مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 20th July 2006, 03:51   #1
فهد بن رمضان
شاعر
 
الصورة الرمزية فهد بن رمضان
 
تاريخ التسجيل: Sep 2005
المشاركات: 31
مساجلة يني وبين الشاعر خالد بن فهد

" السلام عليكم ورحمة الله وبركاته "

أخواني أول شي أعتذر عن الغيبة والسبب جهلي بالنت

ولكن مهما غبت عن هالوجيه الطيبه فأنا معهم بالقلب والروح

وثاني شي أحب أضع بين أيديكم هذه المساجلة بيني وبين الشاعر المبدع والغني عن التعريف
خالد بن فهد بن سلامه

أنا أقول /




[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
راكب اللي تقطع البيدا بلا قير ومكينه=خلق ربي من سلايل هجن قابوس العماني
لا تمثنت تشفي النفس العيوف إمن الغبينه=دارب ٍ تكره عصى ركابها ولا تعصاني
ناصي إبها صاحب ٍ لا غاب عني قلت وينه=وإن تباطاني نشد عني ويلقاني مكاني
جعل ربي يبطي بعمره وتبطي به سنينه=ذخري إن ضاقت علي القاع وإفتر الزماني
إبن عمي مكرم الضيفان ذباح السمينه=خالد اللي له بوسط الصدر تقديراً وشاني
إن نصيته ما رجيت إلا السعد في شوف عينه=وإن نصاني يبشر بعزه إلى منه نصاني
يا إبن أبوي الليل يسري والوعد بيني وبينه=هاجس ٍ يبحث خفا نفسي على المسرى حداني
وضيقةٍ جتني على التوقيت والصدر وونينه=وما إنتحت يالين جريت اللهن والليل داني
والله إني من زمان العام في حرب وضغينه=بين هم وبين شي ما لقيناله معاني
ووالله إني ما هقيت الطيب يعطى جاحدينه=لين بار الطيب في كف الرفيق القلباني
واحد ٍ ما ياخذ أمجاد المروة في يدينه=ليه أعده صاحبٍ لي أو أعده من خواني
لحيتي عزيتها عن نافخ الكير وقرينه=ما تدنسها يدين إبليس يوم الله نهاني
ويوم عند الناس هرج الصدق يآتيبه جهينه=إترك جهينه وخذ علم الحقيقة من لساني
رفقة الطيب مع الطيب مكاسبها ثمينه=مايجيها الزيف مثل الختم في صك البياني
وصاحبي من قال أنا بالضيق وأطلق حاجبينه=بغير لين الجانب ودمح الخطا مابه لياني
ذاك أعزه وأسعد الأوقات بمصافح يمينه=وأفتخربه لاطرى طاريه وأعده وزاني
وعقبها وش عقبها والوضع غصب معايشينه=كل مافارقت هم أبلش وأطيح بهم ثاني[/poem]


ورد خالد يقول/


[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
راكب اللي يشرح الخاطر وتو مصدرينه=وارد ٍ توه من الساير قصير البهبهاني
صانعينه للخليج وكل دربٍ خابرينه=كامل ٍ بمواصفاته لا يذم ولا يهاني
وجهتي يم الديار اللي بها روحي رهينه=كل ما طفت المراكز زال همي وإمتحاني
حبها من حب أهلها وإبن عم ٍ ذاكرينه=ينذكر بالطيب لا عدوا طويلين اليماني
ياعسى عمره طويل ويرحم الله والدينه=شايبٍ رباه جعله ينعم بخضر الجناني
فيه من شعره ومن زوله ومن حلمه ودينه=وفيه من ممشاه لامنه سمع صوت الأذاني
هو عوين ٍ لي على الدنيا وأنا والله عوينه=ما توخر عنه بالدنيا إذا الداعي دعاني
ويا إبن أبوي اللي تقوله بالزمان مشاهدينه=ذا زمانٍ ما على الصاحب شهود ولا ضماني
وأنت لاخاويت دقق بالرجل وإنظر جبينه=بعضهم ينبيك وجهه عن سواليف اللساني
والرجال أنواع والطيب عسى الله لايهينه=يشهر بفعله سواة الذيب عن فعل الحصاني
والليالي مدرسه والدرس حنا حافظينه=إعرف إنك قبل ما تشكي لفاني ما كفاني
صدت الدنيا معي مثل السكاكين السنينه=كم مضالي يافهد من غش الأصحاب ودهاني
صاحبٍ تحسبه درع وساعة الشدة يشينه=مانبي نفعه لكن المشكلة لامن بلاني
وإنت إبن عمي وربعك كل طيب مقلطينه=والردي خله يولي لايدين ولايداني
والبخيت اللي يجنب حاسديه وشامتينه=والمنازل فرقها بين الرفيعه والطماني
ويافهد حديتني والشعر مبطي تاركينه=ياعساني قلت ماجمل وينفع ياعساني
وعقبها وش عقبها والعلم جا وقته وحينه=والحقيقة واضحة غير الهقاوي والأماني[/poem]




وسلامتكم
فهد بن رمضان غير متواجد حالياً   رد مع اقتباس
قديم 20th July 2006, 04:00   #2
سيف القبيله
عضــــو مميــز
 
تاريخ التسجيل: Dec 2005
المشاركات: 900
ناجح

الله الله الله الله

وربي قصيده جزله وموزونه...


صح لسانك وسلمت اناملك ياغالي....

وصح لسان خالد ....

وربي يعطيك العافيه ولاتحرمنا هذا الابداع..


تقبل مني ارق التحايا لشخصك الكريم..


تحيتي لك..
سيف القبيله غير متواجد حالياً   رد مع اقتباس
قديم 21st July 2006, 09:34   #3
ابوهلا
إدارة الموقع
 
تاريخ التسجيل: Jan 2003
المشاركات: 2,030
رائع يافهد صح الله لسانك

شاعر جزززل بمعني الكلمه لاتبخل علي ربعك بجديدك


وصح الله لسان الشاعر المبدع خالد

رد جزل ووافي من شاعر ليس الابداع جديدا عليه




ردّيه فاخره
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 21st July 2006, 22:23   #4
هاجوس
عضــــو
 
تاريخ التسجيل: Nov 2005
المشاركات: 27
الله الله

رديه يطرب لها القلب

صح الله السنتكم

قمه بالأبداع
هاجوس غير متواجد حالياً   رد مع اقتباس
قديم 24th July 2006, 14:52   #5
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
صح الله السناتكم

ولاهنت على نقل الجزل

لاعدمناك
العبيدي غير متواجد حالياً   رد مع اقتباس
قديم 24th July 2006, 18:22   #6
الفهد
شاعر
 
تاريخ التسجيل: May 2003
المشاركات: 75
وعليكم السلام ورحمة الله وبركاته
صح السانك يافهد وصح السان ابوفهد
ولله يبيض وجيهكم
وحنا بنتظار الجديد
الفهد غير متواجد حالياً   رد مع اقتباس
قديم 28th July 2006, 02:53   #7
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
صح لسانك يا فهد

قصيده رائعه




وصح لسان الشاعر خالد

رد لا يقل روعه




سلمت يداك على مانقلت ..


لاهنت
مبارك الزعبي غير متواجد حالياً   رد مع اقتباس
قديم 2nd August 2006, 02:21   #8
سطام
عضــــو
 
تاريخ التسجيل: Jul 2006
المشاركات: 56
رديه رائعه

وصح لسانك يا فهد

وصح لسان الساعر بن سلامه

ولاااااااهنت .. يعطيك العافيه
سطام غير متواجد حالياً   رد مع اقتباس
قديم 6th August 2006, 03:44   #9
سطام
عضــــو
 
تاريخ التسجيل: Jul 2006
المشاركات: 56
اسمحولي يا الربع غلطت ... بالـــ(ش ) ــاعر


صح لسان الشاعر : فهد الرمضان

و الشاعر الكبير : خالد بن فهد

اخوكم : سطام خالد الزعبي
سطام غير متواجد حالياً   رد مع اقتباس
قديم 24th August 2006, 02:59   #10
فهد بن رمضان
شاعر
 
الصورة الرمزية فهد بن رمضان
 
تاريخ التسجيل: Sep 2005
المشاركات: 31
سيف القبيله
لاهنت على المرور

والكلام الطيب

لاعدمتك يالقرم
فهد بن رمضان غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:01


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir