مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 9th September 2005, 18:52   #1
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
ملحمــــــــــــة الشـــــعر

عندما يفخر من هو اهل للفخر . وعندما تهيض المشاعر بملحمة من ملاحم الشعر

هذا هو الشاعر عبدالله مبارك بن عجين الزعبي في ألفية شامخة


[poem font="Simplified Arabic,5,blue,normal ,normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]

الألـف أولـف كايفـات اللحـونـي = مثايلـن تزهـى علـى كــل لـونـي

مـن واقعـن ينشـاف شـوف العيونـي = ابـدى بهـا بالطيـب وفيـه الختـامـي

والباء بنيت القاف والقـاف ميـزان = على الحـروف وكـل حرفـن بعنـوان

مافيـه حقـن بـإن مـن دون بـرهـان = هـذ كلامـي وافتخـر فـي كـلامـي

والتاء تزول النعمـة اللـي بتبذيـر = وتزول حتى صحبتـن مـش علـى خيـر

هذيـك والله عفنتـن مـثـل خنـزيـر = نكـرم وتكـرم كـل ربعـن حشـامـي

والثاء ثراتك كان ماهي علـى ديـن = مـاعـاد والله ينـفـعـن المـلايـيـن

لاصـار ماهـي فرحـتـن للمساكـيـن = على الزكـاة تـزود فـي كـل عامـي

والجيم جارك والخوي وايضاً الضيف = وهـاذي ثلاثـاً بيـنـات التواصـيـف

ياحيـف رجـلاً ماعرفهـا وياحـيـف = هـاذي شـداد المعـرفـه والسنـامـي

والحاء حلاة الكيف وسـط المعاميـل = وطيـب المعـارف مكسبـن للرياجيـل

يـوم الـردي دايـم قليـل المحاصيـل = عمـر الـردى مـادام عمـره ودامـي

والخاء خيـار النـاس دايـم لأهلهـا = ولايسـتـوي للحمـلـه الا جمـلـهـا

والله خـلـق هالـنـاس والله كفـلـهـا = والوقـت يمشـي والعـمـر للامـآمـي

والـدال دامـك فالستـر والعـوافـي = ومرهي عليك الـرب والأمـن ضافـي

لاتفتكرفـي قــول شـافـي ولافــي = مـن يتبـع القالـه يهـان ويضـامـي

والـذال ذكـرك بيـن كـل البرايـا = هوعمـرك الثـانـي ومـثـل المـرايـا

تشوف بـه قـدرك وكــل النـوايـا = ويبـان منهـو صاحبـك والخصـامـي

والراء رعـايا الله في حفـظ الامانـه = خـل الولـي قـدام وجـهـك وعـانـه

ماذل ربـي مسلمـن عـز شانه = فـي طاعتـه ينـزاح كـل الظـلامــي

والزاء زللـك برجلـك الا لسانـك = اللـي كماقالـو الـى صنـت صـانـك

واللـي بعـد قالـوا الـى خنـت خانـك = وزودن علـى كثـر الحسوفـه تلامـي

والسيـن سـرك لاتوريـه للنـاس = واذا انجبرت ابـده علـى حـازم البـاس

اللـي اذا مـا سـر ماهـوب بــلاس = اللـي علـى الرفقـه يشـد الحـزامـي

والشين شاور صايب الراي شـوره = اللـي عصـره الوقـت واعيـاه جـوره

والوقـت مابيـن الـحـلا والـمـروره = ولكـل شـئ ان كـان تفهـم نظـامـي

والصاد صد ان جاك فالدرب مقرود = خلـه يولـي جعـل لاراح مايـعـود

تـرى طريقـه دايـم الـدوم مـسـدود = هـاذي تجـارب والتجـارب عـلامـي

والضاد ضم اريالك اللـي يداريـك = وارضـى القناعـه فـي قليـل ويكفيـك

اخيـر مـن منـة عيـونـاً تراعـيـك = المـال كبـر صاغـريـن الاسـامـي

والطاء طراة الشئ لاجاءفـي حلـه = لاهـوب سباقـن ولا الـوقـت زلــه

مذكـورتن في كـل مـذهـب ومـلـه = كـل شـئ فـي وقتـه تمـام التمامـي

والظاء ظلام الوجه كبـر المصيبـة = ياويـل مـن دعـوة ضعيفـن تصيبـه

مظلـوم والمظـلـوم لــه مستجيـبـه = يالله دخيلـك مــن كـبـار الاثـامـي

والعين عقـل الادمـي هـو جمالـه = دايـم وراعـي العقـل مرتـاح بـالـه

والرجـل بلسـانـه يـقـاس اعتـدالـه = تـرى العقـل للرجـل مثـل الخطامـي

والغين غيبه مسلمـن منـك غافـل = لوكـان فـأردى النـاس منحـط سافـل

مأنت بوصـي الله علـى الخلـق كافـل = والنـاس كـلاً دون نفـسـه يحـامـي

والفاء فروضـك ياولـد واحتسبهـا = والاخـره مـاكـل رجــلاً كسبـهـا

أمـافـي جـنـه او سـمـوم ولهبـهـا = فـي موقفـن مافيـه خـال وعمـامـي

والقاف قول الحـق راس الفضيلـه = أعلـى الجهـاد اللـي علـى الله سبيلـه

خيـر الحكـي لا جـاء قليلـه دليـلـه = والحـق يقطـع مثـل قطـع الحسامـي

والكاف كف الشر والسـن بسنـون = وامر الولي لاجاء على الكـاف والنـون

وأفطن في صكات الدهر مأنـت مأمـون = انتـه تـرى مثـل الهـدف والسهامـي

واللام لوم النفس هو نصـف توبـه = والنصـف الاخـر كـان كفـر ذنوبـه

والنفـس ماهـي بالخطـايـا مثـوبـه = والله غـفـورن للـذنـوب العظـامـي

والميم من لايعتبـر بالخطـا ضـاع = ومـن لايـداري لقمتـن تشبعـه جـاع

ومن لاحفظ نفسه هـوت فيـه الاطمـاع = ماعـاد ميـز وش حـلال وحـرامـي

والنـون نـار الحقـد والله عظيمـه = لـو انتقصـاهـا اســاس الجريـمـه

والحلـم شـرعـا للعـقـول السليـمـه = اهـل العقـل والفـكـر والاحتـرامـي

والهاء هدايا الوقت كشـف الصداقـه = طـول الدهـر يبحـث خفايـا الرفاقـه

يالله دخيلـك مـن رجــال الحمـاقـه = ياكثرهـم مـثـل الـجـراد التهـامـي

والواو والله ماجبرني علـى القـول = الا رجالـن تفعـل الـقـول وتـطـول

في مدح ربعي قمت انا اصـول واجـول = والمـدح مايـوفـي كبـيـر المقـامـي

يالله ياعذبـات المعـانـي تعـالـي = فالماقـف اللـي يحتـمـون الرجـالـي

الارض تشـهـد والحقـايـق جبـالـي = والصدق مـن طبـع الرجـال الكرامـي

حنا بني زعـب الـذي جـده اسليـم = واسليـم أبـن منصـور مافيـه تعتيـم

فـي الجاهليـه ثـم الاسـلام ماضـيـم = اسمـن جمعنـا نفتخـر بـه وسـامـي

منزالنـا مابيـن مـكـه ويـثـرب = وان دندندوا في طبلـة الحـرب نطـرب

حـوض المنايـا لا وردنـاه نـشـرب = خـوض المعـارك عشقنـا والغرامـي

فـي فتـح مكـه للرسـول المعظـم = عقـد لوانـا فـي بطلنـا المخـضـرم

الاخنـس الـلـي بالميـاديـن مـغـرم = على الرسول افضـل صـلاة وسلامـي

منـا رجالـن بالمعـالـم شهـيـرة = عباس بـن مـرداس وكعـب وضميـره

ياماكتبنـا فــي سـطـور الجـزيـرة = مـن فـوق خيلـن عاديـات الهمـامـي

سدنا علـى الحـره سلاطيـن جمـا = ومن ثـم جينـا وسـط نجـد المسمـى

واللـي بعـث للهاشمـي قــول عـمـا = الـواحـد المعـبـود رب الانـامــي

وجتنا من الطائف بن هلال واهـلال = معنـا فـي سابـع جـد بالعـم والخـال

فـي جدنـا منصـور ماهـوب ينقـال = روايـة الكلبـي فـي شـرح الامامـي

دجنا في هضبة نجد الى حـد تيمـا = ومعنـا بواسـل مـن هـلال الصريمـا

كـم شوفتـن اصبـح ولـدهـا يتيـمـا = بمصقـلاتـن مرهفـاتـن صـرامـي

ومن ثم غربنا على الغرب الاقصـى = وامسى علينا الليـل والفكـر مـا امسـى

جينا الزناتـي بيـن غرسـن ومرسـى = فـي راس حصنـن مايجيـه الحمامـي

ودارت علينا امـن الدوايـر عربنـا = وشبـت شمـال افريقيـا مـن حطبـنـا

صـارت مداهيـل العـرب مـن سببنـا = جمعـن كبيـر ولاذكــر بانهـزامـي

وحنا ترى اللـي ميتميـن المهـارا = عـن جارنـا سقنـا خيـولـن تـبـارا

فرسان الى جـاء عنـد قـدح الشـرارا = وقـت الهـداد يبـان فعـل القطـامـي

وحنا هل الجيـره رجـال الحميـه = من دون ابـن صبخـي وجنـب المطيـه

يـوم الـردي لاخـاف همـل خـويـه = الخـوف مـاطـول حـيـاه النعـامـي

وحنا على جديـن غانـم ومتـروك = سبعة عشر جمعن على ختـم واصكـوك

من واقعـن ماهـوب تزويـر واشكـوك = مثـل المطـر مـن صادقـات الغمامـي

واجموعنـا لاجيـت ابيـن عددهـا = مثـل البيـوت اللـي طوالـن عمـدهـا

والله يخـص بنعمتـه مــن حمـدهـا = ربـي ولاغيـره علـيـه اعتصـامـي

فينا العجارم هم على روس الاشهـاد = مثـل النجـوم اللـي بهاالركـب ينـقـاد

متوارثيـن المجـد مـن جـد واجــداد = اهـل السيـوف امـورديـن الحيـامـي

وفينا غويـرات السلاطيـن حكـام = جمعـن شديـد ولاخسـر قـط وانضـام

كـم شيـخ قفـو فـي حلالـه ولانــام = عقـب القهـر اصبـح يعـض البهامـي

والادغافـل كاسبـيـن النوامـيـس = اللـي علـى سـود الليالـي مدابـيـس

سواعـدن للسيـف والـرمـح فـريـس = اهـل الحـروب الـدايـره والزمـامـي

واعيال ابن جبلان روس المراقيـب = اعيـال عـودن مـا حسـب للمحاسيـب

شيخن كتب اسمه علـى شجـرة الطيـب = مورد ركـاب القـوم جـوف المضامـي

واعضودنـا اللـي دايمـن مستلمـه = اللـي علـى روس الـبـلاوي مطـمـه

اهـل المواقـف هـم رجـال المهـمـه = كـم فارسـن ذكـوه يـوم الزحـامـي

واعيال الاجـذم والمسمـى وهابـا = في مامضـى قـد قيـل قولـن صوابـا

ياسـعـد منـهـم لابـتـه فاالنهـابـا = صويبهـم تبطـي جـروحـه دوامــي

وجمع الشهبات امخلصيـن اللـوازم = فـي ساعـة البلـوى تصـك المحـازم

رجالهـم مايرتخـي الـعـزم جــازم = لاطالت الطرقه وجـاء الـدرب شامـي

والله واكبـر مـن رجـال الشليـات = تفننـو فـي الحـرب والغـزو غـارات

كـم سربتـن خلـو مجاميعهـا اشتـات = بشلفـن تلهـب عـاجـلات الـولامـي

وآل رمضان اهل المثايل والاشعـار = اعيـال عـودن فالمواجـيـب جـبـار

والحرماينجـب تـرى كـود الاحــرار = رمـز الوفـاء هـم غايتـي والمرامـي

وجمع الحناظـل لابتـن بالعـزاوي = لطامـت الـعـدوان يــوم النـخـاوي

أهل الشداد اللـي علـى العسـر يـاوي = كبار الصحون اللـي تصـب الايدامـي

والاد طوق اللي بـه الفكـر واعـي = فريـض حـقـاً بـالاوامـر يطـاعـي

صيتـه كمـا طيبـن تشعشـع وذاعـي = بالحـق والحكمـه ولـبـس العمـامـي

وجمع الاجاود هم هل العلـم والعلـم = قشران فـي الصكـات واجـواد فالسلـم

اهـل الوجيـه النيـره هـم هـل الحلـم = عـدوهـم مــاذاق حـلـو المنـامـي

واما السعده ياسعـد منهـو نصاهـم = امكملـيـنـن بالـمـزايـا وفـاهــم

جمـع الرجـال اللـي يـذري ذراهــم = كم شتتـو مـن جمـع عقـب اللمامـي

وجمع الدخنه في قمة المجد معـروف = منبع صناديـدن كمـا العيـن والشـوف

والذكر فيمـا شافـت العيـن موصـوف = تفرح الى جـت بيـن سيـاف ورامـي

وجمع الهـوادي والنعـم بالهـوادي = ليثـاً علـى نطـح المعـادي يـعـادي

وصفه كما نجمـاً علـى النـاس بـادي = لاجن غـداري مثـل جـوف الجمامـي

والاد حمـران المسمـى مناعـيـر = خطـلان الايـدي والوجيـه المسافـيـر

لاصيحـن بالصـوت بيـض الغناديـر = بانـت سوايـاهـم نـهـار الكعـامـي

والاد عسكر لابتي هم هـل الخيـل = كسـابـة العلـيـا نـهـار التهـاويـل

هاذي فعايلهـم ومـن جيـل الـى جيـل = اهـل المهـار امـثـورات العسـامـي

هـاذي حمايلنـا واسامـي اهلـنـا = فـي شرقـي الصمـان جينـا نزلـنـا

والعـذر فيمـا قــد حكيـنـا وقلـنـا = حنـا اجتهدنـا والجـهـود اهتمـامـي

ولنا مـع المـره عهـود ومواثيـق = واسمن مسمـى ماحصـل فيـه تفريـق

منصى الجلاوي لاتوازي مـن الضيـق = الاد مــره مــن محـاديـر يـامـي

والنعـم والله فـي جميـع القبـايـل = والنعـم حتـى فـي جميـع العـوايـل

والفضل بالتقـوى ماهـوب بالاصايـل = واتـلاى حيـاة الادمـي وسـط خامـي

والله يديم الامـن والشـرع والعـز = في ضف منهو جاء على الحكـم وارتـز

صرحاً طويلاً مـا تزعـزع ولا اهتـز = بانـي قصـور العـز عقـب الخيامـي

والياء يارب الكون يارب الاربـاب = ياواحـدن ماتنقفـل دونــك ابــواب

ياخالقـن هالنـاس والمـوت بأسـبـاب = ياكاسيـن باللـحـم كــل العظـامـي

تغفر لنا ماقيـل مـن كـل الالسـن = المقبلـه واللـي بعـد جــن واقـفـن

منك المخافـه والرجـاء فيـك أضمـن = اعـداد مـن صلـى وزكـى وصامـي[/poem]
العبيدي غير متواجد حالياً   رد مع اقتباس
قديم 9th September 2005, 20:44   #2
عبدالعزيز
عضــــو فعــال
 
تاريخ التسجيل: Mar 2003
المشاركات: 349
(( ألفية شامخة ))


بل الشموخ يقتبس منها

بيض الله وجه قائلها وناقلها

الشكر كل الشكر للشاعر / عبدالله مبارك بن عجين الزعبي

وانت ايها المشرف الكبير بأبداعك واختيارك (( العبيدي )) لك مثل ما للشاعر من الشكر والثناء

دمتوا سالمين ,,



***
عبدالعزيز غير متواجد حالياً   رد مع اقتباس
قديم 9th September 2005, 21:10   #3
ابو شبيب
عضو مبـــــدع
 
الصورة الرمزية ابو شبيب
 
تاريخ التسجيل: Mar 2003
المشاركات: 554
عبدالله بن مبارك بن عجين

بصدق
من أجمل ماقرأت من شعر مؤخرا ً
مفخرة عجيبه بمنتهى العذوبه من ابن عجين
راقيه جداً
بكلماتها
بأفكاركها
بتاريخها
بتفصيلها
باحاسيسها
بنسبها
بفخرها
بمبادئها
يا ألهي ما أجمل الشاعر عندما يتجلى ويبوح وجدانه
عجيب أمر هذا الإحساس الذي تطاوعه الكلمات وترمي نفسها بين يديه
ليترجمها شعراً شامخاً كشموخ هذه القبيله
لله درك على هذه القصيده
هنا الفخر لمن أراد أن يفتخر


العبيدي
تعجز الأحرف أن توفيك حقك
ولكن ما يشفع لنا أنك تعلم ما تحمل القلوب لك


دمتم بود مع آرق التحايا

ابو شبيب
ابو شبيب غير متواجد حالياً   رد مع اقتباس
قديم 9th September 2005, 21:17   #4
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
عبدالعزيز

بيض الله وجهك

وصح الله لسان ابو مبارك

عرفناه شاعراً جزلاً

الشكر لله اولاً ثم لشاعرنا الذي اهدانا

هذه الملحمة

تحية لك من القلب يابو سعود
العبيدي غير متواجد حالياً   رد مع اقتباس
قديم 9th September 2005, 21:43   #5
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
ابو شبيب

قريب الى القلب انت

سعدنا لاننا حضينا بشيء

مما يروق لذوقكم

وازدادت سعادتنا حينما

رددتم بهذه الكلمات العذبه

في شــــــــكر صاحب

هذه الالفيه الشامخة

ولكن بقي ان نشكركم

وعبارات الشكر لاتنصفنا

لكم

ابو شبيب

شكراً مدد بلاعدد
العبيدي غير متواجد حالياً   رد مع اقتباس
قديم 9th September 2005, 22:40   #6
الشعب
عضــــو
 
تاريخ التسجيل: Aug 2005
المشاركات: 23
صــــــــــــح الســــــــــان الشاعر / عبدالله مبارك بن عجين الزعبي

ولاهنت على النقل يالعبيدي

ابيات جزله جزله جزله ....... الى مالا نهايه

مفخره يفخر بها كل لسان من ابناء القبيله

جزاك الله على تحريك مشاعرنا بشاعريتك وبكلماتك وبأحرفك

لك التقدير وكل الأحترام
الشعب غير متواجد حالياً   رد مع اقتباس
قديم 10th September 2005, 05:39   #7
ابوهلا
عضو مهم
 
تاريخ التسجيل: Jan 2003
المشاركات: 2,030



السلام عليكم ورحمة الله وبركاته



هنا شموخ هنا ابداع هنا جزاله هنا حبك وتمكن




قصيده وعقد فريد تزيد به عنق هذا المنتدى تجذب وتغري لمعته كل متصفح



الفيه وملحمة اقل مايقال عنها انها شامخه بشموخ قامة كاتبها وناقلها





صح الله لسان الشاعر عبدالله مبارك بن عجين الزعبي ابدعت فأبدعت




اسم سنحفظه جميعا جيدا





لله درّك ياعبدالله هذي القصايد اللي تـقـنـّـد الراس



لاعدمناك



ولاهنت يالعبيدي يامشرفنا المتألق علي نقلها لنا





قصيده فعلا تستحق التثبيت عن جداره ومحلها فوق فوق



تقبلوا مني جزيل الشكر وكثيــف الأحترام


.
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 10th September 2005, 06:20   #8
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
الشعب

اهلاً بك

مشكور على مرورك

تسلم
العبيدي غير متواجد حالياً   رد مع اقتباس
قديم 10th September 2005, 09:27   #9
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
صح الله لسان الشاعر عبدالله مبارك بن عجين الزعبي

قصيده جرزله وشامخه و مفخره ((يفخر بها كل لسان من ابناء القبيله ))

(((الفيه وملحمة اقل مايقال عنها انها شامخه)))


اللـه لايهينك على مجهودك الطيب((يا العبيدي))


((وتقبل خالص تحيااااتي))
ابو متعب غير متواجد حالياً   رد مع اقتباس
قديم 10th September 2005, 20:14   #10
حياز
شاعر
 
تاريخ التسجيل: Aug 2005
المشاركات: 214
الله الله

شي يرفع الراس

ويفخر به

بيض الله وجهك يعبدالله بن عجين

مثل مابيضت وجيهنا

ولاهنت يامشرفنا الرائع على جهودك الرائعه

وجزاك الله عنا كل خير
حياز غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 13:04


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir