مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   أزعوب والزعبي للضيوف مشرّع البيبان .. أزعوب وكل زعبي ما تهـمه مخاسيره (http://www.zaub.com/vb/showthread.php?t=3701)

مـــلاوح 22nd August 2006 21:29

أزعوب والزعبي للضيوف مشرّع البيبان .. أزعوب وكل زعبي ما تهـمه مخاسيره
 
السـلام علـيكـم ورحمـة اللـه وبـركاتـه

مساكم الله بالخير أعـضـاء المـنتدى

بعـد غيابـي بسبب السفـر وأنشغالاتي ببعض الأمـور

هذا انـا رجع لكم بقصيده في جدي : محمد الـرويـبخ

وفيهـا مـدح لقبيلتي زعـب والقصايد ما توفي حقـهم ..

وأنشاء الله انهـا تنـال أعجابـكم ..

.. وأسـمحـو لـي علـى الغـيـاب ..

[poem font="Simplified Arabic,5,white,bold, normal" bkcolor="transparent " bkimage="backgrounds/22.gif" border="none,4,gray" type=1 line=0 align=center use=ex num="0,black"]

الطيب يرسي عند رجل(ن) ينطح الشجعان=ماهوب يرسي عند رجل(ن) بان تقصيره

عساه يسلم جدي محمد مكرم الضيفان=كريم(ن) والكرم يلفي لرجلن قاضـبن طيره

يا جعله بعد الأصحاب والأحباب و الخلان=جدي الرويبخ لا خاويته مزيـّـن مشاويره

الشجاعه تنحني له لأنه فارس الفرسان=يجندل شيخ قوم لحاله لو غزى ديره

شجاع وفارس و شاعر يعسف القيفان=من لابة ً تدرك حقوق الجار والجيره

من نسل قوم(ن) بالملاقا تنطح العدوان=لا سل السيف ماله رجعتن في جفيره

لابتي تحشمها القبايل في كل الأوطان=لابتي زعب بالعز مواصلين المسيره

لاتعزوو خيّل الحيزا فزوا لهم عربان= زعـب(ن) هل الفزعات والوقفات الخطيره

يومه زهمنا الحربي وقفنا وقفة أخوان=فزعنا نبغي ننطح الموت ولانبي غيره

وقفنا بوجه الشريف يوم الخاين خان=وسبعـة عشر عام و حربنا المستثيره

صملنا في وجهه و شان حالـه شـان=ولا خذا مطلبه والعيون الشواهد بصيره

لو تشتتنا .. شملنا ملتم ..عزمنا أنسان=ساسنا نجد لو فرقنا الزمان و مقاديره

ماهي بلحية قوم تاريخهم كان و كان=حنا أفعالنا ما أنتهت والهقاوي كبيره

لالفانا الضيف فنجاله من دلالنا زان=ومن بعدها تموت الولايم حق تقديره

أزعوب حنا من يكرم الضيف و الجيران=أزعوب والزعبي أبد ما يحسب دنانيره

أزعوب و الزعبي للضيوف مشرّع البيبان=أزعوب وكل زعبي ما تهـمه مخاسيره

سنايدي زعب .. الكرم والجود فيهم بان=مسافات الطويله ياما قصرناها قصيره

غلطان ثم غلطان يا معادينا ترى غلطان=لا ثاربنا الرمك ماينفع عشير(ن) عشيره

لاأنتخوا عصمان الشوارب جروو الألحان=أزعوب أزعوب أزهمونا بالليالي العسيره

أزعوب نضرب على راس الكايده عـنوان=نسقي ضمايرنا لهيب الموت مـن بيره

الزعبي مايعرف الأهانه ولاهوب ينهان=شامخ(ن) راسه يعرف خلاصه وتديبره

ماقد سمعت الزعبي حكابه فلان وفلان =كسبنا الجمايل بالقبايل وعلومنا خيره

حنا لا شتعل ضو الفتيله نطفي النيران=تزّهب خشوم أسلحتنا للعدو والذخيره

ولو ان المراجل رجل(ن) يكفس الذرعان=يبرك عند رجلينا كافي شره بخيره

ولو ان الطيب دوله وتبغي لها شيخان=ما ياخذ حكمها غيرنا يا زعب و نديره

ولو الشجاعه مالها سيره على اي ألسان=لا مر طارينا ترى الشجاعه لها سيره

ما الله خلقنا ملوك .. كل مـنّا رفيـع الشان=رفيـع الشان مايبغي مدايح من مساييره

لو الزعوب شوي ما علينا من الخوّان= يكفي زعب التاريخ ينثر عليها عبيره

المراجل فينا يا زعب ما تبغي لها برهان=فديت اللابه اللي كل علومها خيره [/poem]


وسـلامتـكم ..

ابوهلا 23rd August 2006 06:39

صح لسانك يالقرم


والحمدالله علي السلامه

ونعم فيك وبجدك ( محمد الرويبخ ) الشاعر الجزل واللذي استمتعنا بقرائة بعض قصايده الرائعه في المنتدى وبنتظار ان تزودنا بقصائد ابو فهاد الله يطول بعمره علي الطاعه

ابوجاسم 23rd August 2006 16:08

لاتعزوو خيّل الحيزا فـزوا لهـم عربـان
زعب(ن) هل الفزعات والوقفات الخطيره

صح لسانك يا ملاوح

قصيدة جزله رائعه
نحن في انتظار القصائد بعد طول الغياب

ولد متروك 25th August 2006 15:01

المراجل فينا يا زعب ما تبغي لها برهـان
فديت اللابه اللـي كـل علومهـا خيـره

صح لسانك يا ملاوح


بأنتظار جديدك

مـــلاوح 26th August 2006 03:28

اقتباس:

المشاركة الأصلية كتبت بواسطة ابوهلا
صح لسانك يالقرم


والحمدالله علي السلامه

ونعم فيك وبجدك ( محمد الرويبخ ) الشاعر الجزل واللذي استمتعنا بقرائة بعض قصايده الرائعه في المنتدى وبنتظار ان تزودنا بقصائد ابو فهاد الله يطول بعمره علي الطاعه

مرحبا والله ومسهلا يابو هــلا

نورت المتصفح بوجودك يا غالي ..

صـح بدنـك نفداك .. والله يسلمك من كل شـر ..

ما عليـك زود طال عمرك هذا من طيبك يالسنافـي

وابشر بقصايده الجديده انشاء الله بأقرب وقـت ..

الله لا يهينك على مرورك الكريم والله لا يهينك على ما قلت ..

تقبل تحياتي ..

أخـوك : مـــلاوح

مـــلاوح 26th August 2006 03:32

اقتباس:

المشاركة الأصلية كتبت بواسطة ابوجاسم
لاتعزوو خيّل الحيزا فـزوا لهـم عربـان
زعب(ن) هل الفزعات والوقفات الخطيره

صح لسانك يا ملاوح

قصيدة جزله رائعه
نحن في انتظار القصائد بعد طول الغياب


ياهلا وغلا يابو جاسم

صح بدنك ياغالي

وهذا من ذوقك طال عمرك

وأبشر بكل ماهو جديد .. لاهنت على مرورك الكريم

تقبل تحياتي ..

أخــوك : مـــلاوح

مـــلاوح 26th August 2006 03:34

اقتباس:

المشاركة الأصلية كتبت بواسطة ولد متروك
المراجل فينا يا زعب ما تبغي لها برهـان
فديت اللابه اللـي كـل علومهـا خيـره

صح لسانك يا ملاوح


بأنتظار جديدك


ياهلا وغلا يا ولد متروك

صح بدنك ياغالي

والله لايهينك على المرور .. وأبشر بالجديد

تقبل تحياتي ..

أخـــوك : مـــلاوح

سيف القبيله 27th August 2006 04:38

الله الله الله الله

وربي قصيده جزله


صح لسانك وسلمت اناملك ياغالي


وربي يعطيك العافيه ولاتحرمنا هذا الابداع


تقبل مني ارق التحايا لشخصك الكريم


تحيتي لك

العبيدي 5th September 2006 11:09

ملاوح


صح لسانك مدد

والنعم بجدك والنعم بربعك

اهل المدح يستاهلونه

بن ماجد 31st October 2006 19:27

ونعم يازعب

ونعم ياملاوح

وين ذا القصيده شاح علينا فيها

صح لسااانك يالجزل

تقبل تحياتي

مبارك بن ماجد

شقاوي


الساعة الآن 06:19

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir