مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

إضافة رد
 
أدوات الموضوع انواع عرض الموضوع
قديم 11th July 2006, 13:23   #1
سيف القبيله
عضــــو مميــز
 
تاريخ التسجيل: Dec 2005
المشاركات: 900
محاورة بين الشاعر عبدالله بن عتقان والشاعر صياف الحربي

عـبــدالله بـــن عـتـقــان
سلامي على اللي شرفوا حفلة الاستاد ***** فهد راعي الوقفات والمذهب الوافـي
تقابلت مع صياف صدفه بـلا ميعـاد ***** وأنا بنتهزها وأخـذ أخبـار صيافـي


صــيـــاف الـسـحـيـمــي
هلا مرحبا مليون يالطرقـي النشـاد ***** ياراع العلوم البيض والمنهج الصافي
تقابلت مع صياف كنـك ولـد عـواد ***** تبا تقضي المشوار وتـروح متعافـي


عـبــدالله بـــن عـتـقــان
بعد قاعدوك الربع ياريـس الأفـراد ***** أخير إلك تال الوقت تسعى وتطافـي
ولو مت في شعبان وألا بشهر جمـاد ***** ترى يفرح العتبان موتك والأشرافـي


صــيـــاف الـسـحـيـمــي
الا واخسارة من ركبها بغيـر إشـداد **** تحول به الغبـه ولا عـاد ينشافـي
أنا معتبرهـا هرجـه ودلـه وبـراد ***** ولا اسري ظلام الليل بالمشعل الطافي


عـبــدالله بـــن عـتـقــان
ألا واخسارة قـل صيـاف مايـزداد ***** أشوفه يقدمها على أرباع وأنصافـي
إذا ثوب اللي لابسه يالسحيمـي بـاد ***** على البنك ماتصلح ياصياف صرافـي


صــيـــاف الـسـحـيـمــي
بلش في قرون الثور عنتر ولد شـداد ***** يواذيـه قعـادي ويوذيـه وقـافـي
بدف العرب من قدم وأدفهم من غـاد ***** وكـلٍ يـدور قبـره البـارد الدافـي


عـبــدالله بـــن عـتـقــان
أشوفك نويت الشر ياطاغيـة بغـداد ***** ياكافي من اللي يبعث الشر ياكافـي
تهرج وسولف ياجوديٍ من الأجـواد ***** وانا يالسحيمي منك ماضاق محرافي


صــيـــاف الـسـحـيـمــي
ثلاثين بندق ثوروهـا بـدون أزنـاد ***** وأنا جيتهم دكتور مير المرض خافي
تراني بسولف معك لجل الملح والزاد ***** لعلك يأبن عتقـان رجـال وسنافـي
سيف القبيله غير متواجد حالياً   رد مع اقتباس
قديم 10th August 2006, 03:51   #2
سطام
عضــــو
 
تاريخ التسجيل: Jul 2006
المشاركات: 56
السلام عليكم .............

يا سلام .. يا سلام

صح لسان الشاعرين

الشاعر الكبير :: صياف بن عواد الحربي

والشاعر الكبير :: عبدالله بن عتقان السلمي

والله لا يهينك يا سيف القبيله على

نقل المحاورات الجميله و الممتازه

من شعار كبار مثل .. بن عتقان .. و صياف

يعطيك العافيه ...

تقبل تحياتي :: اخوووووك :: سطام الزعبي
سطام غير متواجد حالياً   رد مع اقتباس
قديم 11th August 2006, 05:07   #3
سيف القبيله
عضــــو مميــز
 
تاريخ التسجيل: Dec 2005
المشاركات: 900
اخي اشكرك على ردك ومرووورك الكريم

لاهنت يالقررم

ويعطيك الف عافيه


اخي لاتحرم مشاركاتي من تواجدك


دمتـ بووود
سيف القبيله غير متواجد حالياً   رد مع اقتباس
قديم 12th August 2006, 12:22   #4
ابوجاسم
عضــــو نشيــط
 
الصورة الرمزية ابوجاسم
 
تاريخ التسجيل: Dec 2004
المشاركات: 150
الله الله
الله يعطيك العافيه يا سيف القبيله

وما قصرت على المحاورات الجميله
__________________
ابوجاسم غير متواجد حالياً   رد مع اقتباس
قديم 14th August 2006, 05:26   #5
سيف القبيله
عضــــو مميــز
 
تاريخ التسجيل: Dec 2005
المشاركات: 900
ابوجاسم


ياااهلااا وياامرحباااا



الله يعافيك ويسلمك


ومنوور الموووضوع


دمتـ ودام وجودك
سيف القبيله غير متواجد حالياً   رد مع اقتباس
قديم 16th February 2007, 16:15   #6
الشعب
عضــــو
 
تاريخ التسجيل: Aug 2005
المشاركات: 23
محاوره ممتعه مشكور
الشعب غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:35


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir