مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

إضافة رد
 
أدوات الموضوع انواع عرض الموضوع
قديم 5th January 2006, 00:04   #1
الكاشف
شاعر
 
الصورة الرمزية الكاشف
 
تاريخ التسجيل: Oct 2004
المشاركات: 98
محاورة بين شايب وبنت ـــــــــــ:)

السلام عليكم ورحمة الله وبركاته

أسمحولي على التأخير .

بدايه القصه عن شايب اسمه حمدان وهواوي
( قلبه خضر ) ما يشوف بنت الا ينفتن ومشهور بانه حبيب

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه
واضحكه شوي واشوف ردة فعله كيف تكون :
راحت له وردت عليه السلام كيف حالك يا شايب رد السلام والله بخير الله يعافيس
وفجأه عطته ظهرها ومشت ولا استإذان ولا شي ؟؟
ولع الشايب من حركتها قال فيها كم بيت يستعطفها فيها ويقول انها ذكرته الماضي
و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يقول الشايب :
>>>>>>>>






يا بنت خوذي خاطري وارحميني
لا تجرحين العود بعيونك السـود
غضي نظرك وغطي الوجنتينـي
لعل يومٍ جدد الجرح مـا يعـود
يوم انتهى مع مرمسات السنينـي
جتني صواديفه على غير مقصود
باول شهر عشره نهـار الثنينـي
حمدان مروا به على جنازة حمود




البنت كانت تقصد من استفزازه انها تجاريه في الشعر وترد عليه والمسكين ما كان
يدري انها شاعره وعلى باله ما خذ راحته في التغزل ردت عليه وهزأته تقول
>>>>>>>>>>>>>>






يا شايب الرحمن وينـك ووينـي
عزي لحالك قدمك الباب مسـدود
قلبك عطوف وجاه قلـبٍ متينـي
والبنت ما تشفق على مغازل العود
حبل الرجا مقطوع بينـك وبينـي
مثل الغليث اللي رعا قلبه الـدود
اقفى شبابـك والعـرب مقبلينـي
يا عود ما يرجع من العمر مفقود




حطمته يوم قالت له انك عود وان الشباب ما يرجع وان ما فيه امل تعطيه وجه حس
العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه

يقول حمدان :

>>>>>>






يا بنت صدي بالعيـون الظليلـه
لا صد عنـك الله نهـار القيامـه
مالي ومالـك يالفـروع الطويلـه
لو فيك من رسم البـداوه علامـه
يابنت مـا لـي بالثمانيـن حيلـه
اهدف كما تهدف على البير قامـه
اقفى شبابي والدهر شفـت ميلـه
يالله حسـن الخاتمـه والسلامـه
اعطيك موجز والبضاعـه قليلـه
واخذت لك من صافي الماء سنامه




راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين
لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي
منها غير التحيه والترحيب
يقول حمدان >>>>>>




يا بنت ما جاس الكبـر والخشونـه
وعادت شباب اليوم يجفل من الشيب
ياسرع ما وبلـك تمـزع مزونـه
يالفاتنه يـا ام الثمـان الرعابيـب
يا بنت مـا بينـي وبينـك مهونـه
كلمة شرف نبي تحيـه وترحيـب
الله مـن عـودٍ ثقيـلـه طنـونـه
ينصاه راع المشكلـه والمواجيـب
على الكرم والديـن نفسـه حنونـه
تلقاه بالاجـواد شـرق وتغاريـب




جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت وقفلت على العجوز في
غرفه وقالت مثل ما جيتي بابياته ترجعني بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه حتى
لو حاول يستعطف
تقول البنت >>>>>







العود عود وطايحـاتٍ سنونـه
من كثر ما يرقد على جرة الذيب
عودٍ مهرقل والعرب ما يبونـه
ياعود ما لك في طويل المراقيب
اقفى شباب العود راحت حتونه
مثل اليتيم اللي بكا ما له مجيب
جداه ينثر دمعة ٍ مـن عيونـه
غريق موجٍ ما لقا له مقاضيـب




منقول من بريدي

دمتم بود

الكاشف
الكاشف غير متواجد حالياً   رد مع اقتباس
قديم 5th January 2006, 01:34   #2
علي بن مديبغ
شاعر
 
تاريخ التسجيل: Nov 2004
المشاركات: 332
الله لا يهينك


عزالله لو اني مكان ذ الشايب

كاااااان علوووم




ولا هنت على هالمحاوره الطيبه



تحياتي..
__________________
يكفي ليا ذِكرت فعول القبايل...لي لابةٍ متنومس إبها ولدها
علي بن مديبغ غير متواجد حالياً   رد مع اقتباس
قديم 5th January 2006, 04:01   #3
مــحمــد بن ثاقب
عضــــو فعــال
 
الصورة الرمزية مــحمــد بن ثاقب
 
تاريخ التسجيل: Aug 2005
المشاركات: 378
الله لايهينك يابو فـــــــــهــــد
على نقل القصه والمحاوره
وانت تراك مبطي ماشاركت
ومشاركتك هذي تعوض غيابك

لاهنت
مــحمــد بن ثاقب غير متواجد حالياً   رد مع اقتباس
قديم 6th January 2006, 03:51   #4
الفياض
عضــــو فعــال
 
الصورة الرمزية الفياض
 
تاريخ التسجيل: Dec 2005
المشاركات: 323
والله يالكاشف كشفت عن قصة حلوة وربي
الفياض غير متواجد حالياً   رد مع اقتباس
قديم 20th January 2006, 01:27   #5
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
حياك الله يالكاشف




الله يعين الشايب طاح له فبنت مو بسيطه :)




لاهنت يالكاشف على هالمحاوره الرائعه





دمت بود
.
مبارك الزعبي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 22:36


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir