مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 22nd July 2005, 18:52   #1
راعي الصفرا
مشرف مجالس الطرائف والمسابقات
 
الصورة الرمزية راعي الصفرا
 
تاريخ التسجيل: Jul 2005
المشاركات: 443
من روائع الشاعر عبدالله بن راشد ال رمضان ( رحمه الله )

السلام عليكم ورحمة الله
اول شي لقب راعي الصفرا عند الزعوب هو راعي الصفرا معثم :) هو ( عثمان بن سلامه ) عسى الله ان يغفرله ويشفيه
والشي الثاني يوم دشيت اسجل هالاسم لقيته مستخدم من قبل ولو اعرف منهو اللي مسجله كان جيته وحبيت خشمه :)
الشي الثالث الله يعطيكم العافيه على هالموقع الطيب والمشاركات الطيبه واتمنى انكم تقبلون هالمشاركه البسيطه من اخوكم (ابو عثمان) راعي الصفرى
--
هذي القصيده الرائعه من روائع الشاعر عبدالله بن راشد ال رمضان (رحمه الله) موجهها لأبنه خالد - معبره عن مافي نفسه وكتبها في اواخر السبعينيات .
--------------------------------------------
[poem font="Simplified Arabic,4,darkblue,bo ld,normal" bkcolor="sienna" bkimage="backgrounds/23.gif" border="solid,4,dark blue" type=2 line=0 align=center use=sp num="0,black"]
القلب ياخالد ضرب فيه دولاب = دولاب هاجوس همومه مراديف
والبارحه جنبني النوم جناب = كلن رقد ودموع عيني ذواريف
اعوي كما سرحان واجيب ماجاب = وألاحي الورقا بروس المشاريف
واليا نشدني داله ويش الاسباب = اقول مالك من سبيلي مصاريف
اشوف لي دنيا تقلب تقلاب = بوّاقة بعهودها والمحاليف
دنيا ليا اقفت تسقي المر بأكواب = وان اقبلت مثل العسل والنواشيف
عقب الطرب خلتني اذهب تذيهاب = ينسف علي الموج من ساحل السيف
كني حبيس سكرو دونه الباب = في حبس روم ماتعرف المعاريف
أتوق توق موحّش فوق مرقاب = تذكر المعبار وسهيل قد شيف
ناض وتنهّض واطرف الريش عياب = ووقع وناظر في حياته تكاسيف
قمت اتلزا خابث في ماطاب = تقفي وتقبل بي هموم وعواصيف
شفنا سهيل وغرّب القيض بحساب = والصيد هبت له هبوب النفانيف
لا والله الا صار للبدو جذاب = جاهم من الوسم المبكر طواويف
طووا عصير وشلّعو باقي الاطناب = وحبالهم تلوى بروس العصاريف
وغدالهم مع طلعة الفجر ضبضاب = وأقفو وتاليهم على العد ماشيف
ماكنهم دقو على العد منساب = مرحانهم تنسف عليها النواسيف
وصبرت لي صبر يشيب بالاشباب = وايامنا راحت علينا تزاليف
ابديت ماكنيت واحضرت ماغاب = والجم جابتها الدلي والغواريف
ياربعنا دنّو لنا خضع الارقاب = قطم الفخوذ وكاملات التواصيف
نجايب يعطن بنا كل ملهاب = تسبق مراويح القطا والشواحيف
يلفن بنا من ديرة اجناب لأصحاب = قلبي لهم وقلوبهم لي مواليف
ترثة زعوب نجمهم مابعد غاب = لطامة العايل بشلف مراهيف
ربعي (هل الحيزا ) اليا كلّح الناب = وغوانم عند الركايب نواتيف
ياماحلا شداتنا في بعض الانواب = لامن جذبنا برق وسم على صيف
الطرش يجهم والمظاهير هرّاب = والطير يطرد والسلف له غطاريف
ترعى بنا رعي الطنف كل حنزاب = وترعى بنا شقح البكار المشاعيف
بدو على عاداتنا جابنا جاب = على سلوم اجدادنا كيفنا كيف[/poem]


وسلامتكم وعسى الله ان يغفر للشاعر ويسكنه فسيح جناته وجميع اموات المسلمين
راعي الصفرا غير متواجد حالياً   رد مع اقتباس
قديم 22nd July 2005, 19:59   #2
فهد بن سالم
عضو مهم
 
تاريخ التسجيل: Feb 2003
المشاركات: 1,501
مشاركة: من روائع الشاعر عبدالله بن راشد ال رمضان ( رحمه الله )

مرحبا بك يابو عثمان في منتدى قبيلة زعب

ورحمة الله على عبد الله بن راشد آل رمضان

وتسلم يمينك على نقل القصيدة
__________________
اصبر لدهر نال منك ـ ـ ـ ـ ـ فهــكذا مضـــت الدهـور

فـرح وحـزن مـــــرة ـ ـ ـ ـ ـ لا الحزن دام ولا السرور

F1F@gawab.com
فهد بن سالم غير متواجد حالياً   رد مع اقتباس
قديم 23rd July 2005, 08:21   #3
حمد السلمي
عضــــو نشيــط
 
الصورة الرمزية حمد السلمي
 
تاريخ التسجيل: Apr 2005
المشاركات: 132
مشاركة: من روائع الشاعر عبدالله بن راشد ال رمضان ( رحمه الله )

تسلم اخوي على النقل الجميل والله يرحم الشاعر ويسكنه فسيح جناته 00 ونعم والله باهل الحيزا زعب 00

لك تحياتي وتقديري 00
__________________
من عرف قدري وراعاني راعيته 000 حق واهل الزود تطلاهم السودي

حمد السلمي
حمد السلمي غير متواجد حالياً   رد مع اقتباس
قديم 23rd July 2005, 08:51   #4
أبن شهلان
عضــــو
 
تاريخ التسجيل: Apr 2003
المشاركات: 68
مشاركة: من روائع الشاعر عبدالله بن راشد ال رمضان ( رحمه الله )

صح لسانه وعسى الله يغفرله ويسكنه فسيح جناته ابو خالد

لاهنت ياراعى الصفراء على النقل وليت تزودنا دايما في قصايد المرحوم ابوخالد
أبن شهلان غير متواجد حالياً   رد مع اقتباس
قديم 23rd July 2005, 13:31   #5
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
مشاركة: من روائع الشاعر عبدالله بن راشد ال رمضان ( رحمه الله )

يا مرحبا ياراعي الصفرى



ابرك الساعات تواجدك معنا في منتداك



وتسلم على نقل القصيده




رحم الله الشاعر رحمة واسعه
مبارك الزعبي غير متواجد حالياً   رد مع اقتباس
قديم 23rd July 2005, 19:51   #6
ابو تركي
مراقب عام
 
تاريخ التسجيل: Jan 2003
المشاركات: 426
مشاركة: من روائع الشاعر عبدالله بن راشد ال رمضان ( رحمه الله )

الاخ الغالي راعي الصفراء


السلام عليك ورحمة الله وبركاته



واسعد الله جميع اوقاتك بكل خير وموده





يسعدنا ويشرفنا يابو عثمان انظمامك لمنتداك وبين ربعك واخوانك



وبالنسبة للقب لقب راعي الصفراء مافيها شك ان هذا اللقب لعثمان بن سلامه وقد اشتهر فيه وهو احد رجال القبيلة اللذي ذاع صيته في القبيلة وخارج القبيلة وكلٍ يذكره بالخيرعسى الله ان يفك عوقه ويشفيه


وبيّض الله وجهك على نقل هذه القصيدة واتمنى منك ومن الاخوان تزويدنا بقصائد الشاعر الكبير عبدالله بن راشد ال رمضان رحمه الله وغفر له






اكرر واعيد يامرحبا فيك يابو عثمان


هذا وتقبل خالص ودي واحترامي
اخوك
ابو تركي
ابو تركي غير متواجد حالياً   رد مع اقتباس
قديم 24th July 2005, 01:14   #7
راعي الصفرا
مشرف مجالس الطرائف والمسابقات
 
الصورة الرمزية راعي الصفرا
 
تاريخ التسجيل: Jul 2005
المشاركات: 443
مشاركة: من روائع الشاعر عبدالله بن راشد ال رمضان ( رحمه الله )

والبقا والله وتسلمون على الردود يابو تركي وجميع الاخوان الموجودين
واتمنى اكون متواجد انشالله كثر مااقدر
ردود طيبه من ناس طيبين ولي الفخر والله اني اكون معاكم
اخوكم راعي الصفرى
راعي الصفرا غير متواجد حالياً   رد مع اقتباس
قديم 24th July 2005, 01:44   #8
ابوهلا
عضو مهم
 
تاريخ التسجيل: Jan 2003
المشاركات: 2,030
مشاركة: من روائع الشاعر عبدالله بن راشد ال رمضان ( رحمه الله )

رحم الله عبدالله بن راشد ال رمضان رحمة واسعه واسكنه فسيح جناته


ونسئل الله ان يفك عوق راعي الصفرا العم عثمان ( ابو فهد ) ويغفرله


قصيده فعلا من الروائع وجزله بمعني الكلمه وتـقـنــّد الراس


الله لايهينك يالقرررم



ولاتبخل علينا بمشاركاتك وتواجدك معنا


ولي طلب طال عمرك


فيه قصيده مطلعها


جيت ربع نـ دلهوني ياسلامه .........


والله اني ناسي باقيها ياليت تتحفنا فيها



والله لايهينك علي كل حال امتعتنا بهذه الشامخه والفارهه




ومشاركه تستحق التثبيت عن جداره
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 24th July 2005, 02:16   #9
عبدالعزيز
عضــــو فعــال
 
تاريخ التسجيل: Mar 2003
المشاركات: 349
مشاركة: من روائع الشاعر عبدالله بن راشد ال رمضان ( رحمه الله )

مشاركه لها في النفس شأن كبير من المحبه والتقدير

لما تحمله من لقب يذكرنا برجل له جل الأحترام والتقدير (( راعي الصفراء )) العم عثمان (( ابو فهد ))

عسى الله ان يفك عوقه ويشفيه

واطيب السلام والأحترام لأبناءه الأعزاء جميعاً


تواجد لقب راعي الصفراء مكسب زاد مكاسب هذا المنتدى الذي وجد من الجميع وللجميع ..


اخي الكريم والعزيز ابو عثمان اهلاً وسهلاً بك بين اخوانك وأبناء عمومتك ..


واردد ماقلته ان هذه القصيده الرائعه من روائع الشعر ..

وندعوا الى الله سبحانه وتعالى بالمغفر والرحمه للشاعر عبدالله بن راشد ال رمضان ..

سلمت يداك على نقل هذه المشاركه ..



سلامي لك وللأخوه الكرام ..



***
عبدالعزيز غير متواجد حالياً   رد مع اقتباس
قديم 25th July 2005, 21:59   #10
راعي الصفرا
مشرف مجالس الطرائف والمسابقات
 
الصورة الرمزية راعي الصفرا
 
تاريخ التسجيل: Jul 2005
المشاركات: 443
مشاركة: من روائع الشاعر عبدالله بن راشد ال رمضان ( رحمه الله )

الله لايهينكم على هالكلام الطيب واطلب من الله يعيني على نقل اغلب قصايد الشاعر عبدالله بن راشد ال رمضان رحمه الله
وبالنسبه لطلب اخوي شنار مااقول الا ابشر طال عمرك وأنت تامر ماتطلب
وهذي القصيده اللي مطلعها جيت ربعن دلهوني ياسلامه - للشاعر فهد بن راشد ال رمضان رحمه الله وكان في آخر حياته وقيل اشتد به المرض ومن كثرة سؤال اخيه سلامه بن راشد عن عدم وجوده بجانبه خصوصا لما كان يراه من شدة مرض اخيه وخوفا عليه
والمعروف ان فهد كان لايرتاح له بال اذا لم يزور ربعه او ابناء عمه
وقال هذه الابيات المعبره عن مافيه نفسه بمدح بني عمه

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
جيت ربعن دلهونني ياسلامه = دلهوني عن حواسيس الليالي
كل من جاهم لقى راحه وقامه = نعم والله ياهل الليل الموالي
كل يوم عندهم كيف وكرامه = نعم والله يامداغيش العيالي[/poem]وقيل ( مداغيش الرجالي)
وسلامتكم
__________________

راعي الصفرا غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:50


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir