مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 20th December 2004, 19:24   #1
سلمي من الحجاز
عضــــو
 
الصورة الرمزية سلمي من الحجاز
 
تاريخ التسجيل: Oct 2004
المشاركات: 72
أجمل أبيات للشاعر الكبير ( أدخل وشاهد )

قصيدة للشاعر الكبير حمد بن هادي المسردي

[poem font="Simplified Arabic,5,black,bold, normal" bkcolor="transparent " bkimage="backgrounds/2.gif" border="none,4,gray" type=0 line=0 align=center use=ex num="0,black"]
يقـول اللـي برسـم iiالقافيـات = يصوغ القاف صوغ iiمجوهرات
إلى منـه بغـا نظـم iiالقصيـد = فـلا يختـار غيـر iiالطيبـات
تنقـا مـن نظيفـات iiاللـحـون = على كيفه مـن القـاف iiكلمـات
محاريف القوافي لـو iiتعصـت = أصخرها ولو هـي iiعاصيـات
تخيـرت الكـلام اللـي iiيفـيـد = وجنبـت العـلـوم iiالتافـهـات
وأنـا قاسيـت شـدات iiالزمـان = وذقـت أمرارهـا iiوالحالـيـات
ومن قاسى علـى الدنيـا شدايـد = يفيـد ويستفيـد مـن iiالحيـات
وأنا مانـي بقـول انـي خبيـر= ولانـي بـا أدعـي iiبمقـولات
درست من المعرفه مـا iiتيسـر= وصرت أعرف علوم ٍ iiموجزات
وعشت مـن الحيـاة الله واعلـم = عن اللي من سنين العمـر iiفـات
عرفت أطـوار نيـات iiالرجـال = وشفـت أسرارهـا iiالمتخالفـات
وميزت الرفيـع مـن iiالوضيـع = وقلـت الحـق والعلـم الثبـات
ترى في الناس من يجلى iiالهموم = عن المضيـوم عنـد iiالنايبـات
يسد النوب مـن كـل iiالنواحـي = ويركـي للحمـول iiالكـايـدات
عزيز النفـس لـو مالـه iiقليـل = ايدينـه بالوفـا مستـاصـلات
عزيز النفـس لـو مالـه iiقليـل = احبـالـه للـمـكـارم iiواردات
عزيز النفـس لـو مالـه iiقليـل = اشبـوره للمراجـل iiطـايـلات
ولا ظنيـت بـه ظـن ٍ بطيـب = تشوف رسوم ظنـك iiراسيـات
وليمنـك نخيتـه فـي iiلــزوم = بذل لك في قضـاه iiالمعجـزات
وليمنك نصيته وأنـت iiضيـف = يقـوم لـك بجميـع iiالواجبـات
وفيهـم مـن يزيـد الهـم iiغـم = ولا ينطـح وجيـه iiالمكرمـات
واضعيف النفس لو ماله iiكثيـر = سواً به فـي حياتـه iiوالممـات
واضعيف النفس لو ماله iiكثيـر = عن الطوله شبـوره iiقاصـرات
واضعيف النفس نذل ٍ مـا iiيفيـد= وجـوده والعـدم متسـاويـات
بخيـل ٍ فـوق دنيـاه iiوذلـيـل = وعن الامجاد طبوعـه iiشـاذات
يقوله واحـد ٍ جـرب iiوشـاف = وصار يقول عقـب التجربـات
على قول الـذي بالقـول iiفـاز = سبقني في العصور iiالماضيـات
جـزا الله الشدايـد كـل iiخيـر = عرفت بهـا القـدا iiوالمخطيـات
وعرفت بها العدو من iiالصديـق = جزاهـا الله عنـي iiبحسـنـات
فيا سامـع كلامـي لـك iiعلـي = نصايـح كالجواهـر غالـيـات
ولا أريد الجـزا إلا مـن iiإلهـي = ثـواب الله خيـر iiالجـايـزات
عليـك بطاعـة الله ذو iiالجـلال = إلـه الـكـون رب iiالكايـنـات
جليل الملك ذو العـرش iiالعظيـم = ومن الأفـلاك بأمـره iiدايـرات
مغيث المستغيث إليـا iiأستغـاث = وقهـار الجبـابـرة الطـغـات
ولي الأمـر عالـم كـل iiشـي = ولا تخفـى عليـه iiالخافـيـات
محـب العفـو غفـار iiالذنـوب = وله حسنات الأسمـا iiوالصفـات
وسيـع الحلـم رحمـن ٍ iiرحيـم = وعفـوه واسـع ٍ iiللمغـفـرات
وهو معبودنا المحيـي iiالمميـت = وعلـم الفقـر بيـده iiوالغنـات
عليك بطاعته فـي كـل iiحيـن = وقم لـه بالفـروض iiاللازمـات
شهادتـك وصلاتـك iiوالصيـام = وحـج البيـت واداي iiالزكـات
وبر الوالديـن احـرص iiعليـه = وفعـل الباقيـات iiالصالـحـات
وقل معروف وأنه عن المناكـر = وأتق ذنـب رجـم iiالمحصنـات
ولا تنقـل كــلام ٍ بالنميـمـه = وتظلم لـك نفـوس ٍ iiغافـلات
ترى المولى عـن العالـم غنـي = ومـن طاعـه ينـال الأمنيـات
كريم ٍ لا عطـا ماهـو iiبخيـل = ومداتـه جــزال ٍ iiوافـيـات
ليا منه عطـى جـزل iiالعطايـا = وهو حلال صعـب iiالمشكـلات
تراه اللي ليـا ضاقـت iiعليـك = يفرجهـا مجـيـب iiالـدعـوات
مزيـل الهـم رزاق ٍ iiمعـيـن = علـى خلقـه عيونـه iiمرقبـات
عظيم الشـان حـي ٍ لا iiيمـوت = مديـم ٍ والخـلايـق iiفانـيـات
وكن مستامن ٍ به وأمش iiوامـن = والأقـدار بفلكـهـا iiماشـيـات
ولا تحـزن وعانـد كـل iiهـم = ولا بـد الشـدايـد iiزايــلات
ولا شفـت المحقريـه iiبـديـره = فلـرض الله فجـوج ٍ iiواسعـات
بدل دار ٍ جفـاك اللـي iiسكنهـا = اتحصـل لـك ديـار ٍ iiثانيـات
فحث الرجل وأرحـل لا iiتبالـي = ولا تبقـى عزومـك iiفاتـرات
ودس بالرجل غبـات iiالمخاطـر = ولا تحسب احساب iiمخاطـرات
فلا يجري لك الا ما كتـب iiلـك = ولا ياقـاك عنـه iiمـحـاذرات
وهاجر عن ديـار الـذل تربـح = وسافـر للـديـار iiالنـازحـات
ترى الأسفار سجـات iiوغنايـم = وكـم للبـال فيهـا iiتسلـيـات
ترى الأسفـار للعاقـل iiمفيـده = تفيـدك مـن جميـع iiالناحيـات
تعرفـك الـرجـال iiالطيبـيـن = ذوي سـاس العلـوم iiالغانمـات
وتجعل همـة اعزومـك iiقويـه = وتعطيـك الـدروس iiالكافيـات
وفيها للمعـاش أحسـن iiوسيلـه = وفيهـا للنصيـب iiمصـادفـات
وسجـات النفَـس فيهـا iiوفيهـا = لعمر المرء في الدنيـا iiطـرات
تحرك في فجـوج الله iiالوسيعـه = يجيك الرزق من كـل iiالجهـات
ولا ترضى الكسافـه iiوالمهونـه = تشوف من المعاديـن iiالشمـات
وترى عمر الفتى ماهـو بدايـم = وترى آجال النفـوس iiمحـددات
ونيل المجـد فـي قـوة iiالإراده = وطـلاب المعالـي مـا يبـات
يدور للعـلا لـو كـان يتعـب = وعيونه فـي طلبهـا iiساهـرات
فـلا تغتـر بالنـوم العمـيـق = تراه يضيعـك عمـق السبـات
تغانم دام لـك قـدر iiإستطاعـه = وما دام الفرص لـك iiسانحـات
وليمنـك بذلـت الجهـد iiفأعلـم = تـرى أرزاق العبـاد iiامقـدرات
فكـن صابـر وأقنـع iiبالمقـدَرْ = ولا تندم على مـا كـان iiفـات
ترى الأرزاق مـا تاتـي iiبقـوه = ودنيانـا تراهـا خـذ iiوهـات
ورزق الحي مضمون ٍ iiوجـاري = إليـا حتـى تلاقيـه iiالـوفـات
ولكـن التسبـب شـي iiواجـب = ومن يزرع سيجنـي iiالثمـرات
وترى من جد لابـد انـه iiياجـد = كلام أهـل العقـول iiالزاكيـات
وليمنه بـذل جهـده ولا أحـرز = مرامـه مـا عليـه معاتـبـات
ونفسـه مـا يلحقهـا iiحسوفـه = بقولـه مـا عملـت iiمحـاولات
اليـا مـن الليالـي iiعاكسـنّـه = وحظه مـا سعـى iiبمساعـدات
فيـدري بـان هـذي دبـرة الله = ويبقـى قانـع ٍ iiبالحـاصـلات
وخير الناس من يعطى iiالقناعـه = ولا أشقى من نفوس ٍ iiطامعـات
وعندي غير مـا قلتـه وصايـا = على المعنى الصحيح iiامسيسـات
اليا منك بغيت تصون iiعرضـك = وتحضـى بالمزايـا iiالكامـلات
فلا تمشي معـا الأنـذال iiدايـم = وساير لـك رجاجيـل ٍ iiثقـات
ومن لا شـاورك لا iiتستشيـره = ولو عنـد الظـروف iiالقاسيـات
وكُن صامت فإن الصمت iiحكمه = وهيبـه داخــل iiالمجتمـعـات
وكُـب الثرثـره بالـك iiتلجلـج = فلا يبقى على هرجـك iiشفـات
وكثر الضحك نقص ٍ iiبالمهابـه = فلا تضحـك بـدون iiمناسبـات
ولا تنطق بغير الصـدق iiدايـم = ولا تبـدي اهـروج ٍ iiكاذبـات
وكُن متواضـع ٍ بالـك iiتكبَـروخـل أخلاقـك دايـم عاليـات
ولا تشكي على حي ٍ سـوى iiالله = اليا شفت الظـروف iiمعاكسـات
ولا تبدي علـى الأنـذال سـدك = ولا بـد الشـدايـد iiزايــلات
ولا تنسى عليـك بحفـظ iiحقـك = ترى ليس الكـرم iiبمناضحـات
وعن التبذير صُن مالك iiيصونك = اليا جات الظـروف iiالقاسيـات
ترى ماكل من يضحـك iiيفيـدك = اليا صـارت يدينـك iiخاليـات
وعز الجار فـان الجـار iiقـدره = على المسلـم مـن iiالمستلزمـات
وظيفك بش فـي وجهـه iiوقـدم = له الماجـود حسـب iiالمقـدرات
وحذراك الخيانـه فـي iiخويـك = ولا ترضـى عليـه iiمحايفـات
وحذراك الغـرور أول شبابـك = ترى طرق الغـرور iiمضيعـات
وليا ثار النشـب بيـن iiالمقـرد = فجنـب والعواقـب iiمرضيـات
ولا تخطي ولا يخطـى iiعليـك = وبالـك تعتـرض iiلمعرضـات
وليا جاك الخطا من يـم iiجاهـل = فـداره بالهـروج iiالمقنـعـات
لعلـك تقنعـه بأحسـن iiوسيلـه = وبيبـان الحمـاقـه iiمقـفـلات
وان لم يقنـع الجاهـل iiبعـذرك = وأمـوره شفتهـا iiمتـوتـرات
فكن عاقـل وحـذراك iiالجهالـه = وحسّـب للقـوافـي iiقافـيـات
ليا جهل الجهول العقـل iiضـده = فلا تحسـب لأمـور ٍ مهمـلات
مضى وقت الجهل وأقفى iiوولـى = معـا غبـر السنيـن المدبـرات
وليا مد الجهـول ايديـه عامـد = وصارت مـا تفيـد iiمفاهمـات
فحاول تقنعه فـان كـان iiعانـد = فـلا للنكـر غيـر iiالمنكـرات
وردع الجهل ما يحسب iiخطيـه = ويحسب من الأمـور iiالمقديـات
خصوصاً لأنتهى مقدار iiصبرك = وشفت من الخصيـم iiمعانـدات
فلا يرضى علـى نفسـه iiمذلـه = يكون اللـي عزومـه ناقصـات
ردي الخال نذل ٍ وابـن iiهامـه = ولاش ٍ والـروابـع iiخــاذلات
وليا منه قضى صبـرك وغلـق = وشفت ان مالحلـول iiبمجديـات
فدافع دون عرضـك iiوالكرامـه = وخاتمتك ليا مـا جـات iiجـات
والأجل مقدر ٍ والمـوت iiواحـد = والأنفـس كلهـا لـه ذايـقـات
ولا ياقـى الحـذر ممـا iiيقـدر = لا بـد أحكـام ربـك iiنافـذات
وهذا ما أستطعت من iiالنصايـح = نصايـح ثابـتـه iiومـوكـدات
يقولـه واحـد ٍ والكـامـل iiالله = يوصي وما عمـل iiبالتوصيـات
أوصيكـم وأنـا والله مقـصـر = قصور ٍ مـا تغطـه iiلأورقـات
خصوصاً من جهة ما يرضي الله = وهذا اللـي بـه أكبـر iiفايـدات
عسى ربـي يسامحنـي iiويغفـر = ذنوبـي الآتـيـه iiوالسالـفـات
ولكن ياهل العـرف أعذرونـي = اليا قصرت فأبغـى iiالمعـذرات
وصلى الله على المختـار iiطـه = عـدد مانسنـسـن iiالـذاريـات
شفيع الخلق فـي يـوم iiالملاقـا = وكل الخلـق حافيـن ٍ iiعـرات
رسـول الحـق سيدنـا محمـد = عليه من الإله أزكـى iiصـلات [/poem]

منقول ،،،

أتمنى أن تعجبكم
سلمي من الحجاز غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:43


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir