مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 22nd June 2004, 06:27   #1
المجهول الجديد
عضــــو
 
الصورة الرمزية المجهول الجديد
 
تاريخ التسجيل: Jun 2004
المشاركات: 52
ابي بنت في هالمواصفات

خوية درب عمري ماخذاني دونها النسيان
وأنا يا اهل الملامه ما رغبت العيش وحداني

+ + + + +

أبيها مهره ماعسفت صغيره وبنت حصان
ابوها اللي يفك المشكله ويزبن الجاني

+ + + + +

واخوها لا تعزوى باسمها فزوا لها العربان
يحق لها الفخر في قولة آل فلان جداني

+ + + + +

أبيها في بحر عشرين لا زود ولا نقصان
أبيها اقصر طويلة والوصوف اشكال والواني

+ + + + +

أبي الجبهه كما الصبح وكما القوس اسود الحجان
وابيها ناعسات ونرجسيه سود الاعياني

+ + + + +

ابي رمش كما ريش يغطي الثلج في الاوجان
وابي جفن يشيل الرمش طربان وكسلاني

+ + + + +

ابي خد كما ورد تنّمى في طرف بستان
وابي خشم صغير ومثل حد السيف شاماني

+ + + + +

ابي البسمه كما البرق وثناياها كما المرجان
شفاها جمرتين وفمها خاتم سليماني

+ + + + +

ابي شعر مثل ذيل الفرس لا طبّت الميدان
او الشلال لامن بات ليله بين الامتاني

+ + + + +

ابي جيد سوات ابريق فضه ناتق مليان
وصدر كنه مرايه عليها طلع رماني

+ + + + +

ابي ظهر كما الجدول وقدّ مثل غصن البان
وخصر مثل مجدول العنان وجسم روياني

+ + + + +

ابيها نابية ردف وبطن ظامر جوعان
ابيها مدمج ساق وقدمها لسان ثعباني

+ + + + +

ابيها بنت عز من رغدها ينعم الفستان
ابي الرقه وابي الدقه لها باطرافها شاني

+ + + + +

ابي المشيه كما اللي طالع من المعركه كسبان
وابيها ترش مع خطواتها مسك وريحاني

+ + + + +

ابي صوت الى مني سمعته كن فيه الحان
يدغدغ مسمعي ويثير كل السحر فاشجاني

+ + + + +

ابيها حب واخلاص وهواجيس وفرح واحزان
ابيها مثل ما دكتور اهالي العشق وصاني

+ + + + +

ابيها لوحة ما صورتها ريشة الفنان
ابيها جوهره ما جابها قاصي ولا داني

+ + + + +

ابيها تنتصر لي من زمان حطني نيشان
وتبشر بالغلا اللي مالفى به واحد ثاني

+ + + + +

مهرها قلب وشعر يهز القلب والوجدان
وألبسها القصيد وتصبح اوزاني وقيفاني
+ + + + +

ابي اللي فات واللي فات صعب ومن لقى العنوان
يرد العلم ولا افضل ابقى اعيش وحداني


وسلامتكم





منقووووووووووووووووو ول
المجهول الجديد غير متواجد حالياً   رد مع اقتباس
قديم 22nd June 2004, 11:55   #2
SAGER2000
عضــــو نشيــط
 
الصورة الرمزية SAGER2000
 
تاريخ التسجيل: Apr 2004
المشاركات: 166
SAGER

صح لسان الشاعر
ولا هنت على النقل يا ابن منيف
كل منا يبي مثل ما وصف الشاعر
ههههههههههه
وتقبل تحياتي
SAGER2000 غير متواجد حالياً   رد مع اقتباس
قديم 22nd June 2004, 15:55   #3
الـبدر
عضــــو نشيــط
 
الصورة الرمزية الـبدر
 
تاريخ التسجيل: Jan 2004
المشاركات: 109
صح لسان الشاعر/ناصر القحطاني

وتسلم يمينك على النقل الرائع

وتبي الصدق بودي المواصفات للخطابة وبدورلك يابن منيف

تحياااااتي للجميع:

البدر
__________________
الـبدر غير متواجد حالياً   رد مع اقتباس
قديم 27th June 2004, 06:31   #4
بن رشيد الزعبي
عضــــو
 
تاريخ التسجيل: Jun 2004
المشاركات: 5
السلام عليكم صح السانك ولسانه ولاهنت ومواصفاتك صعبه مير الله يرزقك واسمحولي بهالمشاركه بهجينيه بسيطه لبن رقاص ونتمنى ان تنال اعجابكم

[poet font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالعين لج بالهوى لفته ....ماانت على دين الاخواني
هو معجبج واحد شفته ...عوده من الزين رياني
شفته وحفته ووالفته ... قفا بقلبي وخلاني
الاوله ليت ماشفته ....والثانية ليت ماجاني
والثالثه يوم واجهته ....جذ المعاليق وابكاني
الكحل بالعين سايجته ....كن الهدب ريش غرباني
والثوب بالزري ناقشته ....كنه مساحيب ديباني
والردف للثوب شايلته .....الحجل بالساق رناني
والنهد للثوب شايلته ....كنه طلاليع رماني
يامل قلب يبي عفته ....ياما عذلته وعياني
[/poet]
بن رشيد الزعبي غير متواجد حالياً   رد مع اقتباس
قديم 7th August 2004, 01:44   #5
أبو راشد
عضو
 
الصورة الرمزية أبو راشد
 
تاريخ التسجيل: Jul 2004
المشاركات: 13
مسااااااكم الله بالخير جميعا

الله يعطيك العايفه أخوي / المجهول الجديد


و صاحب القصيده / ناصر القحطاني وهو شاعر غني عن التعريف


والمطرب اللي غناها / خالد عبدالرحمن (((( مـــخـــاوي الـــلــــيـــــل ))))



و شاكرلك على مجهودك


و تقبلوا فائق الأحترام و التقدير
أبو راشد غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 19:56


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir