بسم الله الرحمن الرحيم
هذه محاورة في حفلة الخشمان في الحسي
وكانت بين الشاعر الكبير / سعود بن مدلاج الزعبي ++و++ الشاعر / تركي الميزاني 2000
تركي الميزاني
اعداد من طاف مكه وزار الحرم ***** سلام ردية(ن) هذي عناوينها
سعود الزعبي
اعداد من سير اقدامه وخط القلم ***** يامرحبا يامطير وياموازينها
سير على ماتبي والعلم رمز وسهم ***** واقول مال العلوم الا براهينها
تركي الميزاني
يالشاعر اللي من البارح ترز العلم ***** انته تبي خشمها ولا تبي عينها
والميت اللي عظامه ماعليها لحم ***** مايضرب الارض ويفجر براكينها
سعود الزعبي
ياحبني للرفيق الطيب المحترم ***** اللي يحلب المنيحه في مواعينها
تقولها وانت صيدك في جراد السلم ***** وان رحت يم البدو سلمت بعارينها
تركي الميزاني
اللي هدم مابنى واللي بنى ماهدم ***** والجن نكبة بعضها من شياطينها
انته تبي السيف يثلم ماري ماينثلم ***** اهل السكاكين ماتنفع سكاكينها
سعود الزعبي
ان طعتني يامطيري دبها في شحم ***** تبا تسمي وحنا اللي مسمينها
اشلون تبني جدارك بين سبع الامم ***** ياللي ورودها مدري رياحينها
تركي الميزاني
بكره ليا قالوا ان العرب مثل العجم ***** اضحك وغن الربابه مع مغنينها
الا متى وانت تسجد عند خشم الصنم ***** يوم هل الدين باقية(ن) على دينها
اسمحولنا على القصور
اخوكم / ابوعلي