مساكم الله بالخير كلكم حبيت اشارك في قصيده والله مادري منهي له جتني مسج
اكذب عليك إن قلت فرقاك عادي...
واكذب عليك إن قلت قاسي ولا لنت...
لا والله إلا زاد عقبك هجادي...
هان السهر والصبر بس انت ماهنت...
تدري وش اللي حالني عن رقادي...
إنك وفيت ايام حبك ولا خنت...
كانت على لمسك تموت الايادي...
وكنت اقرب العالم..وياشينها(كنت )...
كانوا يحسدوني عليك العبادي...
وانا اشهد انك وقتها للهوى صنت...
وكنا ليامنا سمعنا (عبادي)...
(تدرين وادري بنفترق) قلت.لا.انت...
وهالحين (قلبي يحترق) يامرادي...
لكن بحكم الله وما قدر آمنت...
شربت من ثدي الصبر في مهادي...
وعلى الهموم وضيقة الخاطر ادمنت...
مآخذ على نفسي حقوق ومبادي...
وعاهدت دمعي ما يحدر على بنت...
لكن عصاني دمعي أللا إرادي...
وماقول غير احسنت.احسنت.احسنت...