مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 1st September 2005, 14:34   #1
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
طيري غدا والسلوقي راح

الــســـلام علــيــكـم ورحــمــة اللــه وبـركـاتـه ...‍‍‍‍‍

الطير له محبه عند راعيه فكيف اذا ضاع الطير وهذا ما صوره الشعراء بعد فقد طيورهم
كانت مليئه بالمعاناة والتوجد واعتقد ان السبب ان الطير بالسابق كان مصدر للرزق لراعيه مع ولع الصيد طبعا ووجدت بعض الابيات التي تعبر عن مشاعر فاقدي الطيور .

يقول احدهم وهو يصف طيره اثناء الصيد



وأطيري اللي كنّ عينه سناكير ***** عمال ما تبطل كفوفه دوامـي
كنه غلام فاشحله علـى بيـر ****** متمشلحن يسقي قطيع ضوامي
بالله عليكم بكـروا يامداريـر ****** للابرق اللي داخل الجو زامي





وهذه الابيات المشهوره التي يتناقلها الناس للشاعر(((دخيل الله بن مرضي الدقيما)))


طيري غدا والسلوقي راح ***** لوى حلولاه يـا طيـري
اصيح وارمي له بالملواح ****** واظن طيري لقى غيري





ويقول اخر



حر شلع يوم البواشك مخامير ******* عدل المناكب مسفهل الحجاجي





اما الشيخ شالح بن هدلا فطيره مختلف عن الطيور والمقصود هو ولده عندما قتل وشبهه بالطيروهورد علي من جاءه ينشد عن الطير .



إن كان تنشد يالهويدي عن الطير ***** الطير والله يالهويدي غـدا لـي

طيري عذاب معسكرات المسامير ***** إن حل عنـد قطيهـن الجفالـي

إن جا نهار فيه شر بـلا خيـر ***** وغدا لهن عند الطريح اجتوالـي

إن دبرن خيل وخيـل مناحيـر ***** وغدن مثل مخزمـات الجمالـي





وهذا سلمان بن دغيم اعندما ضاع طير الشاعر في عرق المظهور بالقرب من حائل فأنشد هذه القصيده يتوجد بها على طيره (( عساف ))



البارحه جفني بحلـو الكـرى عـاف ******* ودموع عيني مثـل وبـل الشخاتيـر
انحاس بالي يـوم ضيعـت عسـاف ****** اللي غدا يطـرد صفـوق المغاتيـر
اقفت به الربدا على الحـد بأطـراف ***** شمالـي البتـرا بعـرق المظاهـيـر
قمت اجدع الملواح في كـل مشـراف ***** باح العـزا منـي ولاجانـي الطيـر
وانا على طيـري كثيـر التحسـاف *******اللي يصخر هارب الربـد تصخيـر
ومن سو حظي ضاع في وقت الأنكاف ***** ولا عاد من فرصـه نـرد المداويـر




ونختم بقصة وقصيدة الشيخ ساجر الرفدي من عنزه
كان الفارس ساجر الرفدي عنده طير اسمه حطاب وسلوقي اسمه خطاب ويوم من الأيام جاء (خليف) وطلب من ساجر الطير والسلوقي يبي يقنص بهن وعطاه إياهن وراح يقنص بهن أثريه ضيّع الطير والسلوقي هدّهن ولا رجعن0000 .دوّر ما لقى ورجع لساجر يبي يعلمُه ويعتذر منهُ وجاه قبل غياب الشمس بشوي000 ومن الخوف والربشه نثر القهوة اللي كان ساجر مولمها ومبهرهَا وحاطها على جال النار مجهزها للفطور لانهم في رمضان
وصارت اربع مصايب على ساجر من( خليف) الراعي فقال القصيده



البارحه يا خليـف عـزّي لحالـي **** مضّيت ليلي بين سهري والافكـار
قالوا علامك قلـت مماجـرا لـي **** لكن يوقـد بالضمايـر سنَـا نـار
مصايـبٍ مـا شفتهـا باليـالـي ***** أربع مصايب صادفتني من الجـار
الأولـه حطـاب يسـوى عيالـي ******* أشقر عديمٍ لإبرق الريـش iنثـاّر
والثانيـه خطـاب مالـه مثـالـي ***** شره على تيس الجميله إلى غـار
والثالثه سويـت بصفـر الدلالـي *** وفاحت بهارتها بهيـلٍ iومسمـار
والرابعـه عظـم بتتـن الشمالـي **** وأفلست منهن عند حزّات لأفطـار
تعوكست يا خليـف بـاول وتالـي ***** من خلقت الدنيا فلا مثلهـا صـار
يا ليت جتني قومٍ وخـذت عيالـي **** اصبر على عسر الليالي والامـرّار
العمـر يفنـى وآخـره للزوالـي ***** ولو طالت أيامك ترى الوقت غدار
ليا صـرت أنـا مهـذا الرجالـي ******* ومضّيت عمري مع طويلين الاشبّار
قدت السبايا مـع فجـوجٍ خوالـي ***** وكم خيّرٍ هدمـت بيتـه علىلـدّار
جيتـه بقـومٍ يبعـدون المـدالـي ******* سبـاع بـرٍّ فـوق نـزاع الازوار
إلى توجهنا رخـص كـل غالـي ******والفعل يظهر عند حتات iالأوبـار
واليوم يا رجال الشرف والمعالـي **** مضّيت وقتي بين وردٍ iومصـدار
ما شفت مثل خليف شيـن لخيالـي **** من نشوة البدوان ما مثلهـا صـار
مقرود ماله يا فتـى الجـود والـي *****وزودٍ على قرده كـذوبٍ iومكـار


__________________
منقوووووول


مع تحيااااااااااااااااا اااااااااتي
ابو متعب غير متواجد حالياً   رد مع اقتباس
قديم 1st September 2005, 23:20   #2
ابوهلا
عضو مهم
 
تاريخ التسجيل: Jan 2003
المشاركات: 2,030
ياسلام عليك يابو متعب



اختيار جزل وموفق


وياسلام علي هالبيت فالوصف للطير



كنه غلام فاشحله علـى بيـر ****** متمشلحن يسقي قطيع ضوامي



وصف قوي جدا



لاهنت
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 2nd September 2005, 03:22   #3
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
لاهنت يابو متعب على النقل الجميل والممتع



واعجبني البيت اللي اختاره اخوي ابو هلا وصف رائع



كنه غلام فاشحله علـى بيـر ****** متمشلحن يسقي قطيع ضوامي






تسلم يابو متعب
.
مبارك الزعبي غير متواجد حالياً   رد مع اقتباس
قديم 2nd September 2005, 03:52   #4
أبو علي
عضــــو نشيــط
 
الصورة الرمزية أبو علي
 
تاريخ التسجيل: May 2005
المشاركات: 268
اللــــــــه يـــعـــطـــيـــك الـــعـــافــيــه

يـــا ابو متعب

وشكرا على أختياراتك الجيده للمواضيع ونقلك الرائع

ولاااااااااااااااااا ااهنت
أبو علي غير متواجد حالياً   رد مع اقتباس
قديم 2nd September 2005, 04:11   #5
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
((( ابو هلا ___ مبارك الزعبي ___ أبو علي )))

اللـــه لاااااااايــهــيــنـ ـكــم

عــلــــى الــمرور الـــطـــيــــب
ابو متعب غير متواجد حالياً   رد مع اقتباس
قديم 2nd September 2005, 07:17   #6
مــحمــد بن ثاقب
عضــــو فعــال
 
الصورة الرمزية مــحمــد بن ثاقب
 
تاريخ التسجيل: Aug 2005
المشاركات: 378
ابو متعب اختيارك لهذا الموضوع اكثر من رائع
واتمنى لك المزيد من التطور في الاختيار
لاهنت يابومتعب000000000000
مــحمــد بن ثاقب غير متواجد حالياً   رد مع اقتباس
قديم 2nd September 2005, 09:00   #7
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842

ابو متعب

احسنت النقل والاختيار

ذوق رائع

ووفاء جميل

لاهنت يابو متعب
العبيدي غير متواجد حالياً   رد مع اقتباس
قديم 2nd September 2005, 15:57   #8
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
(((( بن ثاقب ___ العبيدي )))

اللــه لا يهينكم على المرور الطيب
ابو متعب غير متواجد حالياً   رد مع اقتباس
قديم 2nd September 2005, 23:18   #9
حياز
شاعر
 
تاريخ التسجيل: Aug 2005
المشاركات: 214
ابو متعب

رائع في نقلك

وموضوع رائع

فللطير مكانه عند راعيه

وهذا واضح بتشبيههم له بالأبن

شكرن يامبدع
حياز غير متواجد حالياً   رد مع اقتباس
قديم 2nd September 2005, 23:50   #10
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
حـــــــــيــــــاز

اللـــه لاااااايــهــيـنــك

عــلــى الـــمرور الــطـــيـــب
ابو متعب غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:49


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir