عرض مشاركة واحدة
قديم 13th March 2006, 01:17   #1
محمد فهد الوافي
شاعر
 
تاريخ التسجيل: Oct 2004
المشاركات: 231
الناس بين إثنين معطى ومحروم !!

السلام عليكم ورحمة الله وبركاته ,,,

صبحكم الله بالخير

قصيدة تعبر عن نفسها وأتمنى أن تحوز على رضاكم




!!

!!




[poem font="Simplified Arabic,7,black,norma l,normal" bkcolor="transparent " bkimage="" border="none,4,gray" type=2 line=1 align=center use=ex num="0,black"]
الناس بين إثنين معطى ومحروم=وأنا معك محروم ماني بمعطا
ما شفت لا قلك ولا شفت لك كوم=قلك عطا والكوم عندك تعطا
هذا الذي شفته من العام لليوم =يا ما عطيتك والعطا منك أبطا
يا قوم يا قوم الخلا منك يا قوم=مشتط في حالك ولا منك شطا
السيل يجرف لا امتلى الجو بغيوم=وحنا نجيك بسيل والسيل غطا
غطا على سيلك وسيل النحا دوم=يشتال كل اللي بدربه توطا
وكل ٍ على قده يفصله هدوم=والناس ما عاشت مع الناس ملطا
خلاص ما عندي بعد هذي علوم=ولا بقالي معك شطا ولطا
برحل وبترك داله البال منجوم=ما بين حلم ونوم غفوه وغطا
وأسهر ولو طال السهر لذة النوم=واسج مع نفسي بغير المحطا
وادوج في قاع ٍ من الخير موسوم=وأنزل على جو ٍ خضاره تغطا
وأخايل نجوم السما وأرقب حزوم=وأشب ناري من حطب سمر وإرطا
وأعزم عليها كل طيب وشغموم=وأدله ولا همي من الناس بلطا
هذي غناة النفس يا مغني الكوم=وهذا هوى بالي ولو قلت أخطا
وخلك ما بين الناس معطى ومحروم=وأنا مع أهل الطيب معطي ومعطا[/poem]



وسلامتكم ,,,
محمد فهد الوافي غير متواجد حالياً   رد مع اقتباس