مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   زعب الكرم والطيب سمحين الاقبال @ مثوارثين ألطيب ورث(ن) ماهو دين (http://www.zaub.com/vb/showthread.php?t=3901)

محمد الجبريني 4th December 2007 03:25

زعب الكرم والطيب سمحين الاقبال @ مثوارثين ألطيب ورث(ن) ماهو دين
 
السلام عليكم ورحمة الله وبركاته
تسليمة محب ,,,
يا احبابي واهلي واطلب منكم العذر على غيابي الطويل عنكم وذالك بسبب طروف الدنياء التي لا تنتهي واقسم لكم انني مانسيتكم واعذروني على طول الغياب واقبلو مني هذي الكلمات المتواضعه والتي تقصر بكثير عن مافيكم يا أيها الأبطال ألأشاوس ربعيي واحبتي قبيلة زعــب العربيه العريقه وأعذروني على التقصير فشعري لن يبلغ ربع ارباع مافيكم وتقبلو حبي وتقديررري للجميع

الله الله
اقووول وابتدي بالسلام




سلام مني فوق ماضين الافعال
,,,,,,,,,,,,, تنصى هلا الطالات زعب المسمين
ماني بناسيكم وربي على البال
,,,,,,,,,,,,,, والعين ماتعلى على حاجب العين
ونعم بكم يازعب رجال رجال
,,,,,,,,,,,,,, ويزيدني تشريف مدح الشياهين
انتم هلى وربعي وناسي يالبطال
,,,,,,,,,,,,,وانا افتخر فالطيبين العريبين
زعب الكرم والطيب سمحين الاقبال
,,,,,,,,,,,,,, متوارثين الطيب ورث(ن) ماهو دين
ربعي ليا من صك جال(ن) على جال
,,,,,,,,,,,,,, ونعم بكم يارجال زعب الأصيلين
للبحر سباح(ن) وللخيل خيال
,,,,,,,,,,,,,, وللمعركه فرسان من زعب شرسين
وانا محمد غيث بالشعر هطال
,,,,,,,,,,,,,,,,شاعر ويفتخرون بي الجبارين
شاعر ولي بالشعر منزل ومدخال
,,,,,,,,,,,,,,,,, وربعي بشعري ياعلم الله فخورين
مخاوي الخاين ولا حب الانذال
,,,,,,,,,,,,,,,,, وانتم حشى يازعب جميع وافين
تاريخكم يفرق عن الأمه الحال
,,,,,,,,,,,,,,,,,, والناس تشهد كلبوهاودارين
نبراس جيل وقدوه ال عدة اجيال
,,,,,,,,,,,,,,,,,,وا نشهد انكم بالحرايب شجيعين
قصيركم سويتو من اجله اقتال
,,,,,,,,,,,,,,,, خمسة عشر عام(ن) بخوض الميادين
انشهد ان شرواكم اليومه أقلال
,,,,,,,,,,,,,,, وان كان به شرواكم انهم قليلين
احبكم فالله محبه اهبال
,,,,,,,,,,,,,,,, وانتم عن السلمان منتم غريبين
اجدادكم قد غربو مع بني هلال
,,,,,,,,,,,,,,,,, للمغرب الأقصى من ارض الحرمين
واللي بقي منكم على نجد نزال
,,,,,,,,,,,,,,,,, والطيب فيكم له صفات وبراهين
ياربعنا والحق يالربع ينقال
,,,,,,,,,,,,,,,,, انشهد ان سليم فيكم فخورين
شرفتو السلمان في كل محفال
,,,,,,,,,,,,,,,, من طيب معدنكم يوم أنكم تزيهين
وحنا سليم الطيب فينا ولا زال
,,,,,,,,,,,,,,, ومن باسنا يخشون عالم كثيرين
أمعربين الجد والعم والخال
,,,,,,,,,,,,,,,,, قبيلة(ن)بين العرب ومعروفين
ماهمنا في قيل والا بمايقال
,,,,,,,,,,,,,,,, اندوس الأعدى مقبلين ومقافين
وقت الجهل جميعنا تسير جهال
,,,,,,,,,,,,,,,, وقت العقل جميع ربعي حكيمين
يشهد لنا التاريخ في ماضي الحال
,,,,,,,,,,,,,,,,, في يوم بدر واحد ويشهد أحنين
واقولها ماني بخايف ولا ذال
,,,,,,,,,,,,,,,,,,, ولاني بجبان(ن) ولا من الرديين
شاعر وصوغ بما الذهب صوغ الامثال
,,,,,,,,,,,,,,,,,,, وعسر بيوت الشعر قدامي ايلين
وليا بغيت الشعر مابه أي اشكال
,,,,,,,,,,,,,,,,,,, ولوامتي فالشعر لاشك مخطين
وختامها اطلب منكم العذر يارجال
,,,,,,,,,,,,,,,,,,,, وصلو على محمد شفيع المصلين

مبارك الزعبي 6th December 2007 04:49

يا مرحبا يا محمد الجبريني

ومن طول الغيبات جاب الغنايم ...

صح لسانك وعلا شانك


وماعليك زود .. ونعم بأبناء العم سليم قبيله لها بصمه مشرفه في صفحات التاريخ



ننتظر جديدك ..

محمد الجبريني 7th December 2007 00:35

اقتباس:

المشاركة الأصلية كتبت بواسطة مبارك الزعبي (المشاركة 24041)
يا مرحبا يا محمد الجبريني

ومن طول الغيبات جاب الغنايم ...

صح لسانك وعلا شانك


وماعليك زود .. ونعم بأبناء العم سليم قبيله لها بصمه مشرفه في صفحات التاريخ



ننتظر جديدك ..

اخووي وأستاذي مبارك الزعبي ماعليكم زود
يا زعب وصح بدنك وكلك ومشكووور على
مرورك تقبل ودي واحتراااامي وسلملي على الجميع

ابوجاسم 17th December 2007 20:40

شاعر وصوغ بما الذهب صوغ الامثال
,,,,,,,,,,,,,,,,,,, وعسر بيوت الشعر قدامي ايلين

صح لسانك يا محمد الجبريني

وحياك الله

وانت على البال ترى ما نسيناك

تقبل تحيات اخوك

ابو جاسم

محمد الجبريني 2nd January 2008 00:48

ابو جاسم صح بدنك وكلك وتقبل
تقديررري واحتراااااامي اخوووووك


الساعة الآن 14:55

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir