مجالس قبيلة زعب

مجالس قبيلة زعب (http://www.zaub.com/vb/index.php)
-   مجلس الشعر والشعراء (http://www.zaub.com/vb/forumdisplay.php?f=6)
-   -   عــيــون الــنــشــامــا !! (http://www.zaub.com/vb/showthread.php?t=3908)

علي بن مديبغ 11th April 2008 15:47

عــيــون الــنــشــامــا !!
 
السلام عليكم ورحمة لله وبركاته


اهدي بيوت الشعر للعاقل الفاهم....اللي يميّـز جزيل الشعر من هزله



الــــمــشــاركــه


الشعر مبطي ما طرقت ابوابه..وما ضاع حق ٍ يتبعه طلابه

جيته وانا طامع براس العالي...ماني بطامع بالصحف وكتابه

ولا أنظم عشان يقال صح لسانك...وبالناس مداحه وبه سبابه

والشاعر اللي ما يحكم ابياته...مثل البعير اللي طويل ٍ نابه

لا شايل ٍ حمل ٍ ولا ألقح ناقه...متن ٍ ويحسب كل عام نصابه

الشعر حدي فيه كنت احفضه...وأقول حضه من قدر يبدابه

في خاطري فكره وكيف أبنيها...درب ٍ بعيني كان صعب اسعابه

واليوم اجيب من القصايد نادر...الغالي اللي ما خسر جلابه

أغز به عين الحسد وأعميها...اللي تجاملني وهي كذابه

إن جيت وعيون النشاما تسبر...وصدورهم شفقه ماهي مرتابه

أجيب قاف ٍ ما أجتهد به غيري...وافي ولاهو ناقص ٍ ونهابه

للمنصت أحلى من حليب المصغر...وأهنى من ( الجلت ) لحشى شرابه

الشعر شعري والروابع جزله... لو إن شعر الناس جا متشابه

جل المثايل مطلبي ومرادي...ودرب البكر منها لزوم أشقابه

فرايد ٍ من خاطري منقيه...الهزل فيها ما وسم مخلابه

قصيدتي يا قربها من الدله...كيف النشاما والشلي صبابه

تذهب عماس السامع إليا أوحاها... والعلم يوخذ من صدور اصحابه



وسلامتكم
تـــنــويـــه : ( الجلت ) هو ماء فوق رأس الجبل يتجمع من مياه الأمطار والمعروف عنه انه صافي شديد النقاء

وسامحونا على القصور


الشاعر : عــــلـــي غـــنـــيــم بــن مـــديــبــغ الــزعــبـــي

مبارك الزعبي 14th April 2008 01:36

...
 
يا مرحبا يابو غنيم تراحيب المطر


كــفــو .. وصح لسانك

العبيدي 17th April 2008 12:09

الشعر حدي فيه كنت احفضه...وأقول حضه من قدر يبدابه

في خاطري فكره وكيف أبنيها...درب ٍ بعيني كان صعب اسعابه

واليوم اجيب من القصايد نادر...الغالي اللي ما خسر جلابه

علي بن مديبغ

مرحباً هــــــــــــــــيل ومرحباً بجديدك

الشهره لم تعد تعني الكثير

مشاهير وضعوا انفسهم وشعرهم في زوايا ضيقة وفي النهاية

صاروا مسخرة لكل من هب ودب بالنقد والاستثمار البغيض

لكن
علي شاعر جزل أرى في قصيدته هذه ايحاءات فريده

صح الله لسانك مدد ياعلي

علي بن مديبغ 17th April 2008 14:53

البقا يا مبارك


ولا هنت على مرورك

~~~~~~~~~~~~~~~~~~~~ ~~~~~~~~~


ومرحبابك يا العبيدي


ولا هنت على الرد الجميل

وصح الله لسانك على هذا الرد المليء بالحكمه


ولا هنت طال عمرك

ابوجاسم 5th June 2008 18:34

فرايد ٍ من خاطري منقيه...الهزل فيها ما وسم مخلابه

صح لسانك يا بو غنيم

ومثل ما قال اخوي العبيدي

" علي شاعر جزل أرى في قصيدته هذه ايحاءات فريده "

علي بن مديبغ 6th June 2008 15:59

مرحبابك يابو جاسم


ومرورك يشرفني


لا هنت طال عمرك

بن عمير 11th June 2008 19:09

صح لسانك يا بو غنيم

علي بن مديبغ 20th June 2008 19:35

مرحبابك يا بن عمير


وصح الله بدنك


ولاهنت على مرورك


الساعة الآن 21:59

Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir