مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 5th September 2007, 17:54   #1
SHaaLe7
عضــــو
 
تاريخ التسجيل: Feb 2006
المشاركات: 9
دام مسباحي بيميني ما نمد الا الجزيله

السلام عليكم

دام مسباحي بيميني ما نمد الا الجزيله & يا سلام الله سلام الطيب ورجال الحميّـه

تبت يدين البخيل وتبت يدين البخيله & ويش ابي في عدة ابياتٍ تجيني فوضويّـه

والله انا ما نمد الهزل ولا نقبل هزيله & جزلةٍ من راس جزلٍ تفخر الابيات فيّـه

ايه عبدٍ وامتواضع كل برق ان ناض اخيله & اشهد انه لا اله الا الله محمد نبيّـــه

قرم وشجاع وعيوني ما تشوف الا الاصيلة & واهلي قوم الشجاعه والكرم صبح وعشيّـه

يا هجوسٍ صوتها يدوي كما رعد المخيلة & عبرّي عما بضميري من بعد قول التحيّـه

ليلة البارح بدعت الطرق والطاروق اشيلة & وقمت افكر واتفكر في اللحون السامريّـه

والسبب ذاك الزميل اللي زعل وازعل زميلة & كيف يزعل ويتضايق دون ذنب ولا خطيّه

بس اظنه ضايقه هرج الحسد واهل الرذيله & والعقول اللي من استنتاجها فعلاً غبيّـه

لايهمك حقد خبل وثرثرة نفسٍ عليلة & والله ان الحقد يخرث في نفوس الاغلبيّه

مايذم الطيبّين اهل المكارم والفضيله & غير منهومن جموع اهل الردا قومٍ رديّه

ما درى ان البحر يبكي من زعله ويشتكي له & ولا تضايق فاضت دموع الورود النرجسيّه

وان حزن نوحي بكا القمري وحزنه في هديله & وان بكا تبكي معه كل المزون الموسميّـه

وانت راسي مثل ظلع طويق من يقدر يزيله & لو تهب الريح تعجز مالها بك مقدريّـه

ابشر ان الزند يقدح من على خشم الفتيله & ثوّر البارود في روس العدا والنار حيّـه

الرجال اصناف لكن وين خيّال الكحيلة & الكريم اللي ليا منه عطا جزل العطيّه

الشجاع اللي بوقت اللازمه ينطح قبيله & والله انه ما تردد لو ورد حوض المنيّه

الصديق اللي بطول الوقت ما تبحث بديله & شخص واحد بس؟ يسوى في فعوله خمسميه

والكريم اليا تجمّل ماطلب ردة جميلة & والله انه ساقها لك مثل ما تهّدى الهديّه

ايه قصه واقعيـّه ما تسـّمى مستحيلة & واقعيه واقعيه واقعيه واقعيّـه

وبارك الله بالعميل اللي عرف قيمة عميلة & وسامح الله من زعل من دون ذنب ولا خطيّـه

وسلآلآلآلآمتكم
SHaaLe7 غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 15:04


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir