مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 10th June 2006, 05:42   #1
SHaaLe7
عضــــو
 
تاريخ التسجيل: Feb 2006
المشاركات: 9
سافرت لي طرقه وطبيـت لـي سـوق

السلام عليكم وصبحكم الله بالخير

عندي مشاركه بسيطه

وأتمنى تنال أعجابكم





الشعـر لـه فاتـل وناقـض وفـاروق ** والسـوق لـه سايـم وشـاري وبايـع

واللي ربح ببضاعتـه يمـدح السـوق ** والنـاس تطلـب نـادرات البضـايـع

يا مدوّر الطيـب تخيّـر علـى الـذوق ** وأحفظ معك مـن قـول فـارس ودايـع

لو كـان بالإرشـاد والنصـح مسبـوق ** ذكـرى لعـل لهـا تــرق السمايع

جواهرٍ معهـا شـذى المسـك مرفـوق ** ومعهـا التجـارب مثبتـه بالوقـايـع

واللي لبس من جوهر المرجلـه طـوق ** مثلـي مجـرّب والتـجـارب نفايع

سافرت لي طرقه وطبيـت لـي سـوق ** وخاويت فـي دربـي جميـع النزايـع

والله خلـق فالنـاس ميـزات وفـروق ** النـاس شتـى بالشـيـم والطبايع

أحـدٍ علـى مبـدأ ولـه نظـرةٍ فـوق ** وأحـدٍ كمـا ثلـجٍ علـى القـاع مايـع

ولاني وكيـل آدم علـى كـل مخلـوق ** لكـن أشـوف بخلـق ربـي نـوايـع

أشفق على الطيب ولـي رفقتـه شـوق ** غريـب وإلا مـن قـريـب الجمـايـع

الطيب وأهل الطيب عاشـق ومعشـوق ** والطيـب لـه مبـدأ وحكـم وشرايـع

والمرجله وهبـه مـن الـرب ووفـوق ** والديـن رأس المرجـلـه والطمايع

والرزق من ربي وله فـرض وحقـوق ** ومن يطلب أرزاقه مـن الخلـق ضايـع

والأخـذ بالأسبـاب ثابـت ومـوثـوق ** وتوفيـق ربـي هـو خيـار الـذرايـع

ولا كـل مطـرودٍ كمـا قيـل ملحـوق ** قـولٍ مبالـغ فيـه لـو كـان شايع

إن ما جلبهـا والـي العـرش برفـوق ** كثـر المطـارد مـا يحـوش النفايع

من يحسن النيه مع النــاس مـرزوق ** ومـن يتقـي ربـه دروبـه سنايع

والكـذب ثـوبٍ مايجمَّـل ومشـقـوق ** ولا ينرفـي شقـه بكـثـر الرقـايـع

ومن لا يحـط أسـرار قلبـه بصنـدوق ** ويجـوَّد المفتـاح عـن كـل صـايـع

يفتح علـى نفسـه مداخـل وخـازوق ** وقناصـة الفرصـه تـزيـد الجـلايـع

ومن يقـرب الأنـذال لا يامـن البـوق ** النـذل خايـن مـا يصـون الودايع

عقـرب ثـرى وإلا كمـا نـاب زاروق ** لا صـادف الـغـرات للـسـم زايــع

وأحـذر تـرى النمـام للشـر ناتـوق ** دايــم يـقـرَّب للـشـرار الـولايـع

من المكـارم خـارب القصـد مسلـوق ** وعقلـه لنزغـات الشياطيـن طـايـع

وترى الردي شمعٍ على الحيـط ملـزوق ** لا أونس حميم الشمـس جـاك متمايـع

أحـذف ردي المعرفـة حـذف خملـوق ** لا تنـخـدع بالزبـرقـه واللمايع

عليـك بالطيـب ليـا صـرت مزنـوق ** الـلـي فعـولـه كلبـوهـا روايــع

يشيل عنـك مـن الصعيبـات طـاروق ** ولا يلحـق المنـه جميـل الصنـايـع

لامن عن الواجـب هبـا كـل مزلـوق ** يقـوم بالـواجـب بعـيـد الرمـايـع

والشارب اللي ساعة الضيـق محلـوق ** وقت الرخاء ما أحـدٍ يبـي لـه فزايـع

خله ولو شفته علـى الوجـه مصفـوق ** ولا تستشـيـر مجالسـيـن الربـايـع

وإن كان في صدرك قنا الوقت مـزروق ** خلـك علـى الشـده قـوي البتـايـع

واضرب على الكايد ولا يلحقـك عـوق ** وأطلـع سنـود وخيـر ربـك طلايـع

والشمس لو غابت يجي صبح وشـروق ** والحق لـه صيـتٍ مـع النـاس ذايـع

يقدم عزيز الساس لـو كـان مفهـوق ** ويأخـذ عظيمـات المـراجـل قـلايـع

وأبليس أخـو مـره مربَّـط ومفلـوق ** وفـي كـل يـوم يـزود حـر ولقايـع

نركـي علـى كبـده مراقيـع وحـروق ** وعـروق قلبـه مـن وحمنـا مزايـع

وصلوا على الهادي عدد ما أرمش الموق ** وعسى لنـا مـن جـود ربـي شفايـع

















فارس العصيمي ،،،
SHaaLe7 غير متواجد حالياً   رد مع اقتباس
قديم 11th June 2006, 05:27   #2
ابوهلا
عضو مهم
 
تاريخ التسجيل: Jan 2003
المشاركات: 2,030
صح لسان الشاعر المبدع والفذ فارس العصيمي قصيده جزله بمعنى الكلمه


ولا هنت ياشالح علي نقلها رائعه بالفعل وصدق في كل ماقال


قصيده فريده من نوعها
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 11th June 2006, 12:34   #3
سيف القبيله
عضــــو مميــز
 
تاريخ التسجيل: Dec 2005
المشاركات: 900
صـــح لســـــاااااااااانك ..
وسلمت يمينك .. ولاهنت

يعجز الكلام عن وصف مدى الإبحار بروعة معاني الكلمات..
SHaaLe7،،

عـزيـزي /
تخونني الأحرف بوصف مدى أعجابي بتلك الرائعة ...

ولكن ليس لي إلا أن أقول ....

ماقصرت كفيّت ووفيّت ،،


تقبل فائق تحياتي ،، ودمت بألف خير وصحه





ســيـف الـقـبيلــــه،،
سيف القبيله غير متواجد حالياً   رد مع اقتباس
قديم 13th June 2006, 18:12   #4
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
ياهــــــــــــلا والله وغـــــــــــــــلا

مرحبا بك ياشالح

مشاركة اولى

وشامخة صح الله لسان قائلها وناقلها

لاعدمنا تواصلك ياشالح
العبيدي غير متواجد حالياً   رد مع اقتباس
قديم 14th June 2006, 01:38   #5
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
يا هلا ومرحبا بك يا شالح




وصح لسان الشاعر فارس العصيمي

قصيده جزله ورائعه .. ونصايح ثمينه ..



لاهنت ياشالح
.
مبارك الزعبي غير متواجد حالياً   رد مع اقتباس
قديم 14th June 2006, 05:20   #6
الفياض
عضــــو فعــال
 
الصورة الرمزية الفياض
 
تاريخ التسجيل: Dec 2005
المشاركات: 323
صح صح صح صح صح صح صح صح صح صح صح صح صح صح

أجمل قصيدة سمعتها في المنتدى
الفياض غير متواجد حالياً   رد مع اقتباس
قديم 22nd June 2006, 01:17   #7
أبن شهلان
عضــــو
 
تاريخ التسجيل: Apr 2003
المشاركات: 68
اشهد بالله انها وافيه وقصيده جزله

صح لسانك
__________________
احبك مو بس احبك ميت ن فيك *********** شفني في قلبك بين الاضلاع مدفون

asir_alhop @hotmail.com
أبن شهلان غير متواجد حالياً   رد مع اقتباس
قديم 25th June 2006, 11:18   #8
مـــلاوح
عضو
 
تاريخ التسجيل: Jan 2004
المشاركات: 91
قافيه صعبه لا يطرقها الا المبدعين

صح لسان فارس العصيمـي .. مدد وليس عدد

قصيده جزلـه جزلـه .. لاهنت على النقل يا SHaaLe7

تقبل تحياتي ..

أخــوك : مـــلاوح
مـــلاوح غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:38


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir