مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   حـــــــــــــــب شــــــــــــــاعـــ ـــــــــــــر (http://www.zaub.com/vb/showthread.php?t=3641)

سيف القبيله 10th July 2006 06:10

حـــــــــــــــب شــــــــــــــاعـــ ـــــــــــــر
 
فينك حبيبي غيبتك عذبـت نـاس
نـاسٍ تمنـى شوفتـك بالدقـايـق
ياللي ملكت الروح ياعـل مابـاس
ياهل ترى مشغول ؟ولا أنت ضايـق
صدقني أملك قلب مرهف وحساس
ماني على فرقـى المحبيـن طايـق
لجلك عيوني تسهر الليل حـراس
والصدر في جوفه تشـب الحرايـق
من زود حبك صرت بالحيل محتاس
فايق وبعض أحيـان مانـي بفايـق
حاولت أعبر بالقلم فوق قرطـاس
وأرسلـك أبيـات القصايـد وثايـق
ممكن يصير الشعر للحب مقيـاس
وممكن يصير الحب للشعـر سايـق
جمعت ظُلم كليب مع غدر جسـاس
وأعطت نتيجة مذهلة (غير لايـق )



للشاعر/عبدالله بن عتقان السلمي
(نجم الحرة)

ابوجاسم 10th July 2006 12:11

جمعت ظُلم كليب مع غدر جسـاس
وأعطت نتيجة مذهلة (غير لايـق )

ما شاء الله قصيده رائعه
صح لسان الشاعر الكبير
عبدالله بن عتقان السلمي

والله لايهينك يا سيف القبيله

سيف القبيله 10th July 2006 14:05

.
.
.
.
صح بدنك وصح لسانك على ردك الجميل لاعدمتك..

والف شكر على اهتمامك ومرورك الذي عطر الابيات وزادها نوراً..
لاتحرمني هذا التواجد ودمتـ كما انت متألق...

العبيدي 10th July 2006 18:10

ابو هذال

شاعر القلطه والنظم

صح لسانك





سيف القبيله مميز

يعشق التميز

مشاركة وقصيده جزله

لاهنت على روعة النقل

سيف القبيله 10th July 2006 23:05

.
.
.
.
.
صح بدنك يالغالـي وسلم قلبك وعاش راسك على هذا المرور المعطر الطاهر بطهر قلبك.
اكتملت الابيات بطبع بصمتك عليها لاعدمتك ولاحرمني ربي اهتمامك وتواجدك..
دمت بالقلب


الساعة الآن 11:10

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir