مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   تكفون ياشعارنـا (http://www.zaub.com/vb/showthread.php?t=1816)

سعود بن مدلاج 11th October 2004 20:03

تكفون ياشعارنـا
 
السلام عليكم ورحمة الله وبركاته


تحياتي لجميع الأعضاء والمشرفين والمراقبين في منتدانا العامر واعتذر من الجميع عن غيابي وذالك لأنشغالي


واهديلكم هذه القصيده واتمنى ان تنال على اعجابكم



[poem font="Traditional Arabic,5,#FFFFFF,nor mal,normal" bkcolor="#000000" bkImage="" sdImage="sides/1.gif" border="solid,1,#CCC CCC," type=2 line=0 align=center use=0 shcolor="" shgcolor="" gwcolor="" stretch="350" pwidth="500" num="0,0" break="breaklines/7.gif"]
تكفون ياشعارنا نقوة الجيــل "=" أهل البيوت اللي جديد نقشهــا

وش قولكم فمحرفين الأقاويــل "=" ناس مانعرف فرسهــا من حبشهــا

لو أن طعم المرّ مثل الشهاليــل "=" ماكان به نفس تزايد طفشهــا

يامكثر قلوب علينا مغاليــل "=" ســود القلوب اللي تضاحك خششهــا

وشلون تطمعنا قلال المحاصيــل "=" ناس من النعمه تكافخ ريشهـــا

هذا زمان الراس يضحك به الذيـــل "=" وعلى الحصان اليوم يضحك جحشهـــا

نصحت ساري الليل لايسري الليـــل "=" مير الغشيشه زاد فيها غششهــا

ماعاد يبغى العلم نشده وتحليــل"=" ولايشرب الجمــّــه سوى من غبشهـــا

وضحتها للشمس والجدي وسهيـــل "=" وبرق العبي طيرتها من عششهــا

انا لحالي والليال تهاويـــل "=" نوب تناوشني ونوب انتوشهــا

اقارع زحول الرجال الحلاحيـــل"=" اطرد سباع الغاب وادعس حنشهـــا

وان ماوقفتوا للّيال المقابيــل "=" ولاّ ترى كبدي تزايد عطشهــا

هذا كلام الصدق جمله وتفصيـــل "=" يهل البيوت اللي جديد نقشهـــا[/poem]





وسلامتكم

واسف مره اخري على الأنقطاع

العبيدي 12th October 2004 09:42

ماء شاء الله ما شاء الله


رائعة منك يارائع

صح الله لسانك راعي هذي ما ودنا يبطي علينا ياسعود


والله انها قصيدة جزله الله يعافيك



العبيدي

الفهد 12th October 2004 15:36

السلام عليكم

وهذا الرد على قصيدة الشاعر الكبير : سعود بن على المدلاج

وانشاء الله ما نقدم الا اللي يرضيكم






[poem font="Simplified Arabic,4,white,norma l,normal" bkcolor="sienna" bkimage="" border="ridge,4,dark red" type=1 line=0 align=center use=sp num="0,black"]
لا قلت تكفا جاوبوك المشاكيل "=" اللي على الفزعه كثير ٍ شوشها

وانفوسهم ماهي على كفٍ ابخيل "=" من يوم شبو ما تغالو نعشها

فزعاتنا لا جاتكم كنها السيل "=" لا سيل الوديان واروى دبشها

وليا وقفنا يرجحن المكاييل "=" وانداوي عيونٍ كثيرٍ طمشها

بالشاعر اللي صاغ زين التماثيل "=" والا الفلو لامن تظايق دفشها

القلب يجزع لا حصل فالدهر ميل "=" والعين تدمع لا تطايح رمشها

لا صحت بالحيزا غدينا مهابيل "=" اما صلحت ولا نزود بلشها

ربعي متعبت المهار الحلاحيل "=" تبطش عدوٍ ناوين في بطشها

لك عزوةٍ مثل السيوف المصاقيل "=" كم جمجمة راسٍ شجيعٍ فقشها

يا سعود لا تجزع من الوقت بالحيل "=" ميز بلينها وميز حرشها

فالناس نجسينٍ وفيهم عواذيل "=" والنجس خلق الله بهرجه لكشها

والرجل يعرف لا نطق للرياجيل "=" ولا قلوب الناس محدٍ فتشها

ومن البشر سيد البشر عين الويل "=" ولوه دعى الله يمدي الله قرشها

لا تقول انا لحالي وشفت البهاذيل "=" معك الرجال اللي كثيرٍ شوشها[/poem]




وسلامتكم وسامحونا على القصور ..

ابوهلا 12th October 2004 17:21

السلام عليكم ورحمة الله وبركــــاته


مرحبا مرحبا مرحبا بالشاعر الجزل سعود بن مدلاج

شاعر مبدع وجزل بالمحاوره

وابداعك بالنضم لايقل ابداعا عن المحاوره



صح لسانك مليون ولايكفون

قصيده رائعه رائعه رائعه


ومعذور عن الغياب يابوعلي والله لايشغلنا وياك الا بالطاعه



لاعدمناك يالقرم


لك مني جزيل الأحترام والتقدير

ابوهلا 12th October 2004 17:25

السلام عليكم ورحمة الله وبركاته


مرحبا مرحبا مرحبا يابو غنيم




والرجل يعرف لا نطق للرياجيل...ولا قلوب الناس محدٍ فتشهـا


صدقت


لا تقول انا لحالي وشفت البهاذيل...معك الرجال اللي كثيرٍ شوشها



كفوووووووو


رد جزل جزل جزل الله يبيض وجهك


لاعدمناك

تقبل مني جزيل الشكر والتقدير

محمد مبارك الوافي 12th October 2004 17:50

السلام عليكم
مساكم الله بالخير جميعا وأتشرف بالحضور معكم وأنا زادني الشرف يوم دق علي أخوي سعود بن مدلاج وعلمني في قصيدته الأكثر من رائعه وأرجو المعذره من كتابتها متأخرا لعدم المعرفه بالانترنت وأشكر أخوي شنار والشعراء الذين ردو على القصيده وعلى فهد خصوصاً وقصيدته الطيبه والقايمين على هذا الموقع وشكراً .....
وإسمحولي ..




[poem font="Simplified Arabic,4,black,norma l,normal" bkcolor="transparent " bkimage="backgrounds/29.gif" border="none,4,gray" type=2 line=0 align=center use=ex num="0,black"]
ياراكب اللي ماروَت ميّة النيل "=" ترعى بجيّان النفود ودششهـا

وضحا كما وضحا وأنا بالتماثيل "=" غديت إبن عدوان والحب نشها

أقرالها عمّا والإخلاص والفيل "=" أخاف من عين ٍ حسدها ربشها

منصاك رجلٍ بالقسى يذبح الحيل "=" ولاّ الرخى كلٍ شدوقه بهشها

ياسعود أنا قبلك لوتبي بهاذيل "=" كبدي تقل ذيب المساري نهشها

الحر في دربه كثير المحابيل "=" واللي زهاه الخام يحرق خيشها

أما الردي جت له سهود وتساهيل "=" قتيل نفسٍ مايدوّر نعشها

يقطع زمانٍ ذلل الذيب تذليل "=" أصبح مع الرعيان يرعى دبشها

إن كان صيدك يابن عمي غرابيل "=" لك عزوةٍ تبطش ولحدٍ بطشها

زعوب لاكثرت هروج السراميل "=" سيلٍ ليا صكت سدوده جرشها

قبيلةٍ ترقى العلا تنطح الويل "=" لاصار بالجنّه بليسٍ بلشها

العز عنهم ماخذوه الرياجيل "=" يوم الأصايل تنعرف من كدشها

والحين بـِـدّل صافي الوقت تبديل "=" وأشوف بقعا جت تعقد شوشها

الشهم تاه وضيّعته الدواليل "=" ولاّ الردي مرتاح ينفخ شيشها[/poem]وسلامتكـــــــــــــ ــم ..



.

ابوهلا 12th October 2004 18:09

السلام عليكم ورحمة الله وبركاته


مرحبا مرحبا مرحبا بمحمد ابن مبارك الوافي والله يحييك بين اخوانك وعزوتك


رغم صغر سنك الا انك متمكن بنتظارك مستقبل شعري مميز ايها الفتى العشريني الله يحفضك





وضحا كما وضحا وأنا بالتماثيل
غديت إبن عدوان والحب نشها


ياسلام عليك


منصاك رجلٍ بالقسى يذبح الحيل
ولاّ الرخى كلٍ شدوقه بهشها


ونعم يستاهل ابو علي



العز عنهم ماخذوه الرياجيل
يوم الأصايل تنعرف من كدشها


لله درّك يامبدع


صح لسااااااااااااااانك صح لساااااااااااانك صح لسااااااااااااانك


جزل يابو مبارك جزل جزل جزل



تقبل مني كثيف الأحترام والتقدير

عبدالعزيز 13th October 2004 21:32

http://bestanimations.com/Careers/En...ainment-02.gif
http://bestanimations.com/Careers/En...ainment-02.gif


هذا هو سعود من ابداع الى ابداع

صح السانك يا بو علي على هذه القصيده



ولا نستغرب الرد الرائع من ابو غنيم بأبيات لا تقل روعه

صح السانك يا ابو غنيم



وهذا هو محمد الوافي يكتب القصيده بكل ثقه وقوه

صح السانك رد رائع ووافي من محمد الوافي





لكم تحيتي جميعاً .





ــــــــــــــ
ـــــــــ
ــــ
ـ

فهد بن سالم 14th October 2004 00:52

صح لسانك يا سعود بن مدلاج


بيض الله وجهك شاعر مبدع وجزل


وبيض الله وجيه شعارنا فهد بن غنيم ومحمد بن مبارك على ردودهم الجزله وماقصروا
















.

عبدالله السلمي 14th October 2004 02:20

الله الله الله قصيده رائعه من شاعر ولا أروع كيف لا وهو العملاق/ سعود بن مدلاج
وردود وافيه وكافيه من الشعراء المبدعين
بيض الله وجوهكم بياض يشع مع كل ريع



(نجم الحره)


الساعة الآن 23:35

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir