مجالس قبيلة زعب - وصف الأبل

من غير مقدمات

قصيده تستحق الاعجاااب
ونقلتها لكم

بسم الله نبدأ
..
..
..
..

يـوم كـل لابـن عمّـه عصـب راسـه وشــاش""شش ياراسي لارحم رحم ابـو مجنـاك شـش
يـوم جينـا للمزايـن وغـاض المـاء وطــاش""بانـو اهـل البـل وبـان الاصيـل مـن الغشـش
يـوم جـاكـر ذودنــا ذود الاجـنـاب استـغـاش ""ذودنـا يـفـرق بـفـرق البصـيـر مــن العـمـش
طقّ للذيدان باصبع وهيـض الجـاش جـاش ""جعل ابو مـن يجحـد الحـق يشـرى لـه نعـش
اربـع الـذيـدان سيـقـت عـلـى ريــع مـشـاش""كـــنّ خّّـــدّه زبـرقــان الحريـرالـيـا انــبــرش
بيـن صـفـرا واشـعـلا كنّـهـا طــش الـغـراش""بيـن ملحـا وبيـن وضحـا تقـل وجـه امغـبـش
ولّّ قــلــب دقّــتــه كـنّـهــا طـلــقــة كـــــلاش""يوم صيّّح"عامري""لعمـري" والديـم رش
كـــن تـنـظّـام الجمـاهـيـر وغـتـرهـا تــبــاش""طقـم لولـو فــي ثـغـر حـلـوة المبـسـم بـهـش
زبـــدة الاربـــع ثـــلاث رقشـنـاهـن رقــــاش""يـافـهـد والـرابـعـه جـالـنـا فـيـهـا امـخـمــش
ولو لفونا من هـل الـوادي الاقصـى هتـاش ""وادي سبـيـع الـمـقـدس لـفـانـا مـــن هـتــش
كـان اخذناالاربعـه حاضـر بحـاضـر وكــاش""ورثـنـا هــي ورثـنـا دونـهـا لـطــم الـخـشـش
يـا بـن علـوش البـل البـل ربوعـي يـا بـلاش""هـم هـل البـل دونـهـا ورّدوا خـضـر النـمـش
يـافـهـد حـنــا هـــل الـبــل مـدلـهـة الـبــواش""دونـهـا مــا ينتـفـخ راس شـيــخ الا ويـفــش
دونهـا كـم روس قـوم عـلـى الـرقـه تـطـاش""دونهـا سـوق الرصـاص الحمـر جيـنـاه دش
دونـهـا كــل اشـقـر بالشبـيـلـي مـــا يـحــاش""لـلـنـحـر رمــــح مــدبّــب وللـعـلـبـا مــقـــش
دونهـا حشنـا السلاطيـن بالبـيـض الـحـواشّ""ولا انفهـقـنـا لـيــن عـــوّّد غضنـفـرهـم (...)
دونهـا ملعـون ابــو مــن يبيـهـا لــه مـعـاش""غصب ولا بالرضا تفدي( دغيش) و(دغش )
دونـهـا شـهـب المـعـارك دفشـنـاهـا دفـــاش""مثل يوم (عريق )و(طويـق) و(دوارة نعـش)
وغير وقعة (حنو) وقعة (غراميل الفـراش)""وهـيـة فــي (جــو سـاقـان) بارقـهـا رهـــش
يا فهد يا ما حـلا مـن عقـب خمـس غشـاش""شـوف الاربـع رتّـع والشجـر منـشـاه هــش
اربــع الـذيـدان تـرعـى سمالـيـل الـحـشـاش""لا ضـرب نجـم السويبـع ثــلاث فــي اثنَـعَـش
مــا حــلا تدريجـهـن يــوم للـسـيـل ادّحـــاش""فـي مداحـي عثـعـث حـطـه الوسـمـي مـنـشّ
فــي رغــد قـــاع زمـالـيـق جـيّّـانـه تـجــاش""اشهـريـن وادهــم الـغـيـث فـوقــه يمـتـحـش
يلعـب الزملـوق فـي خايـعـه لـعـب الـفـراش""وام سـالــم تـطـلـب وابـــو سـالــم يـبـرهـش
غــــادي كــنــه زوالــيــف ســجــاد تــهــاش""مـن عقـب ماهـو مثـل خـدّة الوجـه الخـرش
كــن صــوّّاك الغـضـا فـيــه بـوّابــة قـــراش""كــن زهـــر ورده طـرابـيـش تـــرك تـدّهــش
كــن زبيـديّـه لـيـا صلّـعـت روســـه وكـــاش""روس حجّـاج عـقـب حلّـقـوا ســود القـشـش
اول الاربــــع جـهـامــة مـجـاهـيــم تــنـــاش""كنـهـن سـهّـاب نــوّ عـلـى الـقـمـرا غـطــش
لا نثعـن كنهـن سبـيـب ادهــم غــاد طـشـاش""وان تتـالـن كنـهـن مـــن طـوابـيـر الـحـبـش
مـن زبـار (الخاطبيـه) ليـا (حــزم الـرقـاش)""فـي عـروق سبيـع نـزو المجاهـيـم ايهـقـش
مثل ممشى الحافيـه خايفـه وطـي الخشـاش""لا امهـلـن وان عجّّـلـن يلـعـبـنّ الطـرقـعـش
قطف مـا فـي اوبارهـن لأمّّ ريحانـه عـراش""والـمـذيّّـل مـثــل ريـــش الـنـعـام المـنـفـرش
كنـهـن روس تـحـاذف غتـرهـا فــي هــواش""لا نحوهـن عـن هواهـن وضاميهـن جـهـش
كـن بيـن عيونهـن ضـوح نــار فــي قـشـاش""وكن وبرهن يمرخونـه بمـاء عيـن الوحـش
كـن فحلهـن بينهـن يـوم جـاء يدقـش دقـاش""وهنّ من حولـه صفـوف تجـش القـاع جـش
حاكـم يهتـف لـه الشعـب كلـه عـاش عــاش""كـبّــروا راســـه ولا عـــاد يحـتّـشـه مـحــش
ول يـا ملحـا تـحـت ظــل السبيـعـي ماتـنـاش""كـنّـهـا لاشفـتـهـا يـافـهـد تـرعــى الـمـشــش
بنـت شيـخ لبسوهـا اســود الخـامـه قـمـاش""فـي حـداد وعمرهـا مـا تعـدى اربــع طـعـش
وثـانـي الاربـــع شـــرارة مغـاتـيـر بـشــاش""كــن وبرهـنّـه بــرشّّ مـــن الـفـضّـه يـــرش
كــن مرافضـهـن صيـانـي سلاطـيـن غـبـاش""كـــن قـريــش اثفـانـهـن سـنـديـان مـنـقـرش
وصـــف قـبّــة مـسـجـد سـقّـفـت بالبيـلـكـاش""وصـف مـردودم سنـام علـى العطّّـف وقــش
كــن حــسّ ارغيّـهـن قرقـشـة طـفـل بـقـاش""او تضـحّّـك خـفـرة غـازلــت راعـــي بـكــش
كــن بلـهـان الفـحـل بينـهـن يــوم استـهـاش""ثـم هـدر واضحـن خشـيـع خضـيـع ماتـهـش
ضـابـط افــراد لـقـى وقـفـة الطـابـور مــاش""فار دمّه ثم عطـى الامـر "ثابـت يـا حـوش"
ول يــا وضـحـا كنّـهـا قطـنـة تـربـط بـشــاش""فــوق اصيـبـع جـاهـل طــشّ دمّــه ثــمّ نــش
كنّها تحـت الـذرى مـن عقـب طـق الرشـاش""جـــادل دوبـــه خـذالــه يـابــن عـلــوش دش
كنّـهـا لا فـرّّعـت مــع ظـهــر حـــزم نـكــاش""خـفــرة ضـاقــت وذبّــــت عبـايـتـهـا طــفــش
لا اختفى بـدر الظـلام اكشحـت مثـل الفـلاش""وان تـبــدى زادت الـنــور نـــور وارتــهــش
وثالث الاربع مـن الصفـر حلـوات الرهـاش""كـن سـمـار ازوالهـنّّـه قـصـور فــي جــرش
تقل ساعة يفترشن ابيـض الارض افتـراش""روس اصـابـع حــرّّة بأخـضـر الحـنّـا تـمـشّ
كــنّ حـسـك ظهورهـنّـه ذوالـيـق الـعـشـاش""بينهـا القمـري بنـى لــه مـيـة عــشّ وعــش
كـــن علابـيـهـن ورزّّات الآذانـــي هــــواشّ""قبّّـعـة جـنـدي خـفـر صـوّّتـوا لــه وانـخـرش
ووصــف قـاعـة برلـمـان تـلاقــوا للـنـقـاش""وصـف دمـث اردوفهـن لا تبـدّن عقـب طـشّ
كن لعـوب اذيالهـن لاغـدى يرعـش رعـاش""قــرن ممـلـوح بليـلـة زفــاف اخـتـه رعــش
كـنّـهـن نـســوة شـريــف تـلاقــن بالـمـقـاشّ""يـوم غـارن مـن بعضهـن تلاقطـن الـشـوش
ورابع الاربـع مـن الشعـل حلـوات المهـاشّ""فـي الدحـى كنهـن شـيـوخ مذهّـبـة الجـمـش
كنّ وصف الشعل فوق ابيض الخد الحراش""عقـد سلسـال علـى صـدر ابـورمـش عـكـش
كــن غواربـهـن محـاريـب رهـبــان نـــواشّ""جــرّة الميـسـم عليـهـن تـقــل جـــرّة حـنــش
كنّهـن ضـوح الشفـق يــوم بارقـهـن تــواشّ""او كـسـر يـاقـوت حــدري مصـابـيـح تـــوشّ
وكـن حدرهـن يخـت مليارديـر فــوق طــاش""وكـــن اذانـيـهـن مـزامـيـر عــبّــاد الــدبــش
كنّـهـن حــدر الـمـطـر خـــرّد بـالـمـا تـــراشّ""والـحـويّـ ر تـقــل ورع يـــدوّر لــــه مــخــش
كنّـهـن بـرشـوم وجّّ المـذهّّـب فــي الـقـراش""تـغـري الـضـد المنـاحـر والــى هّــدّ ابـتـلـش
يـا فهـد هـذي وصـوف البـل جاشـت بـجـاش""شاعـر لـه فــوق عــرش الشـعـاره مـدّّقـش
يافهـد جانـي عـلـى سبـكـة المعـنـى خــراش""كـنّ بيـن اضلـع حشـاي الـف جـنّّـيّ غــوش
افرق (النقطه) عن (الفاصله) بثنين (داش)""لا أبــو حــشّ الــردي لا أبــو والـيــه حـــش
لا أبـو عيـن عـن الشـوف لاحقـهـا عـمـاش""لا أبوهـا اذن عــن السـمـع لاحقـهـا طــرش
ذا وتالـي الـقـول مـثـل اوّّلــه والــلاش لاش""شش ياراشي لا رحم رحم ابو مجناك شـش

وسلامتكم

الشاعر ناصر الفراعنه