[ابوهلا]

قصيده اهدااء



[poem font="Simplified Arabic,4,black,norma l,normal" bkcolor="transparent " bkimage="backgrounds/17.gif" border="none,4,gray" type=0 line=0 align=center use=ex num="0,black"]
وآهني الصخرة اللي مايحرقهـا سمـوم = الزمـان اللـي يهـد الجبـل ماهدهـا

الزمان اللـي تحـدى قوييـن العـزوم = ليـن مشاهـا علـى ود ماهـو ودهـا

المجامل بعض الأحيان مايقضي لـزوم = قاضب النفس الضعيفـه ولاهـو قدهـا

كل ماكبرت وضاقت على عيال الرخـوم = نحتزم لأكبـر مصيبـه وناطـا خدهـا

ياعيـال آدم وحـواء تراهـا ماتـدوم = دورة الأيــام لابـدهــا لابـدهــا

أدري إن فالناس معطى وفالناس محروم = هيـه يابيـض النوايـا ويامسـودهـا

جعل قسمي عند ربي من خيار القسـوم = واحـدٍ يعـط العطـايـا ولا يرتـدهـا

ياوليد البط وشلـون ماتعـرف تعـوم = وأنت أبوك يعوم جزر البحـور ومدهـا

أنت ياحلمٍ حلمته ماهـو مثـل الحلـوم = ياضحية مزح الأحـلام مـادري جدهـا

ياضميري لايهمك مـن الدنيـا همـوم = الصعيبـه حلهـا والبسيطـه عـدهـا

جات في شد الشوارب وفي قرب الخشوم = كبر الضيفه وعـش الضيـوف وغدهـا

الردي لو درس المرجله في كـل يـوم = المراجـل عنـد أهلهـا يذعـذع ندهـا

ماكشفت إلا وضيـع النمايـم والعلـوم = يارسول الحكي هـات العلـوم وودهـا

الصفوف أثنين هـذا دفـاع وذا هجـوم = وأنت أظنك مانت معها ولا أنت بضدهـا

مير في سوق الأظلـه تريـح ومخـدوم = وان ذبحك الجوع عان التكاسـي كدهـا[/poem]




قصيده رائعه من روائع الشاعر _ سلطان ابن وسّام الهاجري