مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 11th November 2006, 03:34   #1
مـــلاوح
عضو
 
تاريخ التسجيل: Jan 2004
المشاركات: 91
رعـّـايـة الأقفــار

السلام عليكم ورحمـة الله وبركـاتـه

محبيني في هـذا المنتدى الغالـي

بعد غيابي عنكم .. هـذا أنا راجـع لكـم بقصيده عساها تشفع لي عندكم ..

( رعـّـايـة الأقفـار ) قصيده في مدح قبيلـة زعــب .. والقصايد ماتوفي هذه القبيلـه مهما كتبت عنهــا

والقصيده هذي تعديل لقصيدتي التي تحمل عنوان ( أزعوب والزعبي للضيوف مشـّرع البيبان )

فـأقـبـلوهــا منـي إلـى قلوبكـم الطـاهـره ..



[poem font="Simplified Arabic,5,black,bold, normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]
بسـم الله الرحمـن و برب غـفـّـار=الواحد المعبـود للنـاس سـتّــار

أبدى قصـيدي بأسم ربي وكيلي=من بعدهـا أغـّرف غريفـات الأفكـار

شـاعـر عـلـى خشـمـي أبـمـدح قبـيـله=تستـاهـل أمـدحـها و فكـري إذا فـار

عـزّم عـلـى بـدع المعـانـي الجزيــلـه=وأغـوص في بحـره وأنـا فيـه بحـّـار

رعـّـايـة الأقـفـار زعـب(ن) نعـم زعـب=فكـّـاكـة الحيـزا و عسـّـافـة أمهــار

حنـا الجمـال اللـي تشـيـل الحمـولـي=ما نرضخ مـن الحمـل لـو أنــه أنهــار

ربعـي هل الوقفـات وقــت الشديده=شجـعـان تنطح موتـهم دوم لا ثـار

لـو المـراجـل رجـل يكفـس كمومه=وتنطـح لـه الشجعـان وأطوال الأشبار

مايبرك ألا عنـد رجلـيـن زعـبـي=يبرك نعم يبرك ولو صـار ما صـار

ولو أن هذا الطـيـب دولـه ويبغـون=شـيـوخ تحكمـهـا ويـقـولـولـه أخـتـار

واللـه أن يختـار حكـّـامهــا أزعــوب=يستاهلون الطـيـب دامـه لـهـم دار

ولــو الشجــاعــه مالهــا أيّ سيـره=لامر طـاري زعـب أنكتـبـت أسـّـيـار

أفعــولنـا يا زعــب ماهي قلـيــلـه=قــد قالهـا التـاريـخ حمـّـايـة الجـار

قبـيـلـة ٍ تـرد المنـايا بـلا خــوف=سيـوفهم مـن بـعـد دم العدوا نــار

أنــا أشهـد أنـي بين لابـه وعزوه=يشـهد عـلـى ما أقـول عـلاّم الأسـرار

لامن تعزويـت و نعــم العزواي=ولي الفخـر ليـا ذكـرتـه بالأشعــار

خيـّـل الحـيـزا وأنــا أخــوك خـالـد=يشيــش راســي بالعزيمـه والأصـرار

حنــّـا هـل الشيمـه وأهـل الكـرامـه=والضيف لـه حق(ن) علـينـا ليا زار

يزين فنجـال المقهوي مع الضيـف=فـلـة حجاج ووجـه سمح(ن) بالأسفـار

نـذبـح ذبـايح حــق تقديره الضـيـف=مانحسب أحسـاب الخسـاير والأمرار

مـا هـمّـنـا إلا صيدنــا للعلالي=أرجــالنـا فرسـان قـد شقـوا أغبـار

فرسان و شجعان و تشهـد ميادين=نخوّه وفزعـه وبالمواقيـف تجـّـار

الكــل منـّـا مسنـده أبـن عــمّــه=وفينـا الحمـيـّـا نحتمـي لـه من الضـار

حنـا هل الطالات وقت الشدايد=نرقـى إلـى العلـيا صغيـرين و أكبـار

وبـاقـي القبـايـل ماعلـيهـم أبد زود=الطـيب في كـل القبـايـل مشـى وسـار

والخـاتـمـه صـلـوا عليـه الرسولي=محمد نبينا المصطفـى خيـر الأخيـار[/poem]

وسـلامتـكـم
مـــلاوح غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:20


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir