مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 30th August 2005, 20:26   #1
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
رد ابراهيم الزعبي على قصيدة النومسي

الاخوان الاعزاء في منتدى زعب الشامخ

هذه قصيدة للشاعر ابراهيم بن فراج الزعبي وهي رد على قصيدة الشاعر مطلق بن عبيد النومسي العنزي

والتي نقلها لنا الاخ ابو تركي

اليكم القصيدتين


[poem font="Simplified Arabic,4,black,norma l,normal" bkcolor="transparent " bkimage="backgrounds/1.gif" border="none,4,gray" type=1 line=0 align=center use=ex num="0,black"]

قصيدة الشاعر مطلق النومسي

للشعر هدات ومطيـر وحومـه=والشاعر الطيب يسـد لزومـه
ليا وقف بين الرجـال وغنـى=لازم يحشم العالم المحشومـه
أما تجي قصيدته ما شـاء الله=والا تجـي قصيدتـه معدومـه
وأنا من الشعار شاعـر واثـق=والشعر عبد وقدرتي محتومـه
ألاعـب القيفـان واخـدرهـا=تخديرة الليبتـون بالقيصومـه
فضلٍ من الله والشكر واجب له=والناس يامعطـاه يامحرومـه
ومن بعدها سلام مابـه منّـه=دايم يروم الطيب قبـل يرومـه
باللابه اللـي عربـت عانيهـا=من طيب منسبها وطيب سلومه
لابة حرار وصيدها مـن يدهـا=والحر يكرم عن مقام البومـه
يازعب يازعب الكرم والرفعـه=ياللي على در الظفر مفطومـه
عرفت زعب بطيبها من مبطـي=وقريت عنها قصـةٍ معلومـه
قصة تشرف كل بيـتٍ زعبـي=يوم الليالي بالقشـر مبرومـه
يوم الشريف أنوى بذود الحربي=صرتوا سوات الموت في بلعومه
عن جاركم بالأحمرين اعلنتـوا=والحرب ما أنتم جاهلين سلومه
سيوف حرب وضربها ما يرحم=ماهي سيوفٍ باللقـا مثلومـه
يشهد لكم شرق البلاد وغربـه=وتشهد جبال طويق قبل رجومه
وليا اجتمعتوا وانتخـت زعبيـه=صرتوا كما قوس الفنا وسهومه
يجي ولدكم مثـل سبـعٍ باتـع=من جور كفه فاسرات كمومـه
وليا عطيتـوا مدكـم بالوافـي=لو ماعلى الزعبي ياكود اهدومه
والنعم فيك غصـب والا طيّـب=قبيلةٍ مـن الـردى معصومـه
وأختم كلامـي بالتحيـه منـي=تحيـةٍ عزامـه ومعـزومـه
تحيـةٍ مـن وايلـيٍ جـاكـم=امن الكويت ولابتـه معلومـه [/poem]
[poem font="Simplified Arabic,4,black,norma l,normal" bkcolor="transparent " bkimage="backgrounds/4.gif" border="none,4,gray" type=1 line=0 align=center use=ex num="0,black"]

قصيدة الشاعر ابراهيم بن فراج الزعبي

للشعر بحر وغبتن مع عومه=والشاعر الراهي غلي منظومه
الياوقف لازم يبين بصمه=حيث المواقف للرجل ما سومه
اما يجي لبضاعته شرّايه=والا يروح بضاعته مركومه
للرجل علمين وماله ثالث=اما بياض الوجه والا ظلومه
جربت انا حلو الزمان ومره=ومن الدهر كم جاتني ملطومه
صغير سن ومير عقلي شايب=قانع بأن ارزاقنا مقسومه
وانا احمد الله شاعرٍ و مخاوي=جنيتن في وادي بتنوّمه
جنيتن ما قد عصتني لله=ريموت برمجته معي مفهومه
اليا بغيت ادعي لها (سلجاكو)=وصفق يدي ترحيبةٍ بقدومه
ما كنها الا ويش هو ياربي=نورٍ وحالت دونها بغيومه
أرسلتها يم الكويت تّروح=ابغى تقضّي حاجتن ملزومه
ثم قالت اسمع والله اني مقدر=دون الكويت الخفجي الملغومه
قلت أذهبي للمنتدى ثم قولي=يا مرحباً ترحيبةٍ محشومه
يا مرحباً يا لوايلي وتسلم=قافٍ جميل وطرقتن مهضومه
لا فض فاك ولا عليكم زايد=ستر العذارى لا تثارى كومه
منهو زبنكم ما يشوف القاصر=لو طالبه كسرى وقيصر رومه
نعمين يا صلب الخفاجي عامر=أزحول تّرغم ما هي أبمرغومه
بين الامم غصبن على اللي يرضى=الوايلي له كلمتن متمومه
اليا وقفتوا ما عليكم طائل=قال المثل كلن وله محجومه
واليا انتحيتو فالتواضع جيد=ما فيه خوف اموركم محكومه
واليا رميتو رميتن هدّافه=سبحان ربي كنها مرسومه
نومستني يا النومسي بعلومك=الله ينومس من تسر أعلومه
وختامها لاحت علي برّاقة=وصحيت يوم ان قفت الجاثومه
وأزكى تحايا من ضميرن صادق=بالفل والريحان واليشمومه
[/poem]

وســــــــــــلامتكم
العبيدي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:35


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir