مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس المحاورات الشعرية والقلطة (http://www.zaub.com/vb/forumdisplay.php?f=23)
-   -   سلامي عليكم يا بني قيس عيلان (http://www.zaub.com/vb/showthread.php?t=3024)

الكاشف 17th October 2005 06:59

سلامي عليكم يا بني قيس عيلان
 
السلام عليكم ورحمة الله وبركاته ومبروك عليكم الشهر الفضيل

سامحونا على التأخير

أشوف المنتدى كنه صايم :))

وينكم عسى ماشر ليه المنتدى مافيه حركة

قوموا يامال الغناه جاكم اللعب

وين الشعار وين الصفوف

جاكم الطاروق

من فيه شدة يقوم الله لا يهينه



سلامي عليكم يا بني قيس عيلان ------ سلامن عدد ما حج للبيت حجاج

أشوف الموارد ضامية ماش صملان ------ وذالمنتدى كنه مريض(ن) يبا علاج



تقبلوا تحياتي

أخوكم الكاشف

دمتم بود

الصتيمه 18th October 2005 01:20

ارحب يالكاشف وكل عام وانت بخير وصحه وانا ترى مثلك مبطى مادخلت والعذر من الربع لاكن دخلت صدفه ولقيت هالطاروق مدري من حسن حضك اني اول من رد ولا من سوء حضك عموما اتشرف باللعب ويا اى شاعر من الجماعه

واستلم


بلاعبك رغم اني علي اهل الشعر جاان *** ولنت الجبرتي لا ولانت ابن مدلااااج

تعذرب مجالس ربعك اليوم يفلان *** وكم واحد نحسبه شاعر وهو داااج


مع اني ماني مقتنع بالوزن واحس انه فيه شي غلط بس هات

الكاشف 18th October 2005 03:09

الصتيمة

مجاراة جيدة لكن أنتبه للوزن

بلاعبك رغم اني علي اهل الشعر جاان *** ولنت الجبرتي لا ولانت ابن مدلااااج

تعذرب مجالس ربعك اليوم يفلان *** وكم واحد نحسبه شاعر وهو داااج


هاك الوزن

على وين يابرق(ن) سرى تالي الليل#### أبسري على مسراك والليل ساري


سعدت بمرورك

دمت بود

أخوك الكاشف

علي بن مديبغ 19th October 2005 02:58

مرحبا يا الكاشف

ولو شكلك متفرغ تشارك بالشعر والقلطه والمنتدى اهله متفرغين لشهر العباده


وسبقني اخوي الصتيمه وهو صتيمه بس اللحن ما جابه مضبوط يمكن ما عرفه وعذره معاه


اما انا بجرب معاكم تجربة حظ مع اني ما احب اتحرش بالشعار الكبار ومن باب الرد مو من باب القلطه


لا ترد علي يا الكاشف ترا بتورطني


استلم


الا مرحبا وعداد ما خِـط عنوان...من الساحل الشرقي الى ساحل العاج

محد صوبكم ياللي تغني بالالحان...شهر صوم ماهو شهر لالاة وازعاج




وتحياتي.... :)

مبارك الزعبي 19th October 2005 08:19

هههههههههههههههههههه هههههههههههههههههه





صح لسانك يابو غنيم على الرد :)




وبيض الله وجيهكم يالشعراء

الكاشف 19th October 2005 09:44

مرحباااااااااا تراحيب المطر يابن مديبغ

والساعة المباركة يوم مريت بالمحاورة

ورمضان شهر الخير ماقلنا شيء وترى الدعوة سهالااات

بس مادام رديت لازم تنجدهااااا :)))

أن كان الصتيمة ماعرف وأنت فهمان .......علامك تعذر يا ولد وأنت مهراااج

ودرب المحبة يا علي درب الايمـــــان........ وحنا نبا نسمح الى جاك الأحرااج


تحياااااتي

علي بن مديبغ 19th October 2005 15:00

الله يسامحك يا الكاشف


ماني بشاعر قلطه


مير دامني بديت الله يعيني :)


اسلتم


انا اعرف دروبك زين يا ذيب سرحان...الامن نويت وصرت جايع ومحتاج

ترا عندنا ساحه تسمى بـ ميدان...لا تدخل لأني عارفك عَـجل مخراج




تحياتي....

الكاشف 20th October 2005 16:45

الله عليك

يسلم بنانك وصح لسانك


أستلم


ألا يالصحيب اللي يقول اللقاء حان ------- توقع توقع لا تطفي لك سراج

ترى مثلكم لا جاء نقهويه فنجان --------- ونخلط مع القهوة معاميل حوّاج


تحياتي

علي بن مديبغ 20th October 2005 17:36

صح لسانك يا الكاشف


وصح لساني :)




ولا هنت على الجهد المتواصل طال عمرك





تحياتي..

الكاشف 21st October 2005 00:18

الله لا يهينك يابن مديبغ

والقصد

وسعة الصدر


تقبل تحياتي

الكاشف


الساعة الآن 14:24

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir