[أبن شهلان]

[poem font="Simplified Arabic,4,darkblue,bo ld,normal" bkcolor="sienna" bkimage="backgrounds/23.gif" border="solid,4,dark blue" type=2 line=0 align=center use=sp num="0,black"]
هاض الضمير وبيح القلب باحساس = والفكر يبدع والقوافي الجديــــــــــده
لازم تطيعه وان عصى قاف ينداس = شاعر وفي نظم القوافي ولـــــــــــيده
من اول اسمع بالفقايد على النـــاس = واليوم عرفت ياناس معنى الفقيــــده
ياكبرها ياعظمها مــير لابـــــــاس = حكم الولي يــــريد مالا نريــــــــــــده
راح الفقيد اللي كما حــر قرنـــــاس = سيد المراجل والــمراجل عبيــــــــده
عقب المراقب كفن ابيض الالبــاس = جاني خبر موته في ديره بعــــــــيده
حسيت كنه ضارب القلب بالــــفاس = والدم توقف مامشى في وريــــــده
وقفت ماني بصاحي والحال منحاس = منهار جسمي والمصيبه شديــــــــده
عبرات حلقي وقفت بين الانفــــاس = لاهي طلعت لاهي في صدري وقــيده
يالله ياللي خالق الناس باجـــــــــناس = ياللي خلقت الموت ســــنه اكــــــــيده
تفرج لجدي يوم الارياق يـــــــــباس = وتجعل حياته وسط قبره سعــــــــيده
تسكنه في جنات وتلبسه الالمـــــاس = ويشرب من الانهار في جنه رغيده
وجدي على جدي كما وجد ابودباس = عاف الحياة ويبغى شوفت وحــــــيده
او وجد منهو يشرب السم في الكاس = يبغى يموت ولا يقابل عضــــــــــيده
او وجد منهو طول افوسط الاحباس = من طول سجنه شلت رجله مع أيـــده
كثر التوجد يوجع القلب والراس = واللي توفى ماتـــــرده قصيــــــــــــده
هاض الضمير وبيح القلب باحساس = شاعر وفي نظم القوافي وليــــــــــده[/poem]