مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   آخر ماقيل في قبيلة زعب (http://www.zaub.com/vb/showthread.php?t=2530)

حمد السلمي 30th June 2005 21:05

آخر ماقيل في قبيلة زعب
 
اخواني الأعضاء
السلام عليكم ورحمة الله وبركاته ومساكم الله بالخير
احييكم اخواني واليوم نقدم لكم قصيدة وهي آخر ماقيل في قبيلة زعب



[poem font="Simplified Arabic,5,black,norma l,normal" bkcolor="transparent " bkimage="backgrounds/7.gif" border="none,4,gray" type=1 line=1 align=center use=ex num="0,black"]
ان ذكرت الأمجاد بارض العروبة = نذكر قبيلة زعب بمقدمتها

قبيلة لها وزن ومحسوبه = إن بعدتها السود وان قربتها

يثنون يوم الحرب شبت شبوبه = وصدت جيوش بالوغى داهمتها

سبعة عشر عام تلهب لهوبه = وزعب تحرب دولة بعد حاربتها

وأسبابها حربي رحل عن حروبه = بعوج الرقاب اللي ماتوجد صفتها

حمرا تسمى الحيز فيها عجوبه = خلفات تبين السماء من تحتها

جاور قبيلة زعب بارض خصوبه = يرعى مراعيها وتحت حمايتها

وسمع بها الحاكم ورسل ندوبه = وكثر طلبها والنفوس اهتوتها

قالوا له إبل الجار ماهي جلوبه = لو العرب طمعت بها ماكسبتها

واللي يحاربنا يلاقي صعوبه = والحيز محميه ماتقرب جهتها

والله ماتوخذ قهر ومغصوبه = ومن جالها نثنيه دون رقبتها

مادام عيا الجار بالبيع نوبه = ماهي بكيف الدوله اللي بغتها

ولاهي هدية لك ولاهي كسوبه = من دونها قحصا تثور غبرتها

حاكم طغى واهل اللزوم ابتلو به = وزعب انتخت يوم الظروف اجبرتها

سطابهم وهمه كذلك سطوبه = واشرافهم واللي على شاكلتها

دار الرحى والحرب هبت هبوبه = وزعب نزلت بسيوفها وجردتها

وغيم سماهم من شروق وغروبه = وقرع السيوف تخوف مشاهدتها

باعوا بذاك الملتقى واشتروا به = وخيالة الحيزا ماتنقص ثقتها

ومن اعترض والا نصاهم غدوا به = بحدب صناديد العدا طوعتها

وكم فارس قابلهم وحذفوا به = بصفرا ياويل القوم من عاقبتها

ولاهي غريبه غالبه ومغلوبه = وماقابس الفتنه تزيد دخنتها

جورا من السلطان شر وعقوبه = وجار عنيد وطولت مشكلتها

وماقدر الخالق عليهم رضوا به = يعلم بمبدأ المشكلة ونهايتها

نالوا سنام المجد ثم اعتلوا به = وصدوا جيوش الخصم ومحاولتها

ودرب الشرف واللي يشرف مشوا به = واجتازوا الصعبات ومواجهتها

نفخر بزعب وكل فعل بدوا به = وسليم بن منصور ساس شجرتها

واللي مايدري لايفتش جيوبه = يزورني وافتيه عن سالفتها

ونعلم اللي فعلهم مادروا به = عن مبتدا القصة وعن تاليتها

تعبير من راس سلمي عن زعوبه = وعن مجدها الحافل وعن ملحمتها

وصلاة ربي عد ماأمطر سحوبه = على الرسول المصطفى خاتمتها[/poem]

القصيدة للشاعر / عايش بن شريف الدملوكي السلمي


وسلامتكم......

العبيدي 30th June 2005 21:57

مشاركة: آخر ماقيل في قبيلة زعب
 
مرحــــــــبا ياحمد

مشكور على متابعاتك للساحة الشعبيه

واهتمامك بكل مايخص قبائلنا العريقة

وصح الله لسان الشاعر عايش بن شريف

وهذا غيض من فيض من ما يجب ان يسطر لقبيلة زعب

لك صافي الود ياحمد

مبارك الزعبي 1st July 2005 02:44

مشاركة: آخر ماقيل في قبيلة زعب
 
يا مرحبا ياحمد


اشكرك على هذه القصيده ونقلها للمنتدى


وصح لسان الشاعر الكبير : عايش بن شريف الدملوكي السلمي



وماعليكم زود ياربعنا ..


لاهنت

ابوهلا 1st July 2005 17:31

مشاركة: آخر ماقيل في قبيلة زعب
 
فديتك والله ياحمد


قصيده شامخه وجزله لشاعر واديب رائع ومبدع


صح الله لسان الشاعر عايش بن شريف


وبنتظار مشاركته وانظمامه مع ابناء عمه بالمنتدي


لاهنت يالقرم



مشاركه وقصيده تستحق التثبيت بجداره

ابو فهد 2nd July 2005 01:17

مشاركة: آخر ماقيل في قبيلة زعب
 
الأخ العزيز : حمد السلمي


بارك الله فيك على نقل هذه القصيدة الرائعه



وصح لسان الشاعر : عايش بن شريف الدملوكي السلمي





وماعليكم زود

حمد السلمي 2nd July 2005 01:21

مشاركة: آخر ماقيل في قبيلة زعب
 
شكرا على المرور يا اخوان 0 واحب اشكرا اخوي ابوهلا على التثبيت 0 وانشاء الله نمتعكم بكل جديد 0 وفالكم طيب 00

فهد بن سالم 2nd July 2005 03:22

مشاركة: آخر ماقيل في قبيلة زعب
 
صح لسان الشاعر المبدع عايش بن شريف الدملوكي السلمي وبيض الله وجهه

وسلمت يمينك ياحمد السلمي وبيض الله وجهك على نقل القصيدة

ابو عمر 3rd July 2005 01:16

مشاركة: آخر ماقيل في قبيلة زعب
 
صح لسان الشاعر

ولاهنت يا حمد على هذه القصيده

ابو تركي 4th July 2005 13:45

مشاركة: آخر ماقيل في قبيلة زعب
 
الاخ العزيز حمد السلمي



اسعد الله مساءك بكل خير وموده




دائما تتحفنا بكل ماهو جميل



وبيّض الله وجهك على نقل القصيده



وصح الله لسان شاعرها عايش بن شريف الدملوكي السلمي




وماعليكم زود




تقبل تحيات اخوك
ابو تركي

طرجم الزعبي 7th July 2005 17:51

مشاركة: آخر ماقيل في قبيلة زعب
 
تسلم وما قصرت أخوي حمد السلمي

لاهنت على النقل وصح لسان الشاعر

عايش بن شريف الدملوكي السلمي

تحياتي /
طرجم الزعبي


الساعة الآن 04:58

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir