السلام عليكم ورحمة الله وبركاته
حبيت انقل لكم هذه المرثيه للشاعر فهد بأبيه عبدالله بن راشد ال رمضان الزعبي
واتمنى من الله العلي العظيم ان يرحم جميع اموات المسلمين
[poem font="Simplified Arabic,5,black,norma l,normal" bkcolor="transparent " bkimage="" border="none,4,gray" type=2 line=0 align=center use=ex num="0,black"]
يالله ذا فكري وهذا ضياعه = ومن وين مالقيت وجهي يعزون
البارحه صافحت حزن الجماعه = كلن بكى من موتة العود محزون
واخذت لي من تالي الليل ساعه = يسلى بها جفن من الدمع مشحون
ويالايم دمعي وصيدك مناعه = ماتدري ان دمع الرياجيل ملعون
مالي على السجات قدر استطاعه = بعض المصايب تقتل القلب بالهون
الله يهدّي خاطري وارتياعه = لامن غديت برهبة الياس مرهون
لاياخبر ماسر حالي سماعه = كني عقب وقع الخبر طحت مطعون
طاح الشموخ المعتلي بأرتفاعه = ومات اللذي جاره من الضيم مصيون
هذي معاميله وهذا متاعه = وهذا مكانه داخل الروح مركون
مات الشجاع المشتهر بالشجاعه = يالله عساه بجنة الخلد مأمون
يابوي حزني فيك مثل البضاعه = اشري به الضيقات والدمع عربون
يالله عسى قبرك ينور شعاعه = وسط اللحد في طاهر القاع مدفون
في رحمة المولى كريم الشفاعه = وجارك نبي (ن) بلغ الدين بالكون
والله يكون بعون كل الجماعه = لأنك فقيده واكثر الناس يبكون[/poem]
وصح لسان الشاعر فهد ورحم الله ابو خالد