مجالس قبيلة زعب  

العودة   مجالس قبيلة زعب > المجالس الأدبية > مجلس المسابقات

 
 
أدوات الموضوع انواع عرض الموضوع
قديم 12th February 2003, 20:08   #1
سعود عاشق العود
عضــــو نشيــط
 
الصورة الرمزية سعود عاشق العود
 
تاريخ التسجيل: Feb 2003
المشاركات: 221
@@ تتوقعون أبوي يحبننننني؟؟!! @@

مساااء الخيييييير...

فيه موضوع دايم يلحس مخي...في هزيع الليل عندما يلبس الليل عبايته المخصره..ينقز الى ذهني تساؤل...هل أبوي يحبني؟؟؟وهل أخوي الكبير يعزني؟؟

وتقافزت الى ذهني مثل قفزات أحمد خريش لاعب الاتفاق اذا جاب قول(خبط) بعض المواقف :
بابا بيحبني والا لأه:

المشهد الاول: كان يوم العيد وكلالعايله مجتمعين عند جدي(الله يرحمه )..وكنت قاعد مع الرجال محتررررم ومؤدب من كثر ما انا مؤدب بغيت أغني للرجال سارعي...وابوي جنبي قاعد يفقش على العالم يقول : انا رحت لسويسرا عشان اسحب اموالي وبودعها بالبنوك السعوديه تشجيع لاستثمارات البلد...(وانا اقول بيني وبين نفسي يا كبرها عند الله راس مالك التجوري اللي في غرفة الملابس مافيه الا فشق ساكتون(رصاص البندقيه) وخمسمية ريال مفككها ريالات مسوي كاش وصرة مساويك )...ومسكت نفسي وسكت...الا ويفقش الفقشه الثانيه الاليييييمه..معه ملعقة السلطه ومافيها الا خيار وحبة رز في نص الملعقه وبدى يغرد وقال: تونا راجعين من المقناص في أذربيجان (لاحظوا قوة الفقشه أذربيجان) انا واخواني وصدنا صيد اللهم يا كافي طياره لنا وطياره للطيور)...وعماني طيروا عيونهم كنهم يقولون خش بعيننا ما رحنا معك الا مره وحده لديراب في استراحة ابو مسامح ما صدنا الا عصفورين وضب اعرج)....وانا قفلت معي والتفت على ابوي وقلت له باذنه: أبوي من جدك والا تستهبل... ما وعيت الا قبصني ذيك القبصه من تحت السماط )...ويوم طلعنا من المجلس قال وعدك البيت...انت ما تنطم في مجالس الرجال..ورجعنا البيت وسطرني كف من قوته جونا الشرطه يحسبون فيه طلق رصاص...وطحت على وجهي...وانا اضحك واصيح مدري وش أعبر.....

أخويا بيحبني والا لأه:


المشهد الثاني:جو لأمي مره صديقاتها...والضعيفه متحمسه جايبه بوفيه ...من كثر الاكل قمنا ناكل منه اربع اسابيع على الغدا والعشا..حتى على الفطور صرنا نفطر رز برياني وسعودي...المهم ما علينا ترجع لصديقات امي...كانت حاطه البوفيه بالحوش....... المهم قبل ما يجون بخمس دقايق جيت بطلع من البيت والقراج مافيه الا سيارتي وسيكل السواق..لقيت سيارة ابوي...وفوقها قطوه سودا عورا وتناظرني وتقول: خير يابو الشباب ضايعلك شي في وجهي...انا شكييييت وارجع للبيت والقى راس يطل من السطح...كنه ارنب يطل من عشب..انا احسبه واحد يسرق حمامنا وانقر من باب المطبخ وهوبااااااا على الدرج وهوبااااااااا وانا في وسط السطح...والاقي واحد متكي معه زمزميه شاهي ولابس بنطلون الفالح ايام المنتخب كاس اسيا 84 في سنغافوره..واقرب شوي شوي منه كني بزر سارق مفتاح سيارة ابوه وهو نايم وبيطلع من الغرفه..وامسكه مع علباه واقول خييييييير...ويلتفت علي ويناظرني ذيك النظره اللي حسيت بعدها اني لازم ادخل نادي حديد عشان اناظر زي نظرته...وتخيلوا من طلع السربوت اخوي الكبير؟؟؟؟؟؟؟؟...ويم سكني مع رقبتي ويثبتي على الجدار..ومن اللخمه قال: ورى ما رحت صلاة الجمعه...قلت يالمفهي اليوم الاثنين..ويفلتني ووجهه منعفط ما يدري وش يصرف..وقال: ما تدري ان اليوم بيطلع مذنب هالي...قلت والله بعلم ابوي يصمخك ...وبعدين طلع من المطبخ ومعه ملاس...وصمخني فيه الين اذنت
سعود عاشق العود غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:48


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir