|
للاذكياء فقط كاريكاتير
بسم الله الرحمن الرحيم السلام عليكم ورحمة الله وبركاته كيف حالكم يالربع.... يسرني اضع لكم هذا الكاريكاتير وهو للاذكياء..... يالله يالربع نامل منكم تفسير وشرح الصور والرموز الموضوعه في الكاريكاتير والتي هي بين قوسين وللعلم هي تعني كلمات تكمل سياق الحديث.. يالله يالربع خلنا نشوف.... http://saudmsz.jeeran.com/صورة%20007.jpg مع السلامه اخوكم الجار |
السلام عليكم ورحمة الله وبركاته
اخي الجار مشكور على اللغز الحلو هذا واسمحلي بحله . الحل : والله يا أم (آمال) اني اليوم (درت) السوق كله ومالقيت قطعة القماش الي وصيتيني عليها وكل (من شار) علي إن قطعة القماش الي انتي تبينها مهيب موجودة بالسوق اقوله (معصي) والله لو (ألف) الكورة الأرضية كلها ان ما ارجع لصديقتي الي هي (انتِ)الا والقماش معي . أتمنى الحل يكون صحيح تقبل تحياتي |
بسم الله الرحمن الرحيم هلا والله اخوي بدر ال حزام وسلام الله عليك ورحمة الله وبركاته ومساء الخير وكرحبا بك وبحضورك.... نعم اجابتك صحيح وكما ترجمت الصور والرسوم هي كما قلت... يالله نشوفك على خير اخوي مع السلامه اخوكم الجار |
ابن مدلاج
موضوع جميل اخوي الجار...
ومشاركة اجمل اخوي بدر الحزام وماشاء الله عليك جبت الحل... تحياتي...|12| |
بسم الله الرحمن الرحيم
السلام عليكم ورحمة الله هلا والله بحمد ابن مدلاج...كيف حالكم وحال الاهل.... يالله يا حمد فكك الشفره هذه ... http://saudmsz.jeeran.com/صورة%200019.jpg مع السلامه اخوكم الجار |
السلام عليكم ورحمة الله وبركاته
يالله يابن مدلاج حل اللغز , ترى الحل عندي وبمهلك بس لبكره الصبح :D تقبل تحياتي |
السلام عليكم ورحمة الله وبركاته
يعطيك العافيه ياسعود بصراحه اللي رسم هالرسمات خياله واسع وحريف وانا بترك فرصه الحل لبن مدلاج:cool: تحياتي |
ابن مدلاج
اخوي بدر الحزام واخوي ابوهلا ...
يوم عطيتوني فرصة هقيت بنفسي خير وشوفوا وش كان شكلي |12| بعدين مر الوقت وظنيت اني بديت احل وحليت اول وحدة وصار وجهي كذا :D بعدين حليت الثانيه وصار وجهي كذا :cool: وظنيت اني بحل الكريكتير كله بعدين جلست شوي افكر بالثالثه وصار وجهي كذا:confused: وجلست ساعه عقبها وتغير وجهي وصار كذا|9| وعقبها نص ساعه وصارت عيوني كذا |10| وفي النهاية صار وجهي كذا :( وقلت اخوي بدر الحزام الله لايهينه بيحله بكره وتراني هاقي فيك خير... تحياتي... |
السلام عليكم ورحمة الله وبركاته
الحل : أعزائي الرياضيين (زي) ما انتم شايفين ( راس الحربه ) يعاني من الاصابة , و(طالب) من مدرب الفريق أنه يبدله , على العموم أنا الي أنا شايفه ان المباراة توها ( بادية ) وعلي شايفه بعد أن ( كلا ) الفريقين متخوفين من بعض . تقبلوا تحياتي |
بسم الله الرحمن الرحيم احبابي السلام عليكم ورحمة الله وبركاته وأسعد الله أوقاتكم بكل خير حياك الله اخوي بدر الحزام... وحياك الله يا حمد المدلاج....وحظ اوفر في الكاريكاتير القادم ان شاء الله وهلا بك اخوي شنار ومرحبا.... هذه الرسومات لفنان الرسم : عبد السلام محمد الهليل رئيس قسم الكاريكاتير بصحيفة الرياض السعودية نعم يا بدر الحزام اجابتك صحيح وشرحك للرموز مضبوط ما شاء الله عليك. وحياكم الله وانتظروا الكاريكاتير القادم قريبا.. مع السلامة اخوكم الجار |
| الساعة الآن 02:18 |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir