خبير

عزام · 24th March 2003, 09:39

علوش وابن رشيد >> خبراء القهوة
ابن رشيد وعلوش
كان ابن رشيد أمير حائل مشهور بالكرم ، وله مجلس حافل بالزوار ، ويجتمع لديه جمع من الناس مابين أمراء قبايل ورؤساء عشاير ووجهاء القوم ، وكذلك الشعراء ....
وكان مجلسه مجلس حكام تدار فيه القوة العربية وعلوم الرجال ... وهناك أشخاص مكلفون باعداد القهوة ، وكان فيه شايب كبير لديه خبرة في القهوة وحمسها وأنواع الهيل ، وما يضاف للقهوة من ( مسمار ) وهو العويدي او الزعفران وغير ذلك من أمور القهوة ، وكان صاحب فن في إعداد القهوة وترتيب الدلال ، ودايم قهوته زاهبة ....

وفي يوم من الأيام كان فيه رجال اسمه ( علوش .. . ) في ضيافة بن رشيد من عامة الناس ولكن علوش هذا عنده خبرة ومعرفة دقيقة بالقهوة ، ويعرف وش عيوبها من مجرد ما يشمها او يذوقها ويعرف لو دخل في القهوة أي شي ومعطيه الله سبحانه معرفة عجيبة وسرعة بديهه .... يلقاه يعرف القهوة هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال ( مبطي ما استعملوها ) ويعرف طعم القهوة إذا تغيرت بأي شي .... كن في لسانه ( مختبر الكتروني ) ، يطلع النتيجة على طول .. ... وكان المجلس بعد المغرب مليان من الضيوف وكان علوش جالس في وسط المجلس يعني ( درجة ثانية ) ويوم طلب ابن رشيد القهوة جو اللي يصبون القهوة ، وكانوا يعرفون يصبون القهوة وعندهم ( فن ) في صب القهوة مهوب مثل ( عيال النيدو ) الواحد مايعرف يشيل الدلة ....
صبوا فنجال للأمير وبدو بالضيوف .... ويوم عطوا علوش الفنجال ... وجاء بيشرب شف منه شوي ثم اشتغل الحساس عنده وعلى طول تبين أن في القهوة شي ، ومتغير طعمها بسببه ..... بكل أدب مد يده وكب الفنجال ورى المسندة طبعا مجلسهم ( مهوب سراميك ولا رخام (
ابن رشيد انتبه لعلوش وهو يكب الفنجال : وسأله ليه ياعلوش كبيت الفجال ؟ قهوتنا به شي ؟
قال : ابد ( متادب ) في أول الأمر ... ولزم عليه الأمير ... وقال : لازم تقول وش في القهوة ليه ما شربته .... قال : يالامير القهوة ( صايدة ) ... يعني طايح فيها شي من الحشرات .....
قال : وش هي صايدة ؟ قال صايدة ابو عوف .... وابوعوف حشرة صغيرة اكبر من النملة واصغر من القعرانة
ابن رشيد : سأل : اللي حوله يمين ويسار ... يالربع انت متطعمين في القهوة شيء ..... طبعا عالم تدردب قهوة ..... ولا تدري .... قالوا : ابد الا قهوتك ما ازين منها شي ....
المهم علوش : قال اذا ما صارت القهوة صايدة .. فلكم اللي تبون ....
قال الامير : نادوا راعي القهوة .... نادوا ( راعي المعاميل والقهوة ) ويم جاء شايب يتضوكع مايقوى يمشي من كثر القعود قدام هالمعاميل ..... قال ابن رشيد : يقول علوش ان القهوة صايدة .... ونبيك تجيب الخمرة نشوف هذا صادق والا لا ..... الخمرة ( الدلة الكبيرة اللي تلقم فيها القهوة )
جابوا الخمرة وحطوا شوي ليف وكبوا عليه ( حثل القهوة) علشان ينشخل ... وقعدوا يحركونه الين لقوا ابو عوف : كنه ورقة شاهي يابس ..... يوم انبهر ابن رشيد..... وقال لراعي الضيافة خل علوش يقعد عندنا عشرة ايام .....
صار علوش يقعد في علو المجلس ( منصة ) وصار راهي في جلسته ....وابن رشيد ناوي يختبره ويتاكد من معرفته ..... قال لراعي القهوة .... اذا جاء باكر المغرب حط ورقة ( عرفـج ) في القهوة ( في الدلة اللي تصب منها لعلوش ) ....
ويوم صبوا القهوة قال ابن رشيد ترى الدلال منظفينه عقب ابو عوف ... تطعم بها شيء اليوم ....
قال : ايه .... قهوتكم بها ريحة عرفج ....
ويوم جاء باكر حطوا : كسرة مسواك .... وعرفها ..... وكلما حطوا شي عرفة .... قال ابن رشيد لراعي القهوة : باكر اخلط ( حمسة مستوية وحمسة نية ) ...
وصبوا لعلوش .... قالوا : هاه ياعلوش تطعم بها شيء .... قال : ايه : فيها حمسة محترقة وحمسة نية ....
عرف ابن رشيد ان الرجال داهية وخبير في القهوة ... ولزم عليه يجي لابن رشيد كل شهر ....
وقال احد الشعراء ابياتا في هالقصة اذكر منها :
تستاهل الكيف الحمر يا ابن وايل .............. انت الذي تستاهل الكيف كلـــه
واللي نقدته وســط ديوان حايــل . . . . . . . .لولاك ياعلوش ما احد فطن له

والله أعلم..........

العميد · 25th March 2003, 00:22

تشكر على الموضوع القيم وتسلم اخوي عزام .

اما بالنسبه ( لعيال النيدو ) لا تشره عليهم لان القهوة اليوم ماتسويها اللا الخادمه

وتسلم يدينك 0

عزام · 8th April 2003, 08:51

العميد اشدعوة أنت اللي تسوي القهوة وإلا واحد من الاخوان .....إذا مو الهندية ....................

( قلبت عليك )هاهاي

مبارك الزعبي · 9th April 2003, 01:26

تسلم اناملك يا عزام :)

والله لا يهينك على القصه الممتعه ...

تحيااااااتي لك .

فهد بن سالم · 26th December 2003, 00:48

السلام عليكم ورحمة الله وبركاته

الله يعطيك العافية ياعزام على المشاركة الطيبه

عبدالعزيز · 26th December 2003, 01:55

مشكووور اخوي عزام ..

وعلى طاري القهـــوه اهدي لكم هذه القصيـــده :

يامل لقلب كل ما ألتم الأشفاق ....من عام الأول به دواكيك وصفوق

يجاهد جنود في سواهيج الأطراق ....ويكشف له أسرار كتمها بصندوق

الا عن له تذكار الأحباب وأشتاق ....باله.وطف بخاطره طاري الشوق

قربت له من غاية البن مالاق....بالكف صافيها عن العذف منسوق

أحمس ثلاث يانديمي على ساق ....ريحه على جمر الغضى يفضح السوق

حذراك والنيه وبالك والأحراق ....واصح تصير بعاجل الحمس مطفوق

الا أصفر لونه ثم بشت بالأعراق ....وبقيت كما الياقوت يطرب له الموق

وعطت بريح فاضح فاخر فاق ....لاعنبر ريحه بالأنفاس منشــــوق

دقه بنجر يسمعه كل مشتاق ....راعي الهوى يطرب الا دق بخفوق

واحشه بدله مولعه كنها ساق ....بلورة منصوبة تقل غرنـوق

خله تفوح وراعي الكيف يشتاق ....الا طفح له جوهر صح له لاق

قمور صغار كالزمرد بالأشعاق ....وكبارها الطافح كما صافي الموق

وزله على وضحى بها خمس ارناق ....هيل وسمار بالاسباب مسحوق

مع زعفران والشمطري الا انساق ....ريحه مع العنبر على الطاق مطبوق

اذا اجتمع هذا وهذا بتيفاق ....فـ صبه كيفت العوق عن كل مخلوق

بفنجال صين صافي عنه الارماق ....تغضى وكرسيه غدان لمعشوق

الى صب فأصبر جوهره تقل شبراق ....رنق تصور بالحمامه على الطوق

شكل غرا الفنجال صبغه كما راق ....دم القلب وان مزع منه معلوق

خمر الا منه تساقى بالارياق ....وعليه من صافي الورد مذلــــوق

راعيه كنه شارب ريق ترياق ....كاس الطروب وسرور من ذاق له ذوق

يحتاج من خمر السكارى الى فاق ....طفل يشف شفاه والعنق مفهوق

عبث يعيل بحبه منه ماماق ....وهو يضاهي باهي البدر بعشوق

في وجنتيه الى غنج بارق حاق ....عجل رفيفه بالطها الغرق بطبوق

سحر كتب من حبر عينيه بوراق ....خديه صادين ونونين من فوق

كن العرق بخدودها حص ارناق ....نثر على صفحات بلورة الشوق

الا تبسم شع واشرق بالآفاق ....نور يفوق البدر سحار منطوق

وبالعنق كن المسك والورس براق ....مامشخص في صدري الشاخ مدفوق

تمشي برفق خوفها مدمج الساق ....يفصم حجول هزه الثقل من فوق

الا صفت لك ساعة وانت مشتاق ....فأقطف زهر ملاق والعمر ملحوق

فالى حضر ماقلت عندي الأرزاق ....بيدي كريم كافل كل مخلوق

هذا وصلوا عند ماناض براق ....او ماشكى الفرقى شفيق لمشفوق

على النبي مازج زاج بالاوراق ....وآله وصحبه عد ماسيق مسيوق

محمد العبدالله القاضي

بدر الحزام · 26th December 2003, 17:05

بسم الله الرحمن الرحيم
السلام عليكم ورحمة الله وبركاته

احسنت يا عزام وشكرا جزيلا

والشكر موصول ايضا الي الاخوان الاعزاء

وايضا للاخ ابو اسعود على القصيدة

تقبلوا تحياتي

أخو وضحى · 28th December 2003, 07:44

سالفة من أروع سوالف البادية

مشكور ياعزام

البحيري · 28th December 2003, 09:13

ما شاء الله عليه ، هذا رادار قهوة ( يصلح يصير أكبر شيف قهوة في العالم).

ولد البحيرى · 14th October 2004, 14:30

[grade="DEB887 D2691E A0522D"]

الطيب (علوش) يعرف التركيه والفرنسيه

[/grade]

24th March 2003, 09:39	#1
عزام عضــــو تاريخ التسجيل: Mar 2003 المشاركات: 21	خبير علوش وابن رشيد >> خبراء القهوة ابن رشيد وعلوش كان ابن رشيد أمير حائل مشهور بالكرم ، وله مجلس حافل بالزوار ، ويجتمع لديه جمع من الناس مابين أمراء قبايل ورؤساء عشاير ووجهاء القوم ، وكذلك الشعراء .... وكان مجلسه مجلس حكام تدار فيه القوة العربية وعلوم الرجال ... وهناك أشخاص مكلفون باعداد القهوة ، وكان فيه شايب كبير لديه خبرة في القهوة وحمسها وأنواع الهيل ، وما يضاف للقهوة من ( مسمار ) وهو العويدي او الزعفران وغير ذلك من أمور القهوة ، وكان صاحب فن في إعداد القهوة وترتيب الدلال ، ودايم قهوته زاهبة .... وفي يوم من الأيام كان فيه رجال اسمه ( علوش .. . ) في ضيافة بن رشيد من عامة الناس ولكن علوش هذا عنده خبرة ومعرفة دقيقة بالقهوة ، ويعرف وش عيوبها من مجرد ما يشمها او يذوقها ويعرف لو دخل في القهوة أي شي ومعطيه الله سبحانه معرفة عجيبة وسرعة بديهه .... يلقاه يعرف القهوة هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال ( مبطي ما استعملوها ) ويعرف طعم القهوة إذا تغيرت بأي شي .... كن في لسانه ( مختبر الكتروني ) ، يطلع النتيجة على طول .. ... وكان المجلس بعد المغرب مليان من الضيوف وكان علوش جالس في وسط المجلس يعني ( درجة ثانية ) ويوم طلب ابن رشيد القهوة جو اللي يصبون القهوة ، وكانوا يعرفون يصبون القهوة وعندهم ( فن ) في صب القهوة مهوب مثل ( عيال النيدو ) الواحد مايعرف يشيل الدلة .... صبوا فنجال للأمير وبدو بالضيوف .... ويوم عطوا علوش الفنجال ... وجاء بيشرب شف منه شوي ثم اشتغل الحساس عنده وعلى طول تبين أن في القهوة شي ، ومتغير طعمها بسببه ..... بكل أدب مد يده وكب الفنجال ورى المسندة طبعا مجلسهم ( مهوب سراميك ولا رخام ( ابن رشيد انتبه لعلوش وهو يكب الفنجال : وسأله ليه ياعلوش كبيت الفجال ؟ قهوتنا به شي ؟ قال : ابد ( متادب ) في أول الأمر ... ولزم عليه الأمير ... وقال : لازم تقول وش في القهوة ليه ما شربته .... قال : يالامير القهوة ( صايدة ) ... يعني طايح فيها شي من الحشرات ..... قال : وش هي صايدة ؟ قال صايدة ابو عوف .... وابوعوف حشرة صغيرة اكبر من النملة واصغر من القعرانة ابن رشيد : سأل : اللي حوله يمين ويسار ... يالربع انت متطعمين في القهوة شيء ..... طبعا عالم تدردب قهوة ..... ولا تدري .... قالوا : ابد الا قهوتك ما ازين منها شي .... المهم علوش : قال اذا ما صارت القهوة صايدة .. فلكم اللي تبون .... قال الامير : نادوا راعي القهوة .... نادوا ( راعي المعاميل والقهوة ) ويم جاء شايب يتضوكع مايقوى يمشي من كثر القعود قدام هالمعاميل ..... قال ابن رشيد : يقول علوش ان القهوة صايدة .... ونبيك تجيب الخمرة نشوف هذا صادق والا لا ..... الخمرة ( الدلة الكبيرة اللي تلقم فيها القهوة ) جابوا الخمرة وحطوا شوي ليف وكبوا عليه ( حثل القهوة) علشان ينشخل ... وقعدوا يحركونه الين لقوا ابو عوف : كنه ورقة شاهي يابس ..... يوم انبهر ابن رشيد..... وقال لراعي الضيافة خل علوش يقعد عندنا عشرة ايام ..... صار علوش يقعد في علو المجلس ( منصة ) وصار راهي في جلسته ....وابن رشيد ناوي يختبره ويتاكد من معرفته ..... قال لراعي القهوة .... اذا جاء باكر المغرب حط ورقة ( عرفـج ) في القهوة ( في الدلة اللي تصب منها لعلوش ) .... ويوم صبوا القهوة قال ابن رشيد ترى الدلال منظفينه عقب ابو عوف ... تطعم بها شيء اليوم .... قال : ايه .... قهوتكم بها ريحة عرفج .... ويوم جاء باكر حطوا : كسرة مسواك .... وعرفها ..... وكلما حطوا شي عرفة .... قال ابن رشيد لراعي القهوة : باكر اخلط ( حمسة مستوية وحمسة نية ) ... وصبوا لعلوش .... قالوا : هاه ياعلوش تطعم بها شيء .... قال : ايه : فيها حمسة محترقة وحمسة نية .... عرف ابن رشيد ان الرجال داهية وخبير في القهوة ... ولزم عليه يجي لابن رشيد كل شهر .... وقال احد الشعراء ابياتا في هالقصة اذكر منها : تستاهل الكيف الحمر يا ابن وايل .............. انت الذي تستاهل الكيف كلـــه واللي نقدته وســط ديوان حايــل . . . . . . . .لولاك ياعلوش ما احد فطن له والله أعلم..........

25th March 2003, 00:22	#2
العميد مشرف مجلس الضيافه تاريخ التسجيل: Feb 2003 المشاركات: 762	تشكر على الموضوع القيم وتسلم اخوي عزام . اما بالنسبه ( لعيال النيدو ) لا تشره عليهم لان القهوة اليوم ماتسويها اللا الخادمه وتسلم يدينك 0 __________________ العميـــــــد ، ، ،

8th April 2003, 08:51	#3
عزام عضــــو تاريخ التسجيل: Mar 2003 المشاركات: 21	حبيبي يا المسكت العميد اشدعوة أنت اللي تسوي القهوة وإلا واحد من الاخوان .....إذا مو الهندية .................... ( قلبت عليك )هاهاي

26th December 2003, 00:48	#5
فهد بن سالم عضو مهم تاريخ التسجيل: Feb 2003 المشاركات: 1,501	السلام عليكم ورحمة الله وبركاته الله يعطيك العافية ياعزام على المشاركة الطيبه __________________ اصبر لدهر نال منك ـ ـ ـ ـ ـ فهــكذا مضـــت الدهـور فـرح وحـزن مـــــرة ـ ـ ـ ـ ـ لا الحزن دام ولا السرور F1F@gawab.com

28th December 2003, 09:13	#9
البحيري عضــــو نشيــط تاريخ التسجيل: Oct 2003 المشاركات: 200	ما شاء الله عليه ، هذا رادار قهوة ( يصلح يصير أكبر شيف قهوة في العالم). __________________ قال تعالى (( قل إني أخاف إن عصيت ربي عذاب يوم عظيم ))

9th April 2003, 01:26	#4
مبارك الزعبي مشرف مجلس الشعر تاريخ التسجيل: Jan 2003 المشاركات: 826	تسلم اناملك يا عزام :) والله لا يهينك على القصه الممتعه ... تحيااااااتي لك .

26th December 2003, 01:55	#6
عبدالعزيز عضــــو فعــال تاريخ التسجيل: Mar 2003 المشاركات: 349	مشكووور اخوي عزام .. وعلى طاري القهـــوه اهدي لكم هذه القصيـــده : يامل لقلب كل ما ألتم الأشفاق ....من عام الأول به دواكيك وصفوق يجاهد جنود في سواهيج الأطراق ....ويكشف له أسرار كتمها بصندوق الا عن له تذكار الأحباب وأشتاق ....باله.وطف بخاطره طاري الشوق قربت له من غاية البن مالاق....بالكف صافيها عن العذف منسوق أحمس ثلاث يانديمي على ساق ....ريحه على جمر الغضى يفضح السوق حذراك والنيه وبالك والأحراق ....واصح تصير بعاجل الحمس مطفوق الا أصفر لونه ثم بشت بالأعراق ....وبقيت كما الياقوت يطرب له الموق وعطت بريح فاضح فاخر فاق ....لاعنبر ريحه بالأنفاس منشــــوق دقه بنجر يسمعه كل مشتاق ....راعي الهوى يطرب الا دق بخفوق واحشه بدله مولعه كنها ساق ....بلورة منصوبة تقل غرنـوق خله تفوح وراعي الكيف يشتاق ....الا طفح له جوهر صح له لاق قمور صغار كالزمرد بالأشعاق ....وكبارها الطافح كما صافي الموق وزله على وضحى بها خمس ارناق ....هيل وسمار بالاسباب مسحوق مع زعفران والشمطري الا انساق ....ريحه مع العنبر على الطاق مطبوق اذا اجتمع هذا وهذا بتيفاق ....فـ صبه كيفت العوق عن كل مخلوق بفنجال صين صافي عنه الارماق ....تغضى وكرسيه غدان لمعشوق الى صب فأصبر جوهره تقل شبراق ....رنق تصور بالحمامه على الطوق شكل غرا الفنجال صبغه كما راق ....دم القلب وان مزع منه معلوق خمر الا منه تساقى بالارياق ....وعليه من صافي الورد مذلــــوق راعيه كنه شارب ريق ترياق ....كاس الطروب وسرور من ذاق له ذوق يحتاج من خمر السكارى الى فاق ....طفل يشف شفاه والعنق مفهوق عبث يعيل بحبه منه ماماق ....وهو يضاهي باهي البدر بعشوق في وجنتيه الى غنج بارق حاق ....عجل رفيفه بالطها الغرق بطبوق سحر كتب من حبر عينيه بوراق ....خديه صادين ونونين من فوق كن العرق بخدودها حص ارناق ....نثر على صفحات بلورة الشوق الا تبسم شع واشرق بالآفاق ....نور يفوق البدر سحار منطوق وبالعنق كن المسك والورس براق ....مامشخص في صدري الشاخ مدفوق تمشي برفق خوفها مدمج الساق ....يفصم حجول هزه الثقل من فوق الا صفت لك ساعة وانت مشتاق ....فأقطف زهر ملاق والعمر ملحوق فالى حضر ماقلت عندي الأرزاق ....بيدي كريم كافل كل مخلوق هذا وصلوا عند ماناض براق ....او ماشكى الفرقى شفيق لمشفوق على النبي مازج زاج بالاوراق ....وآله وصحبه عد ماسيق مسيوق محمد العبدالله القاضي

26th December 2003, 17:05	#7
بدر الحزام عضــــو مميــز تاريخ التسجيل: Mar 2003 المشاركات: 715	بسم الله الرحمن الرحيم السلام عليكم ورحمة الله وبركاته احسنت يا عزام وشكرا جزيلا والشكر موصول ايضا الي الاخوان الاعزاء وايضا للاخ ابو اسعود على القصيدة تقبلوا تحياتي

28th December 2003, 07:44	#8
أخو وضحى عضــــو فعــال تاريخ التسجيل: Mar 2003 المشاركات: 579	سالفة من أروع سوالف البادية مشكور ياعزام

14th October 2004, 14:30	#10
ولد البحيرى عضــــو تاريخ التسجيل: Sep 2004 المشاركات: 19	خوش خبره [grade="DEB887 D2691E A0522D"] الطيب (علوش) يعرف التركيه والفرنسيه [/grade] __________________ لنا نصرة المظلوم ومصارع الأخطار __ عوايــــد وكل ن عادتـه مايخلــــيها من عاداتنا لطم المعادين واخذ الثار __ وعفاريت الأنــس اليا تعلّت نوطيها

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري