مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

 
 
أدوات الموضوع انواع عرض الموضوع
قديم 17th June 2005, 11:01   #1
ابو متعب
عضــــو نشيــط
 
الصورة الرمزية ابو متعب
 
تاريخ التسجيل: May 2005
المشاركات: 253
محاوره بين سعود بن مدلاج الزعبي و ذيب الشمري

«®°·.¸.•°°·.¸¸.•°°·. ¸.•°®»هذه المحاوره
ظهرت في تلفزيون الكويت
في اكثر من برنامج شعري..


******************** ******************** ******************** 8

ذيب:
يامرحبا من هجوسٍ تحسن الاختيار..
ترحيبةٍَ بالمواقف يحسب حسابها

يا سعود شوف المسافه واتبع الاختصار..
واخذ الحذر فالدروب اللي تمشابها

____________________ ________

سعود:
دام البقا يا مخلصت العلوم الكبار..
والكلمه الطيبه من حظ من جابها..

حنا نمد اليمين ولا نمد اليسار..
لاتحسبني معك لهوه تلهابها

____________________ _____

ذيب:
حنا قبلناك يالزعبي تحط الشعار..
وتنافس الناس وتسيطر على اعصابها

واذا تكاسلت مشينا عليك القطار..
ترتاح وتسلم السكين ونصابها..
____________________ _____

سعود:
مابين روسٍ طوال وبين روسٍ قصار..
ماعاد تلقى ولا كلمه تسلابها..

تقولها وانت ما تقدر تفك الزرار..
احرص من الحيه اللي تكشر انيابها

____________________ _____

ذيب:
العام ياسعود خففنا لك الاختبار..
واليوم بقعى يبي يلمسك مشعابها..

ودي توفى شهيد ولا تموت انتحار..
وتجنّب النار عن لحيتك واشنابها


____________________ _____

سعود:
الله يستر عليكم لايشق الستار..
وانتم هلا الفزعه اللي خاب طلابها

حنا نموت بشهاده وان حيينا حرار..
وانت عليك الصبيّه تشقق ثيابها

____________________ _____

ذيب:
ان ماقبلت المطر يبغى يجيك الغبار..
فزعاتنا من طلبها ما بخلنابها

يا اصحابنا يا سيوف الحق والانتصار..
جميع فتنه علينا سكروّا باباها..

____________________ _____

سعود:
يالشمري وقفتك صارت لربعك دماار..
والمشكله في عصاك اللي تعصىبها..

حنا وقفنا لها والزند يقدح شرار..
في ساعةٍ بارت الاصحاب باصحابها..








وسلامتكم..

«®°·.¸.•°°·.¸¸.•°°·. ¸.•°®»


واســمـــحــولـــنــ ـا عــلــى الــقــصــور
اخـــوكـــم / ابـــــومــــتــــعـ ــــب
ابو متعب غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:36


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir