الشعب الكويتي...
 

السلام عليكم ورحمة الله وبركاته


عظم الله اجركم في فقيد الامه العربيه

الشيخ : جابر الاحمد الجابر الصباح


كل يوم نتمنى ان نسمع خبر جيد ونشتاق لكل صباح لكي نسمع الاخبار المسره


ولكن هاذا اليوم ( الاحد ) بإستثناء عساه ما نُـقل خبره للشعوب كلهم


وهذه قصيده تعبر عن اللي في الخاطر



للحزن في محجر عيوني كلام...والألم والصمت ما تبري عليل

تحزن الاشجار وينوح الحمام...من خبر بالصبح خلى الصبح ليل

يا ديار العز يا دار السلام...عظم الله اجركم يوم الرحيل

ادعو آخرته عسى برد وسلام...جابر العثرات عادل كل ميل

سيفنا لامن بدا يوم الزحام...ابو الشعب الكويتي والخليل

نجمنا اللي نقتدي به بالظلام...مكرم الضيفان ومزبن دخيل

يفقدك شعبك ويفقدك الكرام...ما فرح يوم الوفاة الا الرذيل

وتفقدك ذيك الهنوف ام اللثام...لا زهمت وين الاصيل ابن الاصيل

لو تخيّـر مَـن بديلك بالأنام...والله ان افديك واصير البديل

كل نفس تموت لله الدوام...كلنا نمشي على هذا السبيل

والعوض فخوانك إن شُـد الحزام...درعنا يوم اللقا وسيفٍ صقيل

جعل كل الغيم من شرقٍ وشام...فوق قبرك يمطرن حتى يسيل

يشهد التاريخ وفعول العظام...إنك الشامخ وموجود الدليل

يوم مت وضاق شعبك والحمام...أبكت الاشجار وعثوق النخيل




وسلامتكم

رحم الله الامير القائد الشيخ جابر الاحمد الصباح



وصح لسانك يابو غنيم على هذه القصيده




ودمت بود
.

اللهم امين

وصح الله بدنك


ولا هنت على مرورك يابو فالح




تحياتي..

الله يرحــــــــــــمك ياجابر الخــــــــير

وصــح لســـــانك يابو غنــــــــــــــيم



اخوك : مشــــاري صنيتــــان الزعبـــــي

مرحبا ومسهلا يابو صنيتان



وصح بدنك


لا هنت على مرورك



تقبل تحياتي...

رحم الله الشـــــيخ جابر

وغفر له

وصح الله لسانك ياعلي

هذا من وفاءك واخلاصك

وتميزك دائما في كل المواقف والاحداث

الله لايريكم مكروه

يا مرحبابك يا العبيدي


وعسى الله يرحمه ويغفرله انشاء الله


وما عليك زود




ولا هنت على مرورك


تحياتي..

يا مرحبابك يا سيف القبيله


وتقبل الله دعوات الناس كلهم لفقيد الامه العربيه



ويسعدني مرورك




تقبل تحياتي..

قصيدة رائعة ..

أحسن الله اليك .