبـل مـن يـخـتـشي مات والله يسـتـر مـن تـوااااااالي زمـــــاني



وهذا الردّ على القصيدة السابقة ،،،





لاضاق صدرك ياقليل المروات صل الصلاة ولا تجي للاغاني

استخدم ابهامك في طي الصفحات صفحة كتاب الله باب الاماني

اخير من شوفة وجية الخواجات اللي غضب ربي عليها يباني

لحمة مخمة فالبلا والملذات غرتك صبغة وجهها البهلواني

ترسل نديبك في ردي المهمات اهل الردى فالدرب دايم خواني

"والفكس" لاتطرية بالذات بالذات ماهو بمركوب النذل والهداني

الفكس مركوب الرجال الثقالات مقنى عربين النسب والمجاني

باسكال يامسكين راحت ولاجات مالك ومال الساقطة يافلاني

وجة عليه من التشاكيل صبغات ابيض مع احمر والشعر برتقاني

لاشافت الطرقي تبدية نظرات وتميل مثل الداب والعقرباني

بنت لها فالليل صولة وجولات تضحك على مثلك بطرف العياني

تضحك على لحيتك بنت لها اخوات ياكيف ترضى يافتى للهواني

تحب جبهة مشعلاني ياذا الشاة اثرك تدور ريحة الزعفراني

لاواللة الا راس مافية نعرات اتحب راس ابليس يامودماني

ياونتي ونيتها 10 ونات الادمي ياناس طلع جناني

خلك بدار اهل الكرم والجمالات دار حباها الله رفعة وشاني

دار بها ستر البنات العفيفات هذي بلادي ياطويل الاذاني

اشعب ركابك في جميع النحيات امن وامان ويش غير الاماني

اخير من دار تحب الريالات باعوا الكرامة ياللة المستعاني

فهد بن سالم 1st March 2004 20:06

الاخ الكريم الوهيبي

السلام عليكم ورحمة الله وبركاته

صح لسان راعي الرد

وتسلم يالوهيبي على نقل القصيدة

بدر الحزام 1st March 2004 22:50

السلام عليكم ورحمة الله وبركاته


الوهيبي , تقبل أحترامي وتقديري لك ولصاحب الرد على القصيدة , فعلاً صح الله لسانه وتسلم يمناه والله يجزاه خير على رده المفحم .


لاضاق صدرك ياقليل المروات صل الصلاة ولا تجي للاغاني

استخدم ابهامك في طي الصفحات صفحة كتاب الله باب الاماني


الله يجزاه كل خير

تقبل تحياتي

ابو تركي 2nd March 2004 08:02

السلام عليك ورحمة الله وبركاته


الاخ الوهيبي


اسعد الله صباحك


وتسلم والله على نقل هذه القصيدة التي كنت ابحث عنها .


صح الله لسان شاعرها


وبيّض الله وجهك على نقلها


تقبل تحيات اخوك
ابوتركي

ابوهلا 4th March 2004 18:14

السلام عليكم ورحمة الله وبركاته



لاهنت يالوهيبي على النقل وبيض الله وجهك

وجعل راعي القصيده الثانيه بعد راعي القصيده الاولي


تقبل تحياتي واحترامي

محمد بن جهام 9th March 2004 09:07

الوهيبي
صح الله لسان راعي الرد وجزاه الله خير على الرد .
تحياتي لك .
محمد بن جهام .

ناب الذيب 17th April 2004 16:12

سن الذيب
 
السلام عليكم ورحمة الله وبركاته
اخوي:الوهيبي
لاهنت على نقلك للقصيدة وصح لسان راعي الرد
تحياتي


الساعة الآن 08:40

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir