مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

 
 
أدوات الموضوع انواع عرض الموضوع
قديم 12th August 2005, 16:54   #1
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
محاوره بين الشاعر/سعود بن مدلاج والشاعر/محمد بن مشيط

السلام عليكم ورحمة الله وبركاته ......!!!!!

[هذي محاوره بين الشاعر / سعود بن مدلاج الزعبي و الشاعر/ محمد بن مشيط المري




مــحـــمــد بـن مــشــيــط

يا مرحبا ترحيب مايترك مجالٍ للشكوك ****** في حفل ربعٍ تكرم الضيفاني وتعز الخوي

التاجر اللي من كثر ماله تمناه البنوك ****** يارد على هداج ويصدر من الماء مرتوي



ســعــود بــن مـــدلاج

دام البقى بك يا المرحب وانتبه والعلم دوك ****** ترى الرجال تقول ماضد القوي غير القوي

والحجه اللي ماعليها يا ولد عمي صكوك ****** ماتـسـتـوي لـوطـالـت الايـام لك مـاتستوي



مــحــمــد بــن مــشــيــط

يا سعود بن مدلاج لاتسرع ترى فالدرب شوك ****** حاول تركد لين تعرف حل حبلٍ ملتوي

سمعت صوت الطايره قبل امس وانا في تبوك ***** ومن وقعت والذيب ابو نيبان يقنف ويعوي



ســــعــــود بــن مــــدلاج

اللـه يـعـز الممـلـكـه يـا رجـل في عز الملوك ****** يلي تولفلك سوالف وانت منت مهتوي

وش حيلتك لن عودت مابين ابوك وبين اخوك ***** السيفِ جاله قرقعه والنجم جايله دوي



مــحــمــد بــن مــشــيــط

يا بوعلي لا تحسبن الملعبه ملكٍ لبوك ****** ارتاح ياراع الحفيره والحسى لبن جلوي

عطوك لين اغنوك ليش تنكر ماعطوك ***** ولا عطوك الا علشانك مـن الاصـل بـدوي



ســــعــــود بــن مـــدلاج

يا صاحبي مانمضق الهرجه مثل مـضـق العلوك ***** امـا طـبـخـناكـم طـبـخ ولا شـويـنـاكـم شـوي

انا اعرف الرجال الفضل واعرف ملويت السلوك ***** وانا اعرف اصول العرب زعبي ومري وشلوي



مــحــمــد بـن مـشــيــط

اللـه يـضـل روس قـومٍ فـي حـيـاتـك ضللوك ***** اقـولـهـا وانا يـلا قـلـت الـوسـيـمـه ما قوي

علمت انا بنساب خلق الله وربعك ما نشدوك ***** وانا ما قلت انك يا بن مدلاج زعبي وعطوي



ســعـــود بـــن مــدلاج

انا امدح الطيب وسولف والعلوم ألها سموك ***** وهرج على قد انحوك و اهرج على قد انحوي]
ابو متعب غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:37


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir