مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   زعوبٍ يحدون المعادي على أقصاه <> لطّامة العايل وذبّاحة الشاه ( قصيده وردها ) (http://www.zaub.com/vb/showthread.php?t=1475)

سعود بن مدلاج 12th March 2004 16:48

زعوبٍ يحدون المعادي على أقصاه <> لطّامة العايل وذبّاحة الشاه ( قصيده وردها )
 
بسم الله الرحمن الرحيم



اخواني اعضاء ومرتادي منتدانا الغالي " منتدى زعب "


السلام عليكم ورحمة الله وبركاته ..


وبعد أقدم اعتذاري الشديد على القصور في مشاركتكم والغياب الطويل الخارج عن الاراده ..

ويسرني أن اضع بين أنظاركم هذه المساجله التي جرت بيني وبين الشاعر / ذعار بن كديميس العتيبي ..

حيث بدأ قائلا :




[poet font="Simplified Arabic,4,purple,bold ,normal" bkcolor="skyblue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياسعود بن مدلاج قولك طرايف=طرايفٍ يازينها منك زيناه

طرايفٍ ماهيب واجد خفايف=متمعّنٍ باللي تقوله وتقداه

يوم إن بعض القول ماهوب ألايف=قولٍ تقول أوايله .. قدوة أتلاه

قولٍ تقول وتاصفه بالوصايف=للمستمع كنه بعينه تحلاّه

قد قلت لي من وقتنا اليوم خايف=طيّب خفايا القلب ياوين نلقاه ؟!

اللي ضميره مثل بِيض الصحايف=ما لوّنت صدره خبايث نواياه

ياسعود بالعالم قلوبٍ نظايف=وفيهم بعد ناسٍ هدفهم محاباه

ناسٍ على الريبه تضب الكتايف=سيورٍ على شين الضغاين مطوّاه

عنهم على دربات هجنٍ نحايف=اللي كما ريمٍ عطا له قلولاه

يطون بالذرعان شهب الحتايف=خفافٍ سماريهن على اللي توطّاه

يطون بعد البيد طي القطايف=دارٍ تِبَاعَدْها يهوزن ممساه

اعن الريب في مسراحهن والنكايف=بعده ولا ليلٍ يحدّك للاماه

ابعد عن الجال الهيال المهايف=أخذ الحذر لا تنخدع في مقفّاه

مبداك في مرقاب روس النوايف=أخير من طفٍّ طمانٍ موطّاه

ياسعود سامحني ولا من كلايف=طبعك سموحي يامهلّي بمن جاه

من لابةٍ ما مانعوا بالنصايف=زعوبٍ يحدون المعادي على أقصاه !

مْعَطّرِت حدب السيوف الرهايف=رجالٍ على خوض المعارك مضراه

عند الخوي والجار بين الطوايف=الْهم سلوم من الشوايب منقّاه

خويهم يوم العلوم العنايف=بافعالهم فكوه ما ساقوا الجاه

تمت وفي ما قيل وش أنت شايف=ياستاذنا منك الجواب انتحرّاه
[/poet]





وهذا ردي على الشاعر / ذعار :




[poet font="Simplified Arabic,4,white,norma l,normal" bkcolor="teal" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله يامعبود ياخير رايف=ياواحدٍ نسجد لوجهه ولرضاه

يالله تسعف من طلبك السعايف=ياواحدٍ من لاذ بحماك تحماه

اليوم جاني من هل العرف طايف=ينقل بيوتٍ من ضميره مصفّاه

بيوتٍ على قلوب العوارف لطايف=كنْها من الشهد المصفّا محلاّه

يامرحبا به عد وبل الهتايف=مزنٍ من المنشا ثقالٍ رزاياه

ذعار ينشدني وأنا له مسايف=اشفق على قوله وشوفه وطرياه

ياذعار أنا قلت الك شايف وعايف=وجدي على وقتٍ مضى واحلالاه

أون وأكثّر عليه الحسايف=وأنته سواتي يالعتيبي تمناه

وقت النشاما والبنات العفايف=وقت الطرب والصدق ماهي مضاهاه

يوم الهوى مثل الربيع المزايف=مايطبّه ألاّ ناس تبلا ببلواه

وقت الدجيما والوضيحي وهايف=وألاّ زمان اليوم ماهوب شرواه

وقتٍ مضى يالله عليك الخلايف=راح وقضا ما باقي ألاّ سماياه

وألاّ هوى ذالوقت كذب وخرايف=بين الهواتف والقنوات مرباه

الصدق حافه من هل الكذب حايف=وأخطت يدينه منه يوم الله أعماه

هذا زمان أهل المهن والحرايف=وأهل كلامٍ مادري ويش مغزاه ؟!

والله يجير ذعار سو الصدايف=هيّض هجوسي في كلامه ومعناه

مدحت ربعي ياعريب الطوايف=واشكرك ثم اشكرك والشكر لله

ولا عليكم زود ياقوم نايف=برقا وروق اهل البيوت المبناه

ربعك لهم فعلٍ مع الناس كايف=لطّامة العايل وذبّاحة الشاه !!

واسلم عدد ما درهمن العسايف=هذا جواب سعود وأنته توحّاه
[/poet]

وسلامتكم جميعاً ،،،،،،،،


اخوكم : سعود بن مدلاج .

فهد بن سالم 12th March 2004 22:35

الاخ العزيز سعود بن مدلاج

السلام عليكم ورحمة الله وبركاته

تسلم يالغالي على المشاركة الطيبة

وصح لسانك ولسان الشاعر ذعار بن كديميس العتيبي

تقبل تحياتي وتقديري

العميد 12th March 2004 22:59

الاخ العزيز سعود بن مدلاج

السلام عليكم ورحمة الله وبركاته

مشاركة رائعة

وصح لسانك ولسان الشاعر ذعار بن كديميس العتيبي

عبدالعزيز 13th March 2004 00:15

صــــــح السان الشاعر ( ذعار بن كديميس العتيبي ) ..




ولاهنت يا ( سعود ) وصح السانك ..



مساجله رائعـــه من شعار رائعيــن ..




لكم تحياتي واحترامي ,,

ابوهلا 13th March 2004 13:53

السلام عليكم ورحمة الله وبركاته

مرحبا مليون يابو علي


ياليت كل اللي يغيب يجيب مثل اللي تجيب


صح لسان الشاعر / ذعار بن كديميس العتيبي

وصح لسانك ياسعود


قصيده جزله ورد جزل من شعراء متمكنين


ونعم بالطيبين



تقبلوا تحياتي واحترامي

ابو تركي 16th March 2004 03:06

يامرحبا


والله

ومسهلا


بالاخ الكبير سعود بن مدلاج


وصحيح من طول الغيبات جاب الغنايم



ياسلااام على الجزاله بهذه القصيدة والردية التي استمتعنا بقرائتها



صح الله لسااااان العتيبي

وصح الله لسااانك


اخوك
ابو تركي

ابو شبيب 17th March 2004 18:20

السلام عليكم ورحمة الله وبركاته
ومسائك جميل جمال الربيع فى الفياض

اخي الحبيب / سعود
لو كتبنا لحروف الابداع عنك وسطرنا لنوضح روعه كتاباتك لعجزت حروفنا من الكلام
هكذا أنتم تغيبون وتطلون علينا بروائع بديعه وكلمات جميله وعجيبه
هكذا أنتم أيها الشعراء لكم نغمات ولكم ترنيمات وفوق ذلك لكم حضور بهي

فشكراً لك يا شاعر المنتدى والشكر موصل للشاعر ذعار

تحياتي وعلى المحبه نلتقي

ابو شبيب

ابن مدلاج 18th March 2004 20:34

ابن مدلاج
 
صح لسانك ياعم...
ولاحرمنا الله مشاركاتك...
تقبل تحياتي...
حمد بن ناصر...

سعود بن مدلاج 1st April 2004 22:29

الأخ العزيز / فهد بن سالم


وعليكم السلام ورحمة الله وبركاته


والله يسلمك ويخليك ..


وصح بدنك أصالةٍ عن نفسي ونيابةً عن الشاعر / ذعار العتيبي ..


اقبل تحياتي واحترامي .


اخوك / سعود بن مدلاج .

ناب الذيب 17th April 2004 15:52

سن الذيب
 
السلام عليكم ورحمة الله وبركاته
الاخ:سعود ابن مدلاج
صح لسانك
ولاهنت على نقلك هذه المساجلة الاكثر من رائعة
تحياتي


الساعة الآن 19:52

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir